Advertisement
 
 
 
 
 
 
 
 

Ubukungu

Minisitiri Gatete asanga imitangire y’amasoko ya Leta yaramunzwe na ruswa   

  Yanditswe na TWAGIRA WILSON
 4 months ago

 
 

Minisitiri w’Imari n’Igenamigambi, Amb. Claver Gatete , yagaragaje ko hakiri ikibazo cya ruswa, no kudakorera mu mucyo mu mitangire y’amasoko ya Leta y’u Rwanda.

Ibi Amb. Claver Gatete yabitangarije i Kigali ku wa gatatu tariki ya 2 Ugushyingo 2016 ubwo yatangizaga ihuriro ry’iminsi itatu rihuje abayobozi bakuru bayobora ibigo bifite mu nshingano imitangire y’amasoko ya Leta byo mu bihugu bigize Akarere ka Afurika y’Uburasirazuba (EAC).

Minisitiri w’Imari n’Igenamigambi avuga ko ruswa atari umwihariko w’u Rwanda, ahubwo iri n’ahandi mu karere, agasaba ko inzego zose zafatanya mu kuyishakira umuti urambye.

JPEG - 278 kb
Minisitiri Amb Gatete Claver n’abayobozi bashinzwe imitangire y’amasoko ya leta mu bihugu bya EAC

Amb. Gatete yibukije abayobozi bo mu bihugu bya EAC, ko mu Rwanda, hari amavugurura atandukanye yakozwe agamije gukemura icyo kibazo burundu.

Umuyobozi w’ikigo cy’igihugu gishinzwe gutanga amasoko (RPPA) Seminega Augustus, yavuze ko mu ngamba u Rwanda rwafashe kugira ngo ikibazo cya ruswa mu mitangire y’amasoko gicike burundu, harimo kuba amasoko apiganirwa hifashishijwe uburyo bushya bw’ikoranabuhanga “E- Procurement” burinda gutakaza igihe, imitangire y’amasoko ishingiye ku mabwiriza n’ibindi.

Amb. Gatete Claver yabwiye itangazamakuru ko umwaka utaha uzasiga ibigo bya Leta byose bikoresha ikoranabuhanga mu gutanga amasoko.

Ati “Mu ngengo y’imari itaha yo mu kwezi kwa Nyakanga 2017, inzego zose za leta zizaba zikoresha uburyo bw’ikoranabuhanga mu mitangire y’amasoko ya Leta, kuko bizagabanya ruswa ishingiye ku kimenyane n’ibindi bidasobanutse mu mitangire y’amasoko, cyane ko utanga isoko n’ugiye kurihabwa nta ho bazaba bahuriye imbonankubone”.

Bimwe mu byo bazaganiraho muri iyo nama y’iminsi 3 harimo uburyo bwo guhuriza hamwe imitangire y’amasoko hagati y’ibihugu bya EAC, mu gihe n’amasezerano yishyirwaho ry’ifaranga rimwe azaba yashyizwe mu bikorwa.

 

Comments

 
 
 Akarere ka Musanze  kazakoresha miliyoni 18 ku muyoboro w’amazi wa Rukore
Akarere ka Musanze kazakoresha miliyoni 18 ku muyoboro w’amazi wa Rukore

Ubuyobozi bw’Akarere ka Musanze buravuga ko bwateganyije amafaranga miliyoni 18, azifashishwa mu mushinga wo gusana umuyoboro w’amazi wa Rukore uri mu murenge wa Muko na Nkotsi, umaze imyaka 2 (...)

Abanyenganda b’i Huye baracyafite imbogamizi mu kwimukira muri zone yagenewe inganda
Abanyenganda b’i Huye baracyafite imbogamizi mu kwimukira muri zone yagenewe inganda

Mu gace kagenewe inganda mu kagari ka Sovu mu murenge wa Huye mu karere ka Huye, usanga hataritabirwa cyane ngo hakorerwe ibyo hagenewe, kuba nta bikorwaremezo birahagezwa n’ibibanza bihenze (...)

Kirehe: Umukobwa agiye gushinga uruganda ruzohereza inyama z’ingurube mu mahanga
Kirehe: Umukobwa agiye gushinga uruganda ruzohereza inyama z’ingurube mu mahanga

Umukobwa witwa Umubyeyi Aimée Laetitia, utuye mu karere ka Kirehe, umurenge wa Kigina, avuga ko ateganya gukora uruganda rutunganya inyama z’ingurube, ahereye ku bworozi bw’ingurube akora, (...)

Abahinzi bo muri Kigali basabwe guhaza isoko ry’imboga
Abahinzi bo muri Kigali basabwe guhaza isoko ry’imboga

Abaturage bakorera ubuhinzi mu bishanga by’akarere ka Kicukiro basabwe gushyira imbaraga mu kongera umusaruro w’imboga bagahaza isoko ryo mu Rwanda hagamijwe kugabanya amadevize asohoka igihugu (...)

Barasaba ko “amafaranga y’ikaramu” bakatwa na Sacco akurwaho
Barasaba ko “amafaranga y’ikaramu” bakatwa na Sacco akurwaho

Abaturage bari mu cyiciro cya mbere cy’ubudehe bakora muri VUP mu murenge wa Karambi, mu karere ka Nyamasheke, barasaba ubuyobozi bw’umurenge wabo n’ubw’akarere kubakemurira ikibazo cy’amafaranga (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.