Advertisement
 
 
 
 
 
 
 
 

Ubukungu

Kigali: AU mu rugamba rwo kutongera guterwa inkunga n’amahanga   

  Yanditswe na RUBIBI OLIVIER
 July 2016

 
 

Umuryango w’Ubumwe bwa Afurika, AU, watangije urugamba rwo kwirinda inkunga zavaga hanze zingana na 76%.

Mu kiganiro Minisitiri w’Imari n’Igenamigambi w’u Rwanda, Gatete Claver yagiranye n’abanyamakuru bitabiriye inama ya 27 y’Umuryango w’Afurika yunze Ubumwe ibera i Kigali yavuze ko abayobozi b’ibihugu by’Afurika bafashe umwanzuro w’uko buri gihugu cyibumbiye muri uyu muryango kigomba kwishyura umugabane ungana na 0,2% by’amafaranga ava mu misoro y’ibyinjiye mu bihugu byabo ukajya kuri konti y’uyu muryango.

Aya mafaranga ubusanzwe ngo yatangwaga n’ibihugu byibumbiye mu muryango w’Afurika yunze Ubumwe (AU) avuye ku ngengo y’imari y’ibyo bihugu (Budget) ariko rimwe na rimwe ugasanga bitera ibibazo bitewe ahanini n’ibihugu bitatangiraga umusanzu wabyo ku gihe.

Minisitiri Gatete yavuze ko ibi bizatanga nibura ingengo y’imari ingana na miliyari 1,2 by’amadorali y’Amerika yafasha uyu muryango gufasha imishinga yayo ku kigero cya 75% ndetse no gufasha ibikorwa byo kubungabunga amahoro mu bihugu bigize uyu muryango( Peace keeping) ku kigero cya 25%.

JPEG - 50.6 kb
Minisitiri w’Imari n’Igenamigambi w’u Rwanda, Amb. Claver Gatete mu kiganiro n’itangazamakuru

Ati “Abayobozi b’ibihugu barebeye hamwe uburyo ibikorwa by’Umuryango w’Afurika byazajya biterwa inkunga mu buryo buhoraho nta gihugu na kimwe gisigaye inyuma. Ibi babikoze nyuma yaho baboneye ko hari bimwe mu bibazo bibaho mu gutera inkunga ibikorwa by’Umuryango w’Afurika yunze ubumwe bitewe ahanini n’uko umusanzu wabyo wazaga utinze bigakoma mu nkokora ibikorwa by’uyu muryango.”

Gatete yavuze ko mu mwaka ushize abayobozi b’ibihugu by’Afuri yunze Ubumwe bafashe umwanzuro ko ibihugu bigize uyu muryango bigomba kuwufasha kuzuza inshingano zawo 100% , gufasha gushyira mu bikorwa imishinga y’Umuryango w’Afurika yunze Ubumwe ku kigero cya 75% ndetse no gufasha ibikorwa byo kugarura amahoro mu bihugu bigize AU (Peace keeping mission) ku kigero cya 25%.

Yongeyeho ko uyu muryango wahamagaye Umunyarwanda Kaberuka Donald wayoboye Banki Nyafurika itsura amajyambere ngo abafashe gushaka uburyo bwakoreshwa mu kwihaza mu bushobozi.

Kaberuka yagaragaje ko AU ikwiye gukoresha uburyo busanzwe bukoreshwa mu bihugu byibumbiye muryango w’Afurika y’Uburengerazuba ndetse no mu bihugu by’Afurika yo hagati.

Ubu buryo ni ubwo gutanga amafaranga angana na 0,2% by’amafaranga yasoreshejwe ku byinjiye mu gihugu akajya kuri konti y’Umuryango w’Afurika yunze Ubumwe muri banki nkuru ya buri gihugu cyibumbiye mu muryango w’Afurika yunze Ubumwe.

Minisitiri w’imari n’igenamigambi Gatete Claver yavuze ko ubusanzwe Umuryango w’Afurika yunze Ubumwe wakoreshaga 76% by’ingengo y’imari yose aturuka mu baterankunga ariko buri gihugu cyose kibumbiye mu muryango w’Afurika yunze Ubumwe kirakora uko gishoboye kigabanye amafaranga kigenerwa n’baterankunga.

Ibihugu bya Afurika kandi bifite ahantu henshi byakura amafaranga yo kubifasha aho kugendera ku baterankunga harimo nko kuba hashyirwaho uburyo buhamye bwo gusora,gushyiraho ingamba z’icungamutungo zihamye n’ibindi.

Umuryango w’Afurika yunze Ubumwe(AU) ugizwe n’ibihugu 54 igihugu cya Morocco cyonyine nicyo kitari muri uyu muryango. Watangiye mu mwaka 2002 ukaba ufite icyicaro Addis Ababa muri Ethiopia.

 

Comments

 
 
Mukahigiro yubatse inzu ebyiri z’ubucuruzi abikesheje kudoda inkweto
Mukahigiro yubatse inzu ebyiri z’ubucuruzi abikesheje kudoda inkweto

Mukahigiro Pascasie utuye mu kagari ka Gasovu, mu murenge wa Karambi mu karere ka Nyamasheke, avuga ko amaze kugera kuri byinshi abikesheje ubudozi bw’inkweto. Uyu mugore w’imyaka 45 avuga ko (...)

 Akarere ka Musanze  kazakoresha miliyoni 18 ku muyoboro w’amazi wa Rukore
Akarere ka Musanze kazakoresha miliyoni 18 ku muyoboro w’amazi wa Rukore

Ubuyobozi bw’Akarere ka Musanze buravuga ko bwateganyije amafaranga miliyoni 18, azifashishwa mu mushinga wo gusana umuyoboro w’amazi wa Rukore uri mu murenge wa Muko na Nkotsi, umaze imyaka 2 (...)

Abanyenganda b’i Huye baracyafite imbogamizi mu kwimukira muri zone yagenewe inganda
Abanyenganda b’i Huye baracyafite imbogamizi mu kwimukira muri zone yagenewe inganda

Mu gace kagenewe inganda mu kagari ka Sovu mu murenge wa Huye mu karere ka Huye, usanga hataritabirwa cyane ngo hakorerwe ibyo hagenewe, kuba nta bikorwaremezo birahagezwa n’ibibanza bihenze (...)

Kirehe: Umukobwa agiye gushinga uruganda ruzohereza inyama z’ingurube mu mahanga
Kirehe: Umukobwa agiye gushinga uruganda ruzohereza inyama z’ingurube mu mahanga

Umukobwa witwa Umubyeyi Aimée Laetitia, utuye mu karere ka Kirehe, umurenge wa Kigina, avuga ko ateganya gukora uruganda rutunganya inyama z’ingurube, ahereye ku bworozi bw’ingurube akora, (...)

Abahinzi bo muri Kigali basabwe guhaza isoko ry’imboga
Abahinzi bo muri Kigali basabwe guhaza isoko ry’imboga

Abaturage bakorera ubuhinzi mu bishanga by’akarere ka Kicukiro basabwe gushyira imbaraga mu kongera umusaruro w’imboga bagahaza isoko ryo mu Rwanda hagamijwe kugabanya amadevize asohoka igihugu (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.