Advertisement
 
 
 
 
 
 
 
 

Ubukungu

Minisitiri Murekezi yafunguye ku mugaragaro Kigali Marriott Hotel   

  Yanditswe na Tumukunde Georgine
 5 months ago

 
 

Hoteli y’inyenyeri eshanu izwi ku izina rya Kigali Marriott Hotel, imaze imyaka isaga itanu yubakwa i Kigali, ku wa 4 Ukwakira 2016, yafunguwe ku mugaragaro.

Minisitiri w’Intebe Murekezi Anastase wafunguye ku mugaragaro iyi hoteli, yashimye Ikigo Mpuzamahanga cyo muri Amerika gikora ibijyanye n’amahoteli n’ubukerarugendo (Marriott International, Inc.) kuba cyarahisemo gushora imari mu Rwanda, rukaba rubaye urwa mbere mu bihugu biri munsi y’ubutayu bwa Sahara mu kugira iyi hoteli.

Yakomeje avuga ko kiriya kigo cyahisemo neza mu gushora imari mu Rwanda kuko rwiyemeje gushyigikira ishoramari, dore ko ari n’imwe mu ntego z’ icyerekezo 2020, yo kuzamura ubukungu bw’Igihugu kikava mu bihugu bikennye, kikajya mu cyiciro cy’ibihugu bifite ubukungu buciriritse. Ikindi ni uko Igihugu cyashyize imbaraga mu kwimakaza umutekano, kikanateza imbere ibikorwaremezo byorohereza abashoramari kugera ku ntego.

JPEG - 121.8 kb
Minisitiri w’Intebe Murekezi Anastase n’ umuyobozi wa Marriot International muri Afurika, Aren Sorenson bataha ku mugaragaro Kigali Marriot Hotel

Umuyobozi mukuru w’ ikigo Marriott International Arne M.Sorenson, yavuze ko bishimiye gushora imari mu Rwanda. Yagize ati “Twishimiye gushora imari mu Rwanda, twizeye ko iki gikorwa kizagira uruhare rukomeye mu guteza imbere ubukerarugendo buganisha ku kuzamura ubukungu bw’Igihugu no guha imirimo abanegihugu. ”

Kuva mu mwaka wa 2012, Marriott yakoranye na Kaminuza ya Akilah Institute for Women ikorera mu Rwanda mu guhugura urubyiruko rw’abakobwa rufite imyaka iri hagati ya 18 na 30, rukanakora mu bikorwa byayo biri muri Doha muri Qatar n’ i Dubai muri Leta zunze Ubumwe z’Abarabu. Ubumenyi bahawe bakaba bazaza kubukoresha no mu gihugu cyabo; muri Kigali Marriott Hotel.

Iyi hoteli ifite ibyumba 254 harimo n’icyagenewe kwakira Umukuru w’igihugu, yafunguwe ku mugaragaro mu gihe i Kigali habera inama mpuzamahanga y’iminsi ibiri ihuje abashoramari batandukanye, igamije kureba uko ubukerarugendo by’umwihariko ubushingiye ku mahoteli bwatezwa imbere kurushaho, dore ko byagaragaye ko bufite uruhare runini mu kuzamura ubukungu.

Mu Rwanda, umwaka ushize ubukerarugendo bwinjije amadolari y’Amerika agera kuri miliyoni 342, yinjijwe na ba mukerarugendo bagera kuri miliyoni 1,2 basuye Igihugu nk’uko bitangazwa na RDB.

 

Comments

 
 
Mukahigiro yubatse inzu ebyiri z’ubucuruzi abikesheje kudoda inkweto
Mukahigiro yubatse inzu ebyiri z’ubucuruzi abikesheje kudoda inkweto

Mukahigiro Pascasie utuye mu kagari ka Gasovu, mu murenge wa Karambi mu karere ka Nyamasheke, avuga ko amaze kugera kuri byinshi abikesheje ubudozi bw’inkweto. Uyu mugore w’imyaka 45 avuga ko (...)

 Akarere ka Musanze  kazakoresha miliyoni 18 ku muyoboro w’amazi wa Rukore
Akarere ka Musanze kazakoresha miliyoni 18 ku muyoboro w’amazi wa Rukore

Ubuyobozi bw’Akarere ka Musanze buravuga ko bwateganyije amafaranga miliyoni 18, azifashishwa mu mushinga wo gusana umuyoboro w’amazi wa Rukore uri mu murenge wa Muko na Nkotsi, umaze imyaka 2 (...)

Abanyenganda b’i Huye baracyafite imbogamizi mu kwimukira muri zone yagenewe inganda
Abanyenganda b’i Huye baracyafite imbogamizi mu kwimukira muri zone yagenewe inganda

Mu gace kagenewe inganda mu kagari ka Sovu mu murenge wa Huye mu karere ka Huye, usanga hataritabirwa cyane ngo hakorerwe ibyo hagenewe, kuba nta bikorwaremezo birahagezwa n’ibibanza bihenze (...)

Kirehe: Umukobwa agiye gushinga uruganda ruzohereza inyama z’ingurube mu mahanga
Kirehe: Umukobwa agiye gushinga uruganda ruzohereza inyama z’ingurube mu mahanga

Umukobwa witwa Umubyeyi Aimée Laetitia, utuye mu karere ka Kirehe, umurenge wa Kigina, avuga ko ateganya gukora uruganda rutunganya inyama z’ingurube, ahereye ku bworozi bw’ingurube akora, (...)

Abahinzi bo muri Kigali basabwe guhaza isoko ry’imboga
Abahinzi bo muri Kigali basabwe guhaza isoko ry’imboga

Abaturage bakorera ubuhinzi mu bishanga by’akarere ka Kicukiro basabwe gushyira imbaraga mu kongera umusaruro w’imboga bagahaza isoko ryo mu Rwanda hagamijwe kugabanya amadevize asohoka igihugu (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.