Advertisement
 
 
 
 
 
 
 
 

Ubukungu

Leta ntizongera kwishyura abahombejwe n’ibigo by’imari   

  Yanditswe na MUGABO LAMBERT
 5 months ago

 
 

Banki Nkuru y’u Rwanda itangaza ko nta mafaranga azongera kuva ku ngengo y’imari ya Leta yo kwishyura abahombejwe n’ibigo by’imari baba babitsemo nyuma bigahomba, bigafunga.

Guverineri wa Banki Nkuru y’u Rwanda, John Rwangombwa, avuga ko ku nshuro ya nyuma hagiye kwishyurwa abahombejwe n’ibigo by’imari bari barabikijemo amafaranga yabo, ariko ko nyuma yaho nta mafaranga azongera kuva mu ngengo y’imari ya leta yo kwishyura abazahombywa n’ibigo bazajya baba babikijemo.

Rwangombwa asobanura ko hashyizweho Ikigega cy’Ubwishingizi kizajya kishingira abahombye.

Gusa Rwangombwa avuga ko iki kigega kizajya gitanga amafaranga 500 000 gusa, agasaba ababitsa amafaranga yabo kujya bashishoza ku kigo bagiye kuyabitsamo. Ibi binashimangirwa na Guverineri wungirije wa Banki Nkuru y’u Rwanda Dr. Minique Nsanzabaganwa.

JPEG - 168.9 kb
Guverineri wa Banki Nkuru y’u Rwanda, John Rwangombwa (Foto James R.)

Nk’uko bikubiye mu Gazeti ya Leta No 35 yo ku wa 31 Kanama 2015, Itegeko No 31/2015 ryo ku wa 05/06/2015 rigena imiterere n’imikorere by’Ikigega cy’Ubwishingizi bw’amafaranga yabikijwe mu mabanki no mu bigo by’imari iciriritse.

Iri tegeko rivuga ko umutungo w’icyo kigega uzakomoka ku misanzu itangwa n’amabanki n’ibigo by’imari iciriritse bikorana nacyo; inyungu ku mafaranga y’ikigega yashowe mu buryo bwemewe na Banki Nkuru y’u Rwanda (ari nayo izajya igicunga); inyungu z’ubukererwe zikomoka ku musanzu wishyurwa na banki n’ibigo by’imari iciriritse bikorana n’Ikigega; inkunga n’impano byemewe na Banki Nkuru y’u Rwanda; n’amafaranga y’ubukererwe yo kudatangira igihe amakuru yishyurwa na banki n’ibigo by’imari iciriritse bikorana n’Ikigega.

Banki Nkuru y’u Rwanda izajya igena umubare ntarengwa wishingirwa w’amafaranga y’uwabikije muri Banki cyangwa ikigo cy’imari iciriritse bikorana n’Ikigega.

Ikigega ariko ntikizishingira amafaranga abikijwe n’amabanki n’ibigo by’imari iciriritse; n’ibigo by’ubwishingizi, iby’ubwiteganyirize bwa pansiyo n’ay’ibigega by’ishoramari by’abishyizehamwe; na Leta cyangwa Ikigo cya Leta; n’abantu bafite imigabane ihwanye no hejuru ya gatanu ku ijana by’amajwi atora muri banki cyangwa ikigo cy’imari bikorana n’Ikigega.

Mu gihe bigaragaye ko amafaranga y’Ikigega adahagije mu kwishyura abantu babikije bishingiwe, BNR igenera Ikigega ingoboka ingana n’ikinyuranyo cy’agomba kwishyurwa n’ayo Ikigega gifite. Ingoboka y’amafaranga yahawe Ikigega, isubizwa BNR n’inyungu zayo zibarwa ku gipimo cy’inyungu ngenderwaho.

Ikigega gikorerwa igenzura buri mwaka n’umugenzuzi wigenga. Igenzura kandi rishobora gukorwa n’igihe cyose bibaye ngombwa bisabwe na Komite Ngishwanama.

 

Comments

 
 
Ngoma:Yatejwe imbere n’umwuga w’ubucuzi amazemo  imyaka 13
Ngoma:Yatejwe imbere n’umwuga w’ubucuzi amazemo imyaka 13

Habimana Déogratias utuye mu kagari ka Karama, umurenge wa Kazo mu karere ka Ngoma, avuga ko umwuga w’ubucuzi amaze imyaka igera kuri 13 akora umutungiye umuryango, kandi akaba amaze kuwukuramo (...)

Rubavu: Barishimira ko karoti zari zabahombanye zabonye isoko mu mahanga
Rubavu: Barishimira ko karoti zari zabahombanye zabonye isoko mu mahanga

Abahinzi ba karoti bo mu murenge wa Kanzenze mu karere ka Rubavu barishimira ko umusaruro wabo ubu noneho wabonye isoko, nyuma y’uko karoti zabo zari zarabahombanye, aho umufuka waguraga ibihumbi (...)

Ngoma: Umusaruro w’ibishyimbo n’ibigori waragabanutse
Ngoma: Umusaruro w’ibishyimbo n’ibigori waragabanutse

Ubuyobozi bwa Koperative Rebakure Munyamurama_KOREMU, ikorera ubuhinzi bw’ibigori n’ibishyimbo kuri hegitari 400 mu murenge wa Murama buratangaza ko igihembwe cy’ihinga cya 2017A kitababereye kiza, (...)

 RAB irasaba abahinzi gucika ku birayi bya ’Peko’ bagahinga ibiryoshye
RAB irasaba abahinzi gucika ku birayi bya ’Peko’ bagahinga ibiryoshye

Abacuruzi bacuruza ibirayi mu masoko atandukanye yo mu karere ka Rubavu bavuga ko babangamiwe n’ikibazo cy’ibirayi byitwa Peko bikomeje kubatera igihombo, kuko abakiriya babigura nyuma (...)

Kicukiro: Hatangiye kubakwa  umudugudu ufite agaciro kagera kuri Miliyari 5
Kicukiro: Hatangiye kubakwa umudugudu ufite agaciro kagera kuri Miliyari 5

Akarere ka Kicukiro katangije ku mugaragaro igikorwa cyo kubaka umudugudu w’icyitegererezo (IDP Model Village) uzatuzwamo abakuwe mu manegeka ufite agaciro kagera kuri miliyari eshanu z’amafaranga (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.