Advertisement
 
 
 
 
 
 
 
 

Ubukungu

Kigali: Ibihugu 17 mu imurikagurisha mpuzamahanga   

  Yanditswe na MUGISHA BENIGNE
 July 2016

 
 

Imurikagurisha Mpuzamahanga rya 19 rizitabirwa n’abagera kuri 419, barimo abaturutse mu mahanga n’Abakorera mu Rwanda.

Ibi ni ibyatangajwe n’ubuyobozi bw’urugaga rw’abikorera (PSF) mu kiganiro n’abanyamakuru ku myiteguro y’iryo murikagurisha rizabera i Gikondo kuva taliki ya 27 Nyakanga 2016.

Mukarwema Yvette, umuyobozi ushinzwe gukurikirana ibikorwa mu rugaga rw’abikorera yabwiye itangazamakuru ko abazaza kumurika ibicuruzwa byabo ari 419 bazaba baturutse mu bihugu 17 byo ku mugabane wa Afurika, Asiya n’u Burayi.

Ati “ Turateganya ko iri murikagurisha ku nshuro ya 19 rizitabirwa n’ibihugu 419, barimo 148 bazaba baturutse mu mahanga na 271 bakorera mu Rwanda.”

JPEG - 202.8 kb
Imyiteguro ya Expi 19 igeze ku musozo

Akomeza avuga ko abo PSF iteganya ko bazasura imurikagurisha bagera ku 320 000 mu minsi 15, ugereranyije ni abagera ku 20 000 ku munsi.

Nta bwo byashoboka ko imurikagurisha rikorwa amasaha 24 kuri 24

Mukarwema avuga ko imurikagurisha rizajya ritangira saa mbiri za mu gitondo rigasoza saa yine z’ijoro.

Hari abifuje ko imurikagurisha ryazajya rikora amasaha 24 kuri 24, ariko Mukarwema asubiza ko bitashoboka kuko nyuma y’ayo masaha nta baguzi baba bagihari ndetse nta n’abarisura baba bacyinjira..

Ati “ kugira ngo tumenye niba byashoboka cyangwa se bitashoboka ko imurikagurusha rikora amasaha 24 kuri 24, tubishingira ku byo tubona bisanzwe bibaho, usanga mu ma saa yine nta bantu binjira baba bahari, ariko mu masaha ya saa tatu ho abantu baba bakiza ariko bake bake, ubwo rero tuvuze ngo rikore amasaha 24 kuri 24 nta bantu baboneka baryitabira.”

Imurikagurisha rizimukira i Gahanga mu myaka 2 iri imbere

Umuyobozi mukuru wa PSF, Ruzibiza Steven yavuze ko imyiteguro yo kwimura ahabera imurikagurisha yatangiye, aho Leta yamaze kubona hegitari 14 z’ubutaka i Gahanga mu karere ka Kicukiro, n’ubundi bazagabana na sitade y’imikino iteganya kubakwayo.

Ati “ Imyiteguro ijyanye no kwimura imurikagurisha yaratangiye, Leta yaduhaye ubutaka bungana na hegitari 14, hakaba n’ubundi tuzagabana na sitade izubakwa aho i Gahanga, tukaba duteganya ko mu myaka ibiri imurikagurisha rizaba ryimutse.”

JPEG - 162.7 kb
Umuyobozi mukuru wa PSF, Steven Ruzibiza mu kiganiro n’itangazamakuru

Ubuyobozi bwa PSF buramara impungenge Abanyarwanda ku buziranenge bw’ibicuruzwa bizanwa mu imurikagurisha, kuko ngo biba byasuzumwe n’inzego zishinzwe ubuziranenge.

Ubuyobozi bwa PSF ntibugaragaza uruhare rw’imurikagurisha ku bukungu bw’igihugu mu buryo bw’amafaranga, ariko ngo icyo bazi cyo ni uko mu gihe cyo kumurika Leta yinjiza imisoro myinshi kandi mu gihe gito.

 

Comments

 
 
Rubavu:Igare yaguze ibihumbi 80 rimaze kumwungura asaga miliyoni mu mwaka umwe
Rubavu:Igare yaguze ibihumbi 80 rimaze kumwungura asaga miliyoni mu mwaka umwe

Dusabimana Pascal, umwe mu rubyiruko rwo mu murenge wa Cyanzarwe mu karere ka Rubavu, avuga ko mu gihe cy’umwaka amaze akora akazi ko kunyonga igare, ubu ibyo amaze kwigezaho bifite agaciro (...)

Abanyamahanga bashoye imari mu Rwanda  baravuga imyato Perezida Kagame
Abanyamahanga bashoye imari mu Rwanda baravuga imyato Perezida Kagame

Bamwe mu bashoramari b’Abanyamahanga bakorera ubucuruzi mu Rwanda kuri bo Perezida Kagame arenze kuba Perezida ahubwo ni n’umuhanga mu guhanga u Rwanda rugezweho. Atma Prakash ni umwe mu bayobozi (...)

Musanze:Ibigori bari bitezeho umusaruro ushimishije byibasiwe na Nkongwa
Musanze:Ibigori bari bitezeho umusaruro ushimishije byibasiwe na Nkongwa

Abaturage bakora umwuga w’ubuhinzi bo mu mirenge imwe n’imwe yo mu karere ka Musanze, baravuga ko bahangayikishijwe n’uko batazabona umusaruro uhagije w’ibigori muri iki gihembwe cy’ihinga A 2017, (...)

Mukahigiro yubatse inzu ebyiri z’ubucuruzi abikesheje kudoda inkweto
Mukahigiro yubatse inzu ebyiri z’ubucuruzi abikesheje kudoda inkweto

Mukahigiro Pascasie utuye mu kagari ka Gasovu, mu murenge wa Karambi mu karere ka Nyamasheke, avuga ko amaze kugera kuri byinshi abikesheje ubudozi bw’inkweto. Uyu mugore w’imyaka 45 avuga ko (...)

 Akarere ka Musanze  kazakoresha miliyoni 18 ku muyoboro w’amazi wa Rukore
Akarere ka Musanze kazakoresha miliyoni 18 ku muyoboro w’amazi wa Rukore

Ubuyobozi bw’Akarere ka Musanze buravuga ko bwateganyije amafaranga miliyoni 18, azifashishwa mu mushinga wo gusana umuyoboro w’amazi wa Rukore uri mu murenge wa Muko na Nkotsi, umaze imyaka 2 (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.