2017-12-11 14:03:29 clouds 27o High | Kigali Rwanda

Dukurikire:
 
 

Ingo hafi 28 000 zizahabwa amashyanyarazi mu kwezi kwa Nzeli 2017

Yanditswe na IMVAHO NSHYA

Kuya 2017-07-28 07:25:55

 
Share on:
 
Yasuwe:253
 
Yavuzweho:200
 
10
 
10

Ikigo cy’igihugu gishinzwe gukwirakwiza ingufu z’’amashyanyarazi (EDCL) cyatangaje ko mu mpera z’ukwezi kwa Nzeri, 2017 kizaba cyagejeje umuriro w’amashanyarazi ku ngo 27 953 z’abaturage.

Umuriro kandi uzashyirwa mu bigo by’amashuri, ibitaro n’inyubako z’inzego za Leta mu turere two mu ntara y’Amajyaruguru n’Uburengerazuba.

Umuyobozi Mukuru wa EDCL, ishami ry’Ikigo gishinzwe ingufu (REG), Kamanzi Emmanuel, yavuze ko kugeza ubu mu gihugu hari uduce tumwe na tumwe tugoranye kutugezamo ibikorwa remezo by’umuriro w’amashanyarazi bitewe n’imiturire y’abaturage baho.

Ati “Uduce tw’Amajyaruguru n’Uburengerazuba iyo ugiye kureba ni uduce tw’imisozi, aho ureba kuzamuka hejuru y’umusozi ujyanyeyo icyuma cya Transormateur, mu by’ukuri biba bigoye kuko nta modoka ishobora kugerayo keretse kwifashisha indege ni bwo tuzajya tugerayo.”

JPEG - 302 kb
Aha ni mu murenge wa Bweyeye, mu karere ka Rusizi, hamwe mu duce tugoranye EDCL imaze kugeza umuriro w’amashanyarazi (Foto Samuel M)

Raporo ya EDCL y’umushinga wo gukwirakwiza umuriro w’amashanyarazi muri utwo duce igaragaza uturere twa Gicumbi na Rulindo mu Majyaruguru; Nyamasheke, Rusizi, Ngororero, Karongi na Nyabihu mu Burengerazuba turimo imirenge igoranye kugezwamo ibikorwa remezo bitewe n’imiterere yaho ariko ukwezi kwa Nzeri kukazarangira umuriro ugezeku baturage.

Uwo muriro kandi uzagera ku bigo nderabuzima 29, ibigo by’amashuri 179 n’ inyubako 25 z’ibiro bya Leta.

Kamanzi akomeza avuga ko kuva mu ntangiriro z’umwaka wa 2017 gukwirakwizwa umuriro w’amashyanyarazi bimaze kwiyongeraho 7%, igipimo ahamya ko kitigeze kibaho kuko cyaheraga kuri 2 na 3% na byo bigatwara imyaka myinshi. Ubu gukwirakwiza umuriro w’amashyanyarazi biri ku gipimo cya 32% mu gihugu.

Mu kwezi kwa Gicurasi umwaka utaha, 2018, EDCL ivuga ko gukwirakwiza umuriro w’amashanyarazi bizaba bigeze ku gipimo cya 48%.

Hakurikijwe umuvuduko ibikorwa biriho, hari icyizere ko intego ya Guverinoma y’uko umuriro uzaba ugeze kuri 70% mu mpera z’uwo mwaka mu gihugu hose.

SAMUEL MUTUNGIREHE

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE