Advertisement
 
 
 
 
 
 
 
 

Ubukungu

Intara y’Uburasirazuba niyo ifite umubare munini w’abambuye Sacco   

  Yanditswe na HAKIZIMANA YUSSUF
 May 2016

 
 

Mu ntara y’Uburasirazuba niho hagaragara umubare munini w’abaturage bagurizwa amafaranga na za Sacco ntibishyure, nk’uko bigaragarazwa n’ikigo cy’igihugu gishinzwe guteza imbere amakoperative, RCA.

Mu nama yahuje abakozi b’ikigo cy’igihugu gishinzwe guteza imbere amakoperative n’abacungamutungo ba za Sacco zose ziri muri iyo ntara, abaperezida ba za Sacco, hamwe n’ abayobozi ba ngenzuzi, hagarutswe ku kibazo cyo kutishyura inguzanyo kiri mu ntra y’Uburasirazuba.

Mukakarangwa Francisca, umuyobozi ushinzwe ishami rya Sacco muri kigo k’igihugu gishinzwe guteza imbere amakoperative, yagize ati:“Ubu mu ntara y’Uburasirazuba ni mwe mufite umubare munini w’abantu batishyura neza inguzanyo bahawe na Sacco, nimwegere abaturage mubakangurire kwishyura kuko iyo atishyuye bibuza amahirwe bagenzi babo kubona inguzanyo.”

JPEG - 33 kb
Abaturage bo mu Burasirazuba bakunze kwaka inguzanyo muri Sacco ntibishyure (Foto archive)

Bamwe mu baturage bemeza ko hari abatishyura kubera ko bakoze imishinga yabo nabi, ariko ngo hari abananirwa kwishyura bitewe n’imishinga itarizwe neza, nkuko itangazwa na Batamuriza Henriette, umuturage wo mu murenge wa Kabarondo mu karere ka Kayonza.

Yagize ati:“Nk’ubu twe dufite ikibazo cy’ukuntu twakanguriwe ngo dufate ubwishingizi mu buhinzi, dufata amadeni y’imbuto n’amafumbire muri Sacco, iyo yari gahunda nziza ariko uburyo yakozwemo sibwo rwose kuko nyuma twabuze imvura turarumbya abagombaga kutwishyura banga kutwishyura.

Ubu se twe twari kwishyura iki Sacco kandi ko amasezerano twari dufitanye nayo ari uko twagombaga kubishyura twejeje.”

Iyamuremye Anaclet, umuturage wo mu murenge wa Rubona mu karere ka Rwamagana, we yagize ati:“Twe twakanguriwe ko tugomba gufata inguzanyo ya biyogazi muri Sacco, twarayifashe ndetse ikiza cyarimo ni uko leta yatwishyuriraga igice, ariko zimwe ba rwiyemezamirimo bazitaye zitarangiye izindi baziduha zidakora.

Ubuse wakwishyura ibintu bidakora, rwose twananiwe kwishyura Sacco bitari ubwambuzi ahubwo twayobewe ibyo twishyurira ibyo ari byo.”

Abacungamutungo ba Sacco basabwe kwegera abaturage bakabafasha kwiga neza imishinga bashakira inguzanyo no kubakangurira kuyikoresha icyo bayisabiye.

 

Comments

 
 
Mukahigiro yubatse inzu ebyiri z’ubucuruzi abikesheje kudoda inkweto
Mukahigiro yubatse inzu ebyiri z’ubucuruzi abikesheje kudoda inkweto

Mukahigiro Pascasie utuye mu kagari ka Gasovu, mu murenge wa Karambi mu karere ka Nyamasheke, avuga ko amaze kugera kuri byinshi abikesheje ubudozi bw’inkweto. Uyu mugore w’imyaka 45 avuga ko (...)

 Akarere ka Musanze  kazakoresha miliyoni 18 ku muyoboro w’amazi wa Rukore
Akarere ka Musanze kazakoresha miliyoni 18 ku muyoboro w’amazi wa Rukore

Ubuyobozi bw’Akarere ka Musanze buravuga ko bwateganyije amafaranga miliyoni 18, azifashishwa mu mushinga wo gusana umuyoboro w’amazi wa Rukore uri mu murenge wa Muko na Nkotsi, umaze imyaka 2 (...)

Abanyenganda b’i Huye baracyafite imbogamizi mu kwimukira muri zone yagenewe inganda
Abanyenganda b’i Huye baracyafite imbogamizi mu kwimukira muri zone yagenewe inganda

Mu gace kagenewe inganda mu kagari ka Sovu mu murenge wa Huye mu karere ka Huye, usanga hataritabirwa cyane ngo hakorerwe ibyo hagenewe, kuba nta bikorwaremezo birahagezwa n’ibibanza bihenze (...)

Kirehe: Umukobwa agiye gushinga uruganda ruzohereza inyama z’ingurube mu mahanga
Kirehe: Umukobwa agiye gushinga uruganda ruzohereza inyama z’ingurube mu mahanga

Umukobwa witwa Umubyeyi Aimée Laetitia, utuye mu karere ka Kirehe, umurenge wa Kigina, avuga ko ateganya gukora uruganda rutunganya inyama z’ingurube, ahereye ku bworozi bw’ingurube akora, (...)

Abahinzi bo muri Kigali basabwe guhaza isoko ry’imboga
Abahinzi bo muri Kigali basabwe guhaza isoko ry’imboga

Abaturage bakorera ubuhinzi mu bishanga by’akarere ka Kicukiro basabwe gushyira imbaraga mu kongera umusaruro w’imboga bagahaza isoko ryo mu Rwanda hagamijwe kugabanya amadevize asohoka igihugu (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.