Advertisement
 
 
 
 
 
 
 
 

Ubukungu

Intara y’Uburengerazuba mu rugamba rwo kugaruza miliyari yabuze muri za Sacco   

  Yanditswe na DUSINGIZUMUREMY VESTINE
 June 2016

 
 

Umunyamabanga nshingwabikorwa w’Intara y’Uburengerazuba Jabo Paul avuga ko tariki ya 1 Nyakanga 2016 batangira urugamba yise “rutagatifu” rwo kugaruza amafaranga asaga miliyari yabuze muri za Sacco.

Jabo avuga ko hari amakosa menshi yagiye akorwa ku buryo hari abantu bateguye imishinga bagahabwa amafaranga muri Sacco bakayakoresha ibindi bigahomba, n’abakozi b’ibyo bigo by’imari bayakozemo uko biboneye ku buryo ubu habarurwa amadeni agera kuri miyari imwe.

Avuga ko guheza ayo mafaranga bitashoboka, ari yo mpamvu yose agomba kugaruka.

Ati “Intara ni yo izabyigiramo, hazakorwa urugamba rutagatifu ruzashorwa mu ma Sacco, rugamije kugaruza amafaranga atarishyurwa asaga miliyari.”

JPEG - 91.4 kb
Gitifu w’intara Jabo Paul avuga ko hagiye kuba urugamba rwo kwishyuza asaga miliyari(Foto Dusingizumuremyi V)

Asaba abakora mu bigo by’imari gushyira mu mitwe yabo ko amafaranga babara ari ibipapuro ubwonko bukabitora, ngo bizatuma batagira irari ryo kuyiba.

Ushinzwe ubukungu n’iterambere mu karere ka Karongi Bagwire Esperance avuga ko hakigaragara imbogamizi mu gukorana na za sacco.

Ati “Mu bigo by’imari 16 dufite, abaturage bagera kuri 35% nibo bakorana nabyo, hari abagikora ingendo ndende bagana aho ibigo by’imari biri, hari abarindisha ibyo bigo ibibando, ibyo byose biri mu bidindiza serivisi z’imirenge sacco.”

Abaturage bavuga ko kugana za sacco bigoranye ngo kuko zica inyungu nyinshi (iri hejuru ugereranyije n’ahandi), icyizere gike cyo kuba ibyo bigo birindishwa inkoni, na Ruswa yakwa mu kubibonamo inguzanyo.

Ikigo cy’amakoperative kigaragaza ko mu ntangiriro za Mutarama 2017 buri Umurenge Sacco yose yo mu Rwanda izaba ikoresha ikoranabuhanga umuntu afatira serivise zazo aho ageze hose mu gihugu. Ibyo ngo bikazajya bigabanya ubujura muri izo koperative.

 

Comments

 
 
Rubavu:Igare yaguze ibihumbi 80 rimaze kumwungura asaga miliyoni mu mwaka umwe
Rubavu:Igare yaguze ibihumbi 80 rimaze kumwungura asaga miliyoni mu mwaka umwe

Dusabimana Pascal, umwe mu rubyiruko rwo mu murenge wa Cyanzarwe mu karere ka Rubavu, avuga ko mu gihe cy’umwaka amaze akora akazi ko kunyonga igare, ubu ibyo amaze kwigezaho bifite agaciro (...)

Abanyamahanga bashoye imari mu Rwanda  baravuga imyato Perezida Kagame
Abanyamahanga bashoye imari mu Rwanda baravuga imyato Perezida Kagame

Bamwe mu bashoramari b’Abanyamahanga bakorera ubucuruzi mu Rwanda kuri bo Perezida Kagame arenze kuba Perezida ahubwo ni n’umuhanga mu guhanga u Rwanda rugezweho. Atma Prakash ni umwe mu bayobozi (...)

Musanze:Ibigori bari bitezeho umusaruro ushimishije byibasiwe na Nkongwa
Musanze:Ibigori bari bitezeho umusaruro ushimishije byibasiwe na Nkongwa

Abaturage bakora umwuga w’ubuhinzi bo mu mirenge imwe n’imwe yo mu karere ka Musanze, baravuga ko bahangayikishijwe n’uko batazabona umusaruro uhagije w’ibigori muri iki gihembwe cy’ihinga A 2017, (...)

Mukahigiro yubatse inzu ebyiri z’ubucuruzi abikesheje kudoda inkweto
Mukahigiro yubatse inzu ebyiri z’ubucuruzi abikesheje kudoda inkweto

Mukahigiro Pascasie utuye mu kagari ka Gasovu, mu murenge wa Karambi mu karere ka Nyamasheke, avuga ko amaze kugera kuri byinshi abikesheje ubudozi bw’inkweto. Uyu mugore w’imyaka 45 avuga ko (...)

 Akarere ka Musanze  kazakoresha miliyoni 18 ku muyoboro w’amazi wa Rukore
Akarere ka Musanze kazakoresha miliyoni 18 ku muyoboro w’amazi wa Rukore

Ubuyobozi bw’Akarere ka Musanze buravuga ko bwateganyije amafaranga miliyoni 18, azifashishwa mu mushinga wo gusana umuyoboro w’amazi wa Rukore uri mu murenge wa Muko na Nkotsi, umaze imyaka 2 (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.