Advertisement
 
 
 
 
 
 
 
 

Ubukungu

Kigali: Kanimba yafunguye imurikagurisha rya 2016 ku mugaragaro (Amafoto)   

  Yanditswe na GATETE JEAN BOSCO
 July 2016

 
 

Minisitiri w’Ubucuruzi n’Inganda, Francois Kanimba yafunguye ku mugaragaro imurikagurisha mpuzamahanga riri kubera i Gikondo mu karere ka Kicukiro kuri uyu wa 28 Nyakanga 2016.

Iri murikagurisha ribaye ku nshuro ya 19 ryitabiriwe n’abagera kuri 419, barimo 148 baturutse mu mahanga n’abakorera mu Rwanda.

JPEG - 189.9 kb
Minisitiri Kanimba, Gatete Claver n’umukuru wa PSF bafungura ku mugaragaro Expo 2016

Minisitiri w’Ubucuruzi n’Inganda François Kanimba yashimiye abafatanyabikorwa bose bagize uruhare mu kuritegura ati”Mwakoze akazi keza cyane”.

Yishimira uburyo kuva mu mwaka wa 1998 ubwo imurikagurisha mpuzamahanga ryatangiye, uko imyaka yagiye yicuma ari nako naryo ryagiye ryongera umubare w’abitabira.

Yagize ati ”Kuva mu 1998 kugera muri uyu mwaka wa 2016 ubwitabire mu imurikagurisha mpuzamahanga bwikubye inshuro 10, ibihugu biryitabira byariyongereye ubu ni 19 birashimishije ”.

JPEG - 266.1 kb
Ibirori byo gufungura Expo 2016 byitabiriwe n’abayobozi batandukanye

Minisitiri Kanimba kandi asanga uwo mubare w’abitabira iryo murikagurisha uzanarushaho kwiyongera cyane nyuma y’aho Leta ihereye urugaga rw’abikorera ubutaka buzubakwamo inyubako ngari zihagije.

Minisitiri Kanimba avuga ko umubare w’abitabira iryo murikagurisha mpuzamahanga bava ku mugabane w’u Burayi na Amerika ukiri muto cyane bityo bakaba bagiye gukurura abashoramari bava kuri iyo migabane.

Ati”Dushingiye ku mibare y’abiyandikisha bava i Burayi na Amerika umubare wabo uracyari muto, tugiye gukora ku buryo uwo mubare wiyongera”.

Ngo haracyari byinshi byo gukorwa ku bucuruzi mpuzamahanga ati ”Byari ikibazo kutagira ahantu hagutse ho gufasha ubwo bucuruzi, igisubizo cyarabonetse, Leta yatanze ubutaka bugiye kubakwamo inyubako ngari zizafasha mu gufasha ubucuruzi mpuzamahanga, bikazanaba n’uburyo bwiza bwo kongera umubare w’ibihangwa byinshi haba mu bwiza no mu dushya”.

Gasamagera Benjamin ahagarariye urugaga rw’abikorera mu Rwanda avuga ko kubaho kw’imurikagurisha bifite uruhare mu kongera umubare w’abashoramari mu Rwanda.

Ati ”Nyuma y’imurikagurisha hari abashoramari bahita baza gufungura sosiyeti zabo z’ubucuruzi mu Rwanda”.

JPEG - 244.7 kb
Minisitiri Kanimba yatemberejwe ku maseta atandukanye

Anasanga iimurikagurisha ari uburyo bwiza bwo guhuza abacuruzi n’abaguzi bashya, rikaba n’umuyoboro wo kongera umubare w’ibicuruzwa byoherezwa hanze.

Akomeza avuga ko hateganywa ko murikagurisha mpuzamahanga rizasurwa n’abashyitsi bagera ku bihumbi 350.

JPEG - 259.9 kb
Nubwo ari ku munsi wa mbere, abitabiriye Expo ni benshi

JPEG - 248 kb
Imikino y’abana ihari ku bwinshi

JPEG - 231.3 kb
Abinjira bararushaho kwiyongera

Amafoto:James Rock

 

Comments

 
 
Rubavu: Barishimira ko karoti zari zabahombanye zabonye isoko mu mahanga
Rubavu: Barishimira ko karoti zari zabahombanye zabonye isoko mu mahanga

Abahinzi ba karoti bo mu murenge wa Kanzenze mu karere ka Rubavu barishimira ko umusaruro wabo ubu noneho wabonye isoko, nyuma y’uko karoti zabo zari zarabahombanye, aho umufuka waguraga ibihumbi (...)

Ngoma: Umusaruro w’ibishyimbo n’ibigori waragabanutse
Ngoma: Umusaruro w’ibishyimbo n’ibigori waragabanutse

Ubuyobozi bwa Koperative Rebakure Munyamurama_KOREMU, ikorera ubuhinzi bw’ibigori n’ibishyimbo kuri hegitari 400 mu murenge wa Murama buratangaza ko igihembwe cy’ihinga cya 2017A kitababereye kiza, (...)

 RAB irasaba abahinzi gucika ku birayi bya ’Peko’ bagahinga ibiryoshye
RAB irasaba abahinzi gucika ku birayi bya ’Peko’ bagahinga ibiryoshye

Abacuruzi bacuruza ibirayi mu masoko atandukanye yo mu karere ka Rubavu bavuga ko babangamiwe n’ikibazo cy’ibirayi byitwa Peko bikomeje kubatera igihombo, kuko abakiriya babigura nyuma (...)

Kicukiro: Hatangiye kubakwa  umudugudu ufite agaciro kagera kuri Miliyari 5
Kicukiro: Hatangiye kubakwa umudugudu ufite agaciro kagera kuri Miliyari 5

Akarere ka Kicukiro katangije ku mugaragaro igikorwa cyo kubaka umudugudu w’icyitegererezo (IDP Model Village) uzatuzwamo abakuwe mu manegeka ufite agaciro kagera kuri miliyari eshanu z’amafaranga (...)

Yatangiriye ku cyarahani none agiye gushinga uruganda rw’imyenda
Yatangiriye ku cyarahani none agiye gushinga uruganda rw’imyenda

Mukantwari Alvéra wo mu murenge wa Kagano mu karere ka Nyamasheke, ukorera imirimo y’ubudozi n’ububoshyi bw’imyenda n’imitako kuri site ya Rwesero ho mu karere ka Nyarugenge mu mujyi wa Kigali (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.