Advertisement
 
 
 
 
 
 
 
 

Ubukungu

Kigali: Abashoramari bo mu Rwanda beretswe amahirwe badakwiye witesha   

  Yanditswe na NIYONSENGA SCHADRACK
 May 2016

 
 

Umujyi wa Kigali ufatanyije n’urugaga rw’abikorera, wateguye inama igamije gushishikariza abashoramari bo mu Rwanda gushora imari mu bikorwa by’uyu mujyi cyane cyane mu ishyirwa mu bikorwa ry’ igishushanyo mbonera cyawo.

Mu gihe nta gikorwa cy’amajyambere kitajyanye n’igishushanyo mbonera kizongera kwemerwa muri Kigali, Umuyobozi w’Umujyi wa Kigali Mukaruriza Monique yasabye bamwe mu bashoramari bo mu Rwanda guhugukira gushora imari muri bimwe mu bikorwa bigaragara ku gishushanyo mbonera mbere y’uko abanyamahanga bazabibatanga.

Ati “Twifuzaga y’uko Umujyi wa Kigali utakubakwa n’abashoramari bavuye hanze gusa, twifuzaga ko abenshi baba abashoramari b’abanyarwanda, Ntabwo ari uko tubuze abandi bashoramari bava hanze y’u Rwanda ahubwo ni uko twifuza ko kubaka umujyi wacu biba umwihariko w’abanyarwanda kuruta uko by’aba iby’abanyamahanga”.

JPEG - 100.6 kb
Meya w’Umujyi wa Kigali mu kiganiro ku ishoramari (Foto: Gisubizo Gentil M.)

Abashoramari bo mu Rwanda basanga hakiri ibibazo biterwa n’ingufu z’amashanyarazi zikiri imbogamizi ndetse n’imwe mu mishinga ihabwa abanyamabanki nyamara idateguranwe ubuhanga.

Bizimana Vianne, umuyobozi muri COGEBANK yagize ati “Imbogamizi dukunze guhura na zo ni imishinga iba itateguwe neza, umuntu akazana umushinga asaba inguzanyo ugasanga uteguwe nabi, akaba atarebye ngo amenye ayo azashora n’ayo banki izashyiramo”.

Bizimana akomeza avuga ko ishoramari ryo mu Rwanda ribangamirwa cyane n’uko usanga abantu ari ba nyamwigendaho ntibishyire hamwe.

Ati “Haracyarimo imbogamizi y’uko abashoramari bo mu Rwanda batari bahugukira ikintu cyo kwishyira hamwe, ugasanga umuntu wese atsimbaraye ku gashinga ke gato nyamara hatekerezwa uburyo bwo kwagura ako gashinga kagahuza abantu benshi bikanaborohera guhabwa inguzanyo ya Banki”.

Abo bashoramari bakomeje bavuga ko ikibazo cyo kubona ibibanza by’aho bashyira imishinga yabo aricyo Umujyi wa Kigali wari ukwiye kubanza kubakemurira, kuko ngo kugeza ubu batanga amafaranga agera kuri 30% y’ayo baba bageneye umushinga ku butaka gusa.

Meya Mukaruriza yagize ati “Ubusanzwe duhura n’abashoramari kabiri mu mwaka tukabereka amahirwe ahari yo gushoramo imari dufatanyije n’ibindi bigo bya leta nka RDB ibereka amategeko ajyanye n’ishoramari cyane ko nk’ubu turimo kubashishikariza kudufasha gushyira mu bikorwa igishushanyo mbonera cy’Umujyi.”

Kuri ubu Umujyi wa Kigali ufite gahunda yo guca akajagari abazamura inzu bakagendera ku gishushanyo mbonera, icyakora Mukaruriza yemeza ko inzu zisanzwe mu mujyi atariko zose zizasenywa ahubwo ngo hari aho bazageza amazi n’ibindi bikorwa remezo hagakomeza guturwa uko bisanzwe.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Yatangiriye ku cyarahani none agiye gushinga uruganda rw’imyenda
Yatangiriye ku cyarahani none agiye gushinga uruganda rw’imyenda

Mukantwari Alvéra wo mu murenge wa Kagano mu karere ka Nyamasheke, ukorera imirimo y’ubudozi n’ububoshyi bw’imyenda n’imitako kuri site ya Rwesero ho mu karere ka Nyarugenge mu mujyi wa Kigali (...)

Rubavu:Barifuza isoko ryagutse ry’umusaruro w’ibirayi wabaye mwinshi
Rubavu:Barifuza isoko ryagutse ry’umusaruro w’ibirayi wabaye mwinshi

Bamwe mu bahinzi b’ibirayi mu murenge wa Bugeshi mu karere ka Rubavu, bavuga ko bahangayikishijwe n’ikibazo cy’isoko ry’umusaruro w’ibirayi ridahagije, kandi bejeje byinshi cyane. Aba bahinzi bavuga (...)

Ibiciro bya lisansi na mazutu byazamutse
Ibiciro bya lisansi na mazutu byazamutse

Ikigo cy’Igihugu gishinzwe kugenzura imikorere y’inzego zimwe z’imirimo ifitiye igihugu akamaro, RURA cyatangaje ibiciro bishya by’ibikomoka kuri peteroli biratangira kubahirizwa kuri uyu wa 4 (...)

Abaturage b’i Rusizi batewe inkeke n’igiciro cy’ibiribwa cyazamutse bikabije
Abaturage b’i Rusizi batewe inkeke n’igiciro cy’ibiribwa cyazamutse bikabije

Abatuye mu mirenge hafi ya yose igize ikibaya cya Bugarama bakomeje kuvuga ko izamuka ry’ibiciro by’ibiribwa rikabije, ndetse ubu rikaba rituma bamwe batabasha guhaha. Abaganiriye n’Imvaho Nshya (...)

Yahereye kuri  29 000 frws,  ubu yubatse inzu abamo n’izo akodesha
Yahereye kuri 29 000 frws, ubu yubatse inzu abamo n’izo akodesha

Kayitesi Sophia, umuturage utuye mu mujyi wa Kigali ku Kicukiro, yabashije kwiteza imbere ahereye ku mafaranga y’u Rwanda 29,000 none ubu ageze ku rwego rwo kubaka mu mujyi wa Kigali inzu ijyanye (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.