2017-05-23 15:35:04 clouds 27o High | Kigali Rwanda

Dukurikire:
 
 

Karongi: Imibiri 114 y’Abatutsi bazize Jenoside igiye gushyingurwa

Yanditswe na IMVAHO NSHYA

Kuya 2016-04-19 16:30:00

 
Share on:
 
Yasuwe:2
 
Yavuzweho:200
 
10
 
10

Akarere ka Karongi kagiye gushyingura mu cyubahiro imibiri 114 y’Abatutsi bishwe muri Jenoside.

Muri iyi mibiri igiye gushyingurwa harimo igiye gushyingurwa bwa mbere n’igiye kwimurwa.

Umuhuzabikorwa wa komisiyo yo kurwanya Jenoside mu karere ka Karongi na Rutsiro, Moise Mutabazi, avuga ko hari imibiri 114 izashyingurwa mu nzibutso zitandukanye.

Yagize ati:“Hari imibiri 61 yabonetse igiye gushyingurwa bwa mbere n’indi 53 igiye kwimirwa kubera urwibutso rushaje igashyingurwa mu nzirwibutso zubatse neza, harimo urwa Gashari, Rubengera na Bisesero.”

JPEG - 113.9 kb
Urwibutso rwo mu Bisesero narwo ruzashyingurwamo imibiri 30 y’abazize Jenoside (Foto Vestine D)

Mutabazi asaba abanyarwanda gukomeza kwerekana aho imibiri itarashyingurwa mu cyubahiro iri, bakifashisha uburyo bwose bushoboka.

Cyuzuzo Aime Christian, umwe mu barokotse Jenoside, avuga ko kuba iyi mibiri igiye gushyingurwa mu cyubahiro, bibaruhura umutima kuko nibura baba bazi aho ababo bashyinguwe.

Iyi mibiri izashyingurwa mu matariki atandukanye, imibiri 20 izava mu mirenge ya Bwishyura, Gitesi na Rubengera izashyingurwa mu rwibutso rwa Rubengera tariki ya 24 Mata, naho imibiri 64 izashyingurwa mu rwibutso rwa Gashali ishyingurwe tariki ya 26 Mata, mu gihe imibiri 30 izashyingurwa mu rwiutso rwa Bisesero yo ari tariki 27 Kamena 2016.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE