2017-07-27 11:26:56 clouds 27o High | Kigali Rwanda

Dukurikire:
 
 

Minisitiri mu Bwongereza yaje kwirebera uko u Rwanda rwateye imbere

Yanditswe na IMVAHO NSHYA

Kuya 2016-09-26 09:50:08

 
Share on:
 
Yasuwe:5
 
Yavuzweho:200
 
10
 
10

Minisitiri Ushinzwe Iterambere Mpuzamahanga (DFID) James Wharton yatangaje ko yaje mu Rwanda mu rugendo rwa mbere azaba agiriye ku mugabane wa Afurika kuva yatangira imirimo muri Nyakanga.

Wharton ushinzwe kugenera inkunga ibihugu bikiri mu nzira y’Amajyambere, azahura n’abayobozi bakuru muri guverinoma baganire kuri gahunda z’iterambere u Bwongereza buteramo inkunga u Rwanda, zirimo kugabanya ubukene, uburezi, ubucuruzi n’ishoramari.

JPEG - 31.1 kb
Minisitiri James Wharton

Itangazo yashyize ahagaragara rivuga ko azanasura imishinga igihugu cye cyateye inkunga.

Wharton avuga ko ashishikajwe no kureba iterambere u Rwanda rwagezeho mu myaka 20 ishize, akanareba aho igihugu cye cyafatanya n’u Rwanda mu minsi iri imbere.

Ati”Niteze kureba iterambere rifatika u Rwanda rwagezeho mu myaka 20 ishize. Ntewe ishema no kuba u Bwongereza bwarafashije u Rwanda mu uru rugendo. Cyane cyane mu kuvana abaturage miliyoni 1.5 mu bukene mu myaka mike ishize.”

Uyu minisitiri yavuze ko igihugu cye cyiyemeje gukomeza gutera inkunga u Rwanda n’akarere.

Ati” Nk’igihugu cyiyemeje iterambere mpuzamahanga u Bwongereza bwiyemeje gukomeza gutera inkunga u Rwanda, mu kurwanya ubukene, kuzamura ubukungu, gushyigikira ishoramari no guhanga imirimo.”

Mu rugendo rwe, Wharton azatembera i Musanze arebe uko imishinga yatewe inkunga n’u Bwongereza muri gahunda ya VUP ifasha abaturage.

Azanasuzuma aho imfashanyo y’u Bwongereza mu bikorera yashoboye kuzamura abahinzi binyuza mu gucuruza umusaruro wabo.

Azanareba uko inkunga y’icyo gihugu ifasha mukuzamura ikoranabuhanga mu Rwanda.

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE