Advertisement
 
 
 
 
 
 
 
 

Ubukungu

Miliyari zisaga 18 z’imari ya Leta zaranyerejwe mu mwaka ushize   

  Yanditswe na IMVAHO NSHYA
 September 2016

 
 

Umugenzuzi Mukuru w’Imari ya Leta, Obadiah Biraro, yatangaje ko umutungo wa Leta ungana na miliyari 18.7 wanyerejwe mu mwaka w’ingengo y’imari wa 2014/2015.

Ubwo yagezaga ibikubiye muri Raporo y’Ubugenzuzi bw’Imari y’umwaka ushize kuri Komite ya Sena Ishinzwe Iterambere ry’Ubukungu n’Imari kuri uyu wa 19 Nzeli 2016, Biraro yavuze ko ayo mafaranga yanyerejwe binyuze mu buriganya, gukoresha amafaranga nta nyandiko zemeza icyo yakoze, gusesagura, abakozi badashoboye no kwigwizaho umutungo.

Umugenzuzi Mukuru w’Imari ya Leta yabwiye abasenateri ko ibigo bya leta bitigeze bishyira mu bikorwa inama yabigiriye bigatuma umutungo w’abanyarwanda ugakomeza kuhatikirira.

JPEG - 109.4 kb
Umugenzuzi mukuru w’Imari ya Leta, Obadiah Biraro

Yongeyeho ko ubwo yakoraga ubugenzuzi yasanzwe amasoko y’ibikorwa bya leta 77 yararengeje igihe ntarengwa yari yashyiriweho, naho andi masoko 61 afite agaciro ka miliyari 122.5 akaba atari yamurikiwe leta ku mugaragaro.

Icyegeranyo cy’uyu mugenzuzi cyagaragaje imikorere mu bigo nka REG/WASAC ahari ibibazo byabuze gikurikirana kuva icyo kigo kikitwa EWSA kugeza ubu. Hari kandi inganda z’amashanyarazi zidatanga umusaruro uhagije, n’amazi menshi akoreshwa ariko ntiyishyurwe.

Muri RAB ho hagaragaye ukwishyuza gahoro amafaranga yavuye mu kugurisha inyongeramusaruro, Umugenzuzi kandi yavuze iby’umuyoboro wo kuhira imyaka watwaye miliyari 2.79 ukangizwa n’abantu bibye ibikoresho by’asaga miliyoni 106 ariko kugeza ngo nta kirakorwa ngo ayo mafaranga agaruzwe.

Naho mu Kigo cy’Igihugu cy’Uburezi, havugwa imicungire mibi y’umutungo muri gahunda ya On Laptop Per Child no mu gucunga amasoko yo kubaka ibigo by’amashuri.

Muri Kaminuza Nkuru y’u Rwanda hari miliyoni zisaga 500 zaburiwe irengero n’icyuho miliyari zisaga miliyari 3.5 mu bitabo by’imari.

 

Comments

 
 
Mukahigiro yubatse inzu ebyiri z’ubucuruzi abikesheje kudoda inkweto
Mukahigiro yubatse inzu ebyiri z’ubucuruzi abikesheje kudoda inkweto

Mukahigiro Pascasie utuye mu kagari ka Gasovu, mu murenge wa Karambi mu karere ka Nyamasheke, avuga ko amaze kugera kuri byinshi abikesheje ubudozi bw’inkweto. Uyu mugore w’imyaka 45 avuga ko (...)

 Akarere ka Musanze  kazakoresha miliyoni 18 ku muyoboro w’amazi wa Rukore
Akarere ka Musanze kazakoresha miliyoni 18 ku muyoboro w’amazi wa Rukore

Ubuyobozi bw’Akarere ka Musanze buravuga ko bwateganyije amafaranga miliyoni 18, azifashishwa mu mushinga wo gusana umuyoboro w’amazi wa Rukore uri mu murenge wa Muko na Nkotsi, umaze imyaka 2 (...)

Abanyenganda b’i Huye baracyafite imbogamizi mu kwimukira muri zone yagenewe inganda
Abanyenganda b’i Huye baracyafite imbogamizi mu kwimukira muri zone yagenewe inganda

Mu gace kagenewe inganda mu kagari ka Sovu mu murenge wa Huye mu karere ka Huye, usanga hataritabirwa cyane ngo hakorerwe ibyo hagenewe, kuba nta bikorwaremezo birahagezwa n’ibibanza bihenze (...)

Kirehe: Umukobwa agiye gushinga uruganda ruzohereza inyama z’ingurube mu mahanga
Kirehe: Umukobwa agiye gushinga uruganda ruzohereza inyama z’ingurube mu mahanga

Umukobwa witwa Umubyeyi Aimée Laetitia, utuye mu karere ka Kirehe, umurenge wa Kigina, avuga ko ateganya gukora uruganda rutunganya inyama z’ingurube, ahereye ku bworozi bw’ingurube akora, (...)

Abahinzi bo muri Kigali basabwe guhaza isoko ry’imboga
Abahinzi bo muri Kigali basabwe guhaza isoko ry’imboga

Abaturage bakorera ubuhinzi mu bishanga by’akarere ka Kicukiro basabwe gushyira imbaraga mu kongera umusaruro w’imboga bagahaza isoko ryo mu Rwanda hagamijwe kugabanya amadevize asohoka igihugu (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.