2017-09-21 09:07:12 clouds 27o High | Kigali Rwanda

Dukurikire:
 
 

Kigali: Aravuga imyato BDF yamuhaye inkunga ya miliyoni 20

Yanditswe na IMVAHO NSHYA

Kuya 2017-07-09 10:11:36

 
Share on:
 
Yasuwe:121
 
Yavuzweho:200
 
10
 
10

Ngirente Milton arashishikariza banki n’ibigo by’imari bikorana n’Ikigega cy’Ingwate mu Rwanda (BDF) kurushaho kuyisobanurira ba rwiyemezamirimo kuko ari ikigo gifitiye Abanyarwanda byinshi byabafasha mu iterambere.

Ngirente afite Uruganda Blessed Diaries Ltd ruherereye mu karere ka Gicumbi hafi no ku mupaka wa Gatuna, rukaba rukora rwongerera agaciro ibikomoka ku mata birimo amoko anyuranye ya yahurute (Yoghurt), aya foromaje (Cheese), ikivuguto n’inshyushyu bisukuye n’ibindi.

Mu mwaka wa 2012, Ngirente yaganye Banki y’Abaturage (BPR) asaba inguzanyo igera kuri miliyoni 100 z’amafaranga y’u Rwanda, ariko muri banki bamusobanurira ko hari ikigega cyitwa BDF cyamufasha mu iterambere ry’umushinga we ndetse banamuhuza na cyo.

JPEG - 221.5 kb
Inyubako ikorerwamo na Blessed Diary Industries Ltd iherereye hafi n’Umupaka wa Gatuna

Banki imaze kumuhuza na BDF, umushinga we wishingiwe 20% bya miliyoni 100 z’inguzanyo yahawe, nyuma yo kwishyurira 80% byayo ku gihe Nyuma yo kubona inkunga, Ngirente yemeza ko byamufashije kwagura ubucuruzi kuko amafaranga yamufashije kongera umusaruro no kuwongerera agaciro.

Yagize ati “Ntabwo bashobora kuyaguha utarimo kwishyura neza. Njye nagize amahirwe kuko nta kibazo nigeze ngirana na banki, nageze kuri 80% bahita banyishyurira miliyoni 20.”

Ubu bwoko bw’inkunga buri muri gahunda yiswe ‘Rural Investment Facility (RIF) yatangijwe ku bufatanye bwa BDF na Minisiteri y’Ubuhinzi n’Ubworozi (MINAGRI) hagamijwe gufasha ba rwiyemezamirimo bakora ubuhinzi n’abongerera agaciro umusaruro wabwo mu cyaro.

JPEG - 295.4 kb
Ngirente Milton Umuyobozi wa Blessed Diary Ltd

MINAGRI igaragaza ko imishinga y’ubuhinzi n’ubworozi iri hagati ya miliyoni 1-miliyoni 50 z’amafaranga y’u Rwanda ihabwa inkunga ya 25% ku nguzanyo bahawe na banki na ho imishinga irengeje miliyoni 50 igaterwa ikunga ya 20%.

Imishinga yo kongerera agaciro ibikomoka ku buhinzi ikeneye ishoramari rya miliyoni ziri hagati ya 2-150 z’amafaranga y’u Rwanda yo iterwa inkunga ya 25% ku nguzanyo mu gihe iri hejuru ya miliyoni 150 iterwa inkunga ya 20%.

Ngirente asaba banki zose zikorana na BDF kugira ngo abantu bose bazigana bashaka inguzanyo bajye basobanurirwa imikorere ya BDF kugira ngo irusheho kunganira umubare munini w’Abanyarwanda.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE