Advertisement
 
 
 
 
 
 
 
 

Ubukungu

Intara y’Amajyaruguru igiye guhiga bukware abakoresha Banki Lambert   

  Yanditswe na NGABOYABAHIZI PROTAIS
 June 2016

 
 

Ubuyobozi bw’Intara y’Amajyaruguru bwatangaje ko bugiye guhiga buri wese ukoresha banki zitemewe zizwi nka “Banki Lambert” nyuma y’uko iyo ntara ije ku isonga mu kugira umubare munini w’abakoresha izo banki mu Rwanda.

Izo banki zikora ku buryo umuturage afata inguzanyo kwa mugenzi we, bakagirana amasezerano y’ubugure kandi iyo nguzanyo ikaba ibarwa hakubiyemo n’inyungu mu gihe nyir’ukuguriza adashoboye kuyishyura uwamugurije agatwara ingwate.

Guverineri w’intara y’Amajyaruguru, Bosenibamwe Aimé, yasabye abayobozi bose muri iyo ntara gukora urutonde rw’abo bakekaho gukoresha banki Lambert bagakurikiranwa.

Ati“Ubu ndasaba ubuyobozi bwose uhereye mu mudugudu muri iyi ntara gukora urutonde rw’abantu bose bakoresha ubu bujura bwa banki ramberi, kugira ngo bigishwe , kuko abaturage bagomba kumenya gukorana n’ibigo by’imari n’amabanki.”

JPEG - 40.7 kb
Guverineri Bosenibamwe Aime yasabye inzego zose guhangana na banki Ramberi(Foto Archives)

Yakomeje agira ati “Uru ni urugamba rukomeye rwo kurwanya abo bose barya imitsi ya rubanda bashaka inyungu z’umurengera, ndasaba rero ko ibi bihagarara, iyi banki ikaba amateka, kandi abayikoresha bamenye ko amategeko ahari abihanira”.

Abaturage bo mu ntara tw’Amajyaruguru cyane bo mu turere twa Musanze na Burera bavuga ko iki kibazo giteye inkeke.

Mukamanzi Velene ni umwe mu baturage bagizweho ingaruka n’iyi banki yagize ati “Maze umwaka nsiragira mu butabera nsaba kurenganurwa kubera ko nahaye umuturanyi wanjye ingwate nzi ko agiye muri banki zemewe n’amategeko.”

Yakomeje ati” Ariko nyuma y’aho naje gutangazwa no kumva ngo nagurishije isambu burundu n’umugabo ntazi, nsabwa n’amategeko guhindura icyangombwa cy’ubutaka, ntabwo ari jye bibayeho njyenyine kuko hari abo nzi bimukiye muri Uganda kubera guhunga umwenda wa banki ramberi”.

Uyu mugore akaba we na bagenzi be asaba ko ubuyobozi bwabishyiraho umwete bikava mu magambo ahubwo amategeko agakurikizwa abakoresha izi banzi bagahanwa.

Leta y’u Rwanda ntihwema kangurira abaturage gukorana na banki na koperative zo kuzigama no kuguriza zizewe, cyane ko nk’Umurenge Sacco wabegerejwe aho batuye.

Ibi ariko hari bamwe batabikozwa bashidukira kwaka inguzanyo muri banki Lambert bikarangira babihombeyemo.

 

Comments

 
 
Mukahigiro yubatse inzu ebyiri z’ubucuruzi abikesheje kudoda inkweto
Mukahigiro yubatse inzu ebyiri z’ubucuruzi abikesheje kudoda inkweto

Mukahigiro Pascasie utuye mu kagari ka Gasovu, mu murenge wa Karambi mu karere ka Nyamasheke, avuga ko amaze kugera kuri byinshi abikesheje ubudozi bw’inkweto. Uyu mugore w’imyaka 45 avuga ko (...)

 Akarere ka Musanze  kazakoresha miliyoni 18 ku muyoboro w’amazi wa Rukore
Akarere ka Musanze kazakoresha miliyoni 18 ku muyoboro w’amazi wa Rukore

Ubuyobozi bw’Akarere ka Musanze buravuga ko bwateganyije amafaranga miliyoni 18, azifashishwa mu mushinga wo gusana umuyoboro w’amazi wa Rukore uri mu murenge wa Muko na Nkotsi, umaze imyaka 2 (...)

Abanyenganda b’i Huye baracyafite imbogamizi mu kwimukira muri zone yagenewe inganda
Abanyenganda b’i Huye baracyafite imbogamizi mu kwimukira muri zone yagenewe inganda

Mu gace kagenewe inganda mu kagari ka Sovu mu murenge wa Huye mu karere ka Huye, usanga hataritabirwa cyane ngo hakorerwe ibyo hagenewe, kuba nta bikorwaremezo birahagezwa n’ibibanza bihenze (...)

Kirehe: Umukobwa agiye gushinga uruganda ruzohereza inyama z’ingurube mu mahanga
Kirehe: Umukobwa agiye gushinga uruganda ruzohereza inyama z’ingurube mu mahanga

Umukobwa witwa Umubyeyi Aimée Laetitia, utuye mu karere ka Kirehe, umurenge wa Kigina, avuga ko ateganya gukora uruganda rutunganya inyama z’ingurube, ahereye ku bworozi bw’ingurube akora, (...)

Abahinzi bo muri Kigali basabwe guhaza isoko ry’imboga
Abahinzi bo muri Kigali basabwe guhaza isoko ry’imboga

Abaturage bakorera ubuhinzi mu bishanga by’akarere ka Kicukiro basabwe gushyira imbaraga mu kongera umusaruro w’imboga bagahaza isoko ryo mu Rwanda hagamijwe kugabanya amadevize asohoka igihugu (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.