Advertisement
 
 
 
 
 
 
 
 

Ubukungu

Kwita Izina: Abacuruzi biteguye inyungu idasanzwe   

  Yanditswe na NGABOYABAHIZI PROTAIS
 3 months ago

 
 

Abatanga serivisi zitandukanye zifite aho zihuriye n’ubukerarugendo mu karere ka Musanze batangaza ko biteguye neza kwakira abazitabira umuhango wo kwita izina abana b’ingagi 22 bo muri pariki y’Ibirunga.

Amahoteli k’imwe n’abandi bazakira abashyitsi baturutse mu bihugu bitandukanye ku isi, bemeza ko ibyangombwa byose bikenewe ngo umukerarugendo yakirwe neza byateguwe.

Mu Kinigi ahazabera imihango yo kwita izina abana b’Ingagi 22, hateguwe neza ku buryo bubereye ijisho, ibi bikaba bigaragarira mu nyubako zidasanzwe zihagaragara harimo n’amazu yubatse Kinyarwanda, aho abita amazina baturuka bajya gukora uyu muhango.
Ba mukerarugendo bitabiriye umuhango wo kwita izina ari benshi (Foto KT
Ba mukerarugendo kandi mu minsi yo kwitegura Kwita izina abana b’Ingagi, bitabiriye gusura ingagi ari benshi, baturutse mu bihugu bitandukanye, abaganiriye n’Imvaho-Nshya bakaba bavuga ko basanzwe bazi ko u Rwanda ari igihugu cyiza.

Umwe muri ba mukerarugendo ukomoka muri Leta zunze ubumwe z’Amerika, yagize ati:“Nkunda u Rwanda, ni igihugu cyiza gifite isuku, bitandukanye no mu bindi bihugu byo muri Afurika y’Uburasirazuba, abaturage b’u Rwanda ni abakozi kandi ni abantu beza”.

Mu kwitegura uyu munsi ngarukamwaka wo Kwita izina abana b’Ingagi harimo n’abacuruza ibihangano byakorewe mu Rwanda bavuga ko iyo uyu munsi wegereje baba biteguye abaguzi benshi.

Nkundimana, umwe mu babaza amashusho mu biti yagize ati:“Niteguye kubona amafaranga kuko abanyamahanga n’abandi banyarwanda bari aha bazagura ibihangano byanjye, niteguye agatubutse”.

Imyiteguro myiza y’uyu muhango kandi inagaragarira mu batanga serivise zirimo amahoteli, aho yongerewe cyane mu nkengero z’ibirunga, abatanga izi serivise nabo bakaba bemeza ko biteguye neza abashyitsi baje muri uyu muhango, aho biyemeje kubaha serivise inoze.

Umuyobozi w’akarere ka Musanze wungirije ushinzwe ubukungu n’iterambere Habyarimana Jean Damascene, avuga ko imyiteguro yagenze neza, kandi ngo abaturage ba Musanze bakaba bamaze kumenyera kwitabira uyu muhango wo kwita izina abana b’ingagi.

Uyu muhango wo kwita izina ku nshuro ya 12 aba bana b’Ingagi 22 biyongereye ku bandi bana b’ingagi 216 bamaze kwitwa amazina kugeza ubu.

Kuri iyi nshuro agashya karimo kandi ni uko mu bana b’Ingagi bitwa amazina uyu mwaka harimo ab’impanga babiri, bikaba bidakunze kubaho, dore ko byaherukaga kubaho mu mwaka wa 2005 ndetse no mu mwaka wa 2012.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
U Rwanda mu nzira zo kuvumburwamo amabuye ya Nickel n’Amabengeza
U Rwanda mu nzira zo kuvumburwamo amabuye ya Nickel n’Amabengeza

Ihuriro nyarwanda ry’Abacukuzi b’Amabuye y’Agaciro ryatangaje ko mu Rwanda hagaragaye ibimenyetso by’amabuye y’agaciro yitwa Nickel n’amabengeza. Mu muhango wo kwizihiza umunsi mpuzamahanga (...)

Abacukuzi  b’amabuye y’agaciro bafite imbogamizi zo kubona inguzanyo
Abacukuzi b’amabuye y’agaciro bafite imbogamizi zo kubona inguzanyo

Abacukuzi b’amabuye y’agaciro mu Rwanda bavuga ko bafite imbogamizi zo kubona inguzanyo z’amabanki muri uwo murimo ngo babashe kuwukora neza. Ibi babitangarije mu muhango wo kwizihiza umunsi (...)

Hafashwe toni 7 za caguwa zinjizwaga mu Rwanda ari magendu
Hafashwe toni 7 za caguwa zinjizwaga mu Rwanda ari magendu

Ishami rya Polisi y’u Rwanda rishinzwe kurwanya magendu n’inyerezwa ry’imisoro (RPU), rifatanyije n’ikigo cy’igihugu cy’imisoro n’amahooro (RRA), bataye muri yombi abantu 3 bakekwaho kwinjiza ibiro (...)

Abavuzi gakondo bagiye gushinga uruganda rw’imiti na banki
Abavuzi gakondo bagiye gushinga uruganda rw’imiti na banki

Abavuzi bo mu Rwanda no mu bindi bihugu bya Afurika y’Uburasirazuba, bibumbiye mu Muryango Mugari w’Abavuzi Gakondo, UMUAGA, batangiye kwiga ku mishinga ikomeye y’igihe kirekire irimo ibitaro (...)

Nyamagabe: Umudozi yasabiwe guhuzwa n’Abashinwa bakora imyenda
Nyamagabe: Umudozi yasabiwe guhuzwa n’Abashinwa bakora imyenda

Minisitiri w’Abakozi ba Leta n’Umurimo Uwizeye Judith, yasabye ubuyobozi bw’Akarere ka Nyamagabe gukorana na Minisiteri y’Ubucuruzi n’Inganda gufasha umudozi wahangiye imirimo abaturage benshi muri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.