2017-06-25 13:58:23 clouds 27o High | Kigali Rwanda

Dukurikire:
 
 

Perezida Kagame yatashye ibigega byabika peteroli u Rwanda rukoresha mu mezi 3

Yanditswe na IMVAHO NSHYA

Kuya 2016-06-11 11:16:28

 
Share on:
 
Yasuwe:6
 
Yavuzweho:200
 
10
 
10

Perezida w’u Rwanda Paul Kagame kuri uyu wa 11 Kamena 2016 yatashye ibigega bya Societe Petroliere (SP) byubatse i Rusororo mu karere ka Gasabo bifite ubushobozi bwo kubika litiro miliyoni 22 z’ibikomoka kuri Peteroli.

Mu gutaha ibyo bigega kuri ubu birimo peteroli yakoreshwa mu Rwanda mu gihe cy’amezi atatu, Perezida Kagame yashimiye abayobozi ba SP bashoboye kungura igihugu icyo gikorwa cy’indashyikirwa mu gihe igiciro cya peteroli gikomeje kumanuka.

Ati”Ndashimira abayobozi ba SP n’abo bakorana kuri ubu bushobozi bumaze kugerwaho mu kubika ibikomoka kuri Peteroli. Ni byiza ko ubu bushobozi tububonye mu gihe igiciro cya Peteroli gikomeje kumanuka. Ibi biratwereka ibigerwaho iyo Leta n’Abikorera bafatanyije mu iterambere. Ni intambwe yo kwishimirwa.”

Yasabye SP n’abandi bikorera gushyira imbaraga mu bufatanye na Leta kugira ngo igihugu kirusheho gutera imbere.

Yagize ati” Abikorera nibakomeze bafatanye na Leta mu gushora imari mu bisubiza ibibazo by’iterambere dufite. Imbaraga nk’izi zishyirwa mu bufatanye zadufasha kugera kuri byinshi birushijeho. Tuzikomeze.”

U Rwanda rwari rusanzwe rufite ibigega bifite ubushobozi bwo kubika litiro miliyoni 30 z’ibikomoka kuri peteroli.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE