2017-05-26 15:17:06 clouds 27o High | Kigali Rwanda

Dukurikire:
 
 

Kigali: Ibihugu bisaga 70 bizaba bihagarariwe mu nama ya WEF

Yanditswe na IMVAHO NSHYA

Kuya 2016-05-09 14:29:20

 
Share on:
 
Yasuwe:1
 
Yavuzweho:200
 
10
 
10

Umuyobozi ushinzwe ibikorwa by’Inama y’Ihuriro ry’Ubukungu ku Isi “World Economic Forum” mu rwego rw’Afurika Elisie Kanza, yatangaje ko abayobozi bahagarariye ibihugu bisaga 70 byo ku mugabane w’Afurika n’ahandi ku Isi ari bo bazitabira inama y’iri huriro igiye kubera mu Rwanda.

Elisie Kanza avuga ko muri iyo nama izaba ku ya 11-13 Gicurasi 2016 hazaganirwa ku cyakorwa mu guhindura umugabane w’Afurika hifashishijwe ikoranabuhanga ku buryo abaturage bakoroherezwa gukora maze bakivana mu bibazo by’ubukene.

Mu kiganiro Kanza na Minisitiri w’Imari n’Igenamigambi Amb. Claver Gatete bagiranye n’itangazamakuru mu rwego rwo kugaragaza aho imyiteguro y’iyi nama igeze, yavuze ko abayobozi bazaba bayirimo n’impuguke zinyuranye bazungurana ibitekerezo ku ngamba n’ibimaze gukorwa hagati y’ibihugu by’Afurika harimo n’u Rwanda rufatwa nka kimwe mu bihugu byazamutse vuba mu bukungu.

JPEG - 86.7 kb
Elsie Kanza uyobora WEF mu rwego rw’Afurika

Kanza yavuze ko asanga u Rwanda ari cyo gihugu cyateye intambwe mu bukungu, kuko bwazamutse vuba nyuma y’ibibazo bya Jenoside yakorewe Abatutsi igihugu cyari kivuyemo, ndetse ibyegeranyo bikaba bishyira u Rwanda mu bihugu bya mbere mu korohereza abashoramari gukora ubucuruzi bwabo.

Ati “U Rwanda ni kimwe mu bihugu ku Isi byihuse mu bukungu no gushyiraho uburyo bwiza bwo kureshya abashoramari mu gihugu.”

Minisitiri Amb. Claver Gatete, yavuze ko u Rwanda rugiye kwakira inama nk’iyi mu gihe rworoheje gahunda yo guha abanyamahanga Viza.

Yasobanuye ko bimwe mu bizaganirwa muri iyo nama ari akamaro k’ikoranabuhanga mu iterambere, intambwe ubu u Rwanda rwagezeho nyuma yo gushyiraho ibikoresho by’ikoramabuhanga nk’umurongo mugari wa “Broadband” ufasha kugeza murandasi kuri benshi, n’ibindi.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE