Advertisement
 
 
 
 
 
 
 
 

Ubukungu

Isoko ry’imari n’imigabane ryafasha Afurika kwigira-PM Murekezi   

  Yanditswe na NTAWITONDA JEAN CLAUDE
 4 months ago

 
 

Minisitiri w’Intebe Anastase Murekezi asanga Isoko ry’imari n’imigabane ryagira uruhare rukomeye mu guhindura ubukungu bwa Afurika ndetse ikaba yagera no ku kigero cyo kwigira, mu gihe ribyajwe umusaruro ufatika.

Ubwo Minisitiri w’Intebe yatangizaga ku mugaragaro inama ya 20 y’Ihuriro ry’Ibigo by’Imari n’Imigabane muri Afurika (African Securities Exchanges Association -ASEA) kuri uyu wa mbere tariki 28 Ugushyingo 2016, yashimangiye ko ibihugu bikiri mu nzira y’amajyambere byatera indi ntambwe byifashishije iri soko.

Iyi nama ihuje abarenga 300 baturutse mu muri Afurika no ku yindi migabane, barimo impuguke ndetse n’abafatanyabikorwa b’Isoko ry’Imari n’Imigabane, abanyamategeko, abakozi b’amasoko y’imari n’imigabane, abahagarariye guverinoma zitandukanye, abashoramari mpuzamahanga, ibiko by’ikoranabuhanga n’abandi.

Minisitiri w’Intebe yagize ati “Mu gukomeza guharanira kwigira, amasoko y’imari n’imigabane muri Afurika yagira umumaro mu guhindura uburyo bwo kuzamura ubukungu bwa Afurika.”

JPEG - 137.4 kb
Minisitiri w’Intebe Anastase Murekezi uwa gatatu, yagaragaje agaciro k’isoko ry’Imari n’Imigabane muri Afurika

Yakomeje ashimangira ko isoko ry’imari n’imigabane muri Afurika ryafasha cyane cyane ibihugu bicyiyubaka, ati “Aya masoko yafashije mu mpinduka zifatika z’ibihugu bicyiyubaka mu buryo burambye ."

Mu gutangiza iyinama yitabiriye ahagarariye Perezida Kagame, Murekezi yakomeje asaba abayitabiriye gusangira ubunararibonye n’abakiri bashya muri uru rwego mu gufashanya kurwubaka ku bagamije kuriha icyerekezo kimwe muri Afurika.

Iyi nama ibaye mu gihe Isoko ry’imari n’imigabane mu Rwanda (RSE) ryizihiza isabukuru y’imyaka itanu rimaze ikora kuva 2011, ikaba igamije kwiga ku cyerekezo cy’Isoko ry’Imari n’Imigabane rya Afurika n’uruhare rifite mu bukungu bw’uyu mugabane mu ntumbero y’icyerekezo 2030.

Umuyobozi w’Ibigo by’Imari n’Imigabane muri Afurika y’Uburasirazuba (EASEA), akaba n’Umuyobozi Mukuru w’Ikigo cy’Imari n’Imigabane mu Rwanda (RSE) Pierre Célestin Rwabukumba, yashimangiye ko aya ari amahirwe kuri bo yo kugaragaza uburyo isoko ry’imari n’imigabane ryagize uruhare rukomeye mu gushyigikira ubukungu bw’u Rwanda.

 

Comments

 
 
Musanze:Ibigori bari bitezeho umusaruro ushimishije byibasiwe na Nkongwa
Musanze:Ibigori bari bitezeho umusaruro ushimishije byibasiwe na Nkongwa

Abaturage bakora umwuga w’ubuhinzi bo mu mirenge imwe n’imwe yo mu karere ka Musanze, baravuga ko bahangayikishijwe n’uko batazabona umusaruro uhagije w’ibigori muri iki gihembwe cy’ihinga A 2017, (...)

Mukahigiro yubatse inzu ebyiri z’ubucuruzi abikesheje kudoda inkweto
Mukahigiro yubatse inzu ebyiri z’ubucuruzi abikesheje kudoda inkweto

Mukahigiro Pascasie utuye mu kagari ka Gasovu, mu murenge wa Karambi mu karere ka Nyamasheke, avuga ko amaze kugera kuri byinshi abikesheje ubudozi bw’inkweto. Uyu mugore w’imyaka 45 avuga ko (...)

 Akarere ka Musanze  kazakoresha miliyoni 18 ku muyoboro w’amazi wa Rukore
Akarere ka Musanze kazakoresha miliyoni 18 ku muyoboro w’amazi wa Rukore

Ubuyobozi bw’Akarere ka Musanze buravuga ko bwateganyije amafaranga miliyoni 18, azifashishwa mu mushinga wo gusana umuyoboro w’amazi wa Rukore uri mu murenge wa Muko na Nkotsi, umaze imyaka 2 (...)

Abanyenganda b’i Huye baracyafite imbogamizi mu kwimukira muri zone yagenewe inganda
Abanyenganda b’i Huye baracyafite imbogamizi mu kwimukira muri zone yagenewe inganda

Mu gace kagenewe inganda mu kagari ka Sovu mu murenge wa Huye mu karere ka Huye, usanga hataritabirwa cyane ngo hakorerwe ibyo hagenewe, kuba nta bikorwaremezo birahagezwa n’ibibanza bihenze (...)

Kirehe: Umukobwa agiye gushinga uruganda ruzohereza inyama z’ingurube mu mahanga
Kirehe: Umukobwa agiye gushinga uruganda ruzohereza inyama z’ingurube mu mahanga

Umukobwa witwa Umubyeyi Aimée Laetitia, utuye mu karere ka Kirehe, umurenge wa Kigina, avuga ko ateganya gukora uruganda rutunganya inyama z’ingurube, ahereye ku bworozi bw’ingurube akora, (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.