2017-10-20 08:47:26 clouds 27o High | Kigali Rwanda

Dukurikire:
 
 

Inguzanyo zizajya zitangirwa kuri telefoni - Dr. Karusisi

Yanditswe na IMVAHO NSHYA

Kuya 2017-05-18 06:51:47

 
Share on:
 
Yasuwe:929
 
Yavuzweho:200
 
10
 
10

Umuyobozi mukuru wa Banki ya Kigali, Dr. Diane Karusisi, avuga ko kubera ikoranabuhanga rikomeje kurema ibisubizo, mu minsi iri imbere inguzanyo zizajya zitangwa hakoreshejwe telefoni zigendanwa.

Dr. Karusisi yari mu nama mpuzamahanga (Dot Finance) yahurije abayobozi b’ibigo by’ubucuruzi na banki zitandukanye basaga 470 i Kigali iri kwigirwamo uburyo serivisi z’imari zatangwa hifashishijwe ikoranabuhanga guhera ejo hashize tariki 17 Gicurasi 2017.

Umuyobozi wa BK yabwiye Imvaho Nshya ko mu minsi iri imbere inguzanyo zizajya zitangirwa kuri telefoni kimwe n’izindi serivisi zose nko kubitsa no kubikuza.

Yagarutse ku kamaro k’inama ya Dot Finance , ko igamije kunoza serivisi za Banki zikazajya zitangwa mu buryo bwizewe.

Ati “Ibyo byose bazajya babibona hifashishijwe telefoni, gusaba no kubona inguzanyo, kohererezanya amafaranga, kugura ubwishingizi n’ibindi byose. Ibyo bizatuma hatangwa serivisi zinoze kandi bigabanye ibiciro bya serivisi zose zitangwa.”

JPEG - 171.8 kb
Dr. Diane Karusisi, Umuyobozi mukuru wa Banki ya Kigali (Foto James R.)

Banki ya Kigali by’umwihariko yatangiye kwiga ku ikoranabuhanga rizajya ritanga inguzanyo nto hagendewe ku mafaranga umukiriya yizigamiye kuri telefoni cyangwa kuri konti (#mokash) ku buryo mu minsi mike umuntu azajya ahabwa inguzanyo mu gihe kitageze ku munota.

Dot Finance ni yo nama yiga ku ikoranabuhanga mu rwego rw’imari ya mbere ikomeye ku mugabane wa Afurika; ni ubwa mbere ibereye mu Rwanda. Kuri iyi nshuro abayitabiriye bize ku buryo ubwenge bw’ubukorano (AI) bwazinjizwa mu mikorere y’amabanki ku gira ngo zirusheho gutanga serivisi zinoze.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE