Advertisement
 
 
 
 
 
 
 
 

Ubukungu

Kigali: Isoko ry’Imari n’imigabane ry’Afurika rigiye guhuza impuguke 300   

  Yanditswe na IMVAHO NSHYA
 4 months ago

 
 

Guhera mu ntangiro z’icyumweru gitaha tariki 27 kugeza ku ya 29 Ugushyingo 2016, u Rwanda ruzakira inama ya 20 y’Ihuriro ry’Ibigo by’Imari n’Imigabane muri Afurika (African Securities Exchanges Association -ASEA) izaba ihuje abarenga 300 baturutse mu muri Afurika no ku yindi migabane.

Umuyobozi w’Ibigo by’Imari n’Imigabane muri Afurika y’Uburasirazuba (EASEA), akaba n’Umuyobozi Mukuru w’Ikigo cy’Imari n’Imigabane mu Rwanda (RSE), Pierre Célestin Rwabukumba yabwiye itangazamakuru ko abazitabira inama barimo impuguke ndetse n’abafatanyabikorwa b’Isoko ry’Imari n’Imigabane, abanyamategeko, abakozi b’amasoko y’imari n’imigabane, abahagarariye Guverinoma zitandukanye, abashoramari mpuzamahanga, ibiko by’ikoranabuhanga n’abandi

JPEG - 225.9 kb
Pierre Celestin Rwabukumba, uyobora Isoko ry’Imari n’Imigabane ry’u Rwanda

Iyi nama itegerejwe i Kigali, igamije kwiga ku cyerekezo cy’Isoko ry’Imari n’Imigabane rya Afurika n’uruhare rifite mu bukungu bw’uyu mugabane mu ntumbero y’icyerekezo 2030. Bazareba no ku mbogamizi ndetse n’ibibazo iri soko rigifite rikirizitira kugera ku iterambere rirambye.

Pierre Célestin Rwabukumba yasabye abafatanyabikorwa b’iki kigo kwiyandikisha hakiri kare banyuze ku rubuga www.asea2016.rw kugira ngo bazitabire banatange ibitekerezo muri iyo nama. Yakomeje avuga ko iyi nama ari amahirwe ku Rwanda yo kugaragaza aho rugeze ku isoko ry’imari n’imigabane, mu gihe RSE izaba yizihiza isabukuru y’imyaka itanu imaze ikora kuva 2011.

Na none kandi ni amahirwe ku gihugu kuko butanga amahirwe yo kwinjiriza u Rwanda agatubutse muri gahunda ya ‘MICE’ aho abanyamahanga basigira abikorera amafaranga atubutse haba mu mahoteli bararamo ndetse n’ibyiza nyaburanga basura bari mu Rwanda.

Na none kandi abanyamahanga bazitabira bazasobanurirwa amahirwe y’ishoramari ari mu Rwanda ndetse n’ibindi byinshi byababyarira inyungu baramutse bashoyemo ayabo

 

Comments

 
 
Musanze:Ibigori bari bitezeho umusaruro ushimishije byibasiwe na Nkongwa
Musanze:Ibigori bari bitezeho umusaruro ushimishije byibasiwe na Nkongwa

Abaturage bakora umwuga w’ubuhinzi bo mu mirenge imwe n’imwe yo mu karere ka Musanze, baravuga ko bahangayikishijwe n’uko batazabona umusaruro uhagije w’ibigori muri iki gihembwe cy’ihinga A 2017, (...)

Mukahigiro yubatse inzu ebyiri z’ubucuruzi abikesheje kudoda inkweto
Mukahigiro yubatse inzu ebyiri z’ubucuruzi abikesheje kudoda inkweto

Mukahigiro Pascasie utuye mu kagari ka Gasovu, mu murenge wa Karambi mu karere ka Nyamasheke, avuga ko amaze kugera kuri byinshi abikesheje ubudozi bw’inkweto. Uyu mugore w’imyaka 45 avuga ko (...)

 Akarere ka Musanze  kazakoresha miliyoni 18 ku muyoboro w’amazi wa Rukore
Akarere ka Musanze kazakoresha miliyoni 18 ku muyoboro w’amazi wa Rukore

Ubuyobozi bw’Akarere ka Musanze buravuga ko bwateganyije amafaranga miliyoni 18, azifashishwa mu mushinga wo gusana umuyoboro w’amazi wa Rukore uri mu murenge wa Muko na Nkotsi, umaze imyaka 2 (...)

Abanyenganda b’i Huye baracyafite imbogamizi mu kwimukira muri zone yagenewe inganda
Abanyenganda b’i Huye baracyafite imbogamizi mu kwimukira muri zone yagenewe inganda

Mu gace kagenewe inganda mu kagari ka Sovu mu murenge wa Huye mu karere ka Huye, usanga hataritabirwa cyane ngo hakorerwe ibyo hagenewe, kuba nta bikorwaremezo birahagezwa n’ibibanza bihenze (...)

Kirehe: Umukobwa agiye gushinga uruganda ruzohereza inyama z’ingurube mu mahanga
Kirehe: Umukobwa agiye gushinga uruganda ruzohereza inyama z’ingurube mu mahanga

Umukobwa witwa Umubyeyi Aimée Laetitia, utuye mu karere ka Kirehe, umurenge wa Kigina, avuga ko ateganya gukora uruganda rutunganya inyama z’ingurube, ahereye ku bworozi bw’ingurube akora, (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.