Advertisement
 
 
 
 
 
 
 
 

Ubukungu

Imisoro ya caguwa yikubye inshuro 25   

  Yanditswe na HERVE UGIRUMUKUNDA
 July 2016

 
 

Leta y’u Rwanda yakubye imisoro y’imyenda n’inkweto za gacuwa inshuro 12.5 na 25 guhera kuri uyu wa Gatanu ku ya 1 Nyakanga 2016.

Komiseri Mukuru w’Ikigo cy’Igihugu cy’Imisoro n’Amahoro (RRA), Richard Tushabe yavuze ko kuva saa sita z’ijoro ryo kuri uyu wa Gatanu, imyenda ya caguwa yinjiye mu Rwanda yose yasoreshejwe kuri iyo misoro mishya.

Ati" Nk’uko Leta yari yarabiteganyije uyu munsi twashyize mu bikorwa umwanzuro wo gukuba inshuro nyinshi imisoro y’imyenda n’’inkweto za caguwa, kuva uyu munsi ibyinjiye mu Rwanda byose byasoreshejwe ku misoro mishya."

JPEG - 107.6 kb
Inkweto za caguwa zakubiwe imisoro

Ni umugambi u Rwanda ruhuriyeho n’ibindi bihugu by’Afurika y’Uburasirazuba nyuma yo gusanga ibikoresho bya caguwa bifite ingaruka ku bukungu bw’igihugu ndetse no ku buzima bw’abaturage.

U Rwanda rushaka kongerera ubushobozi inganda ziri imbere gihugu ku buryo zishobora gukora imyenda ndetse n’inkweto bikomeye kandi bidahenze abaturage ntibongere kurarikira caguwa inengwa ubuziranenge na benshi.

Caguwa ni imyenda ituruka ahanini mu Burayi na Amerika ya Ruguru iba yarambawe ikagurishwa ku giciro gito muri Afurika.

Mu ntangiriro z’uyu mwaka Minisitiri w’Intebe, Anastase Murekezi yasobanuriye inteko ibijyanye na gahunda ya Leta yo guteza imbere inganda hibandwa kuzikora imyenda, Minisitiri w’Intebe Murekezi Anastase yerekanye ibiteye impungenge bya caguwa anagaragaza uko gahunda ya Leta yo kuyica iteye.

Yavuze ko biteye impungenge kubona Abanyarwanda bakunda ibituruka iyo batazi mu gihe hari iby’iwabo bishobora kongererwa imbaraga bikaba byiza nabo bakaba babyohereza hanze.

Yagize ati “Hatangiye gahunda yo kwigisha imyuga n’ubumenyingiro ku bantu bose harimo n’abikorera mu rwego rwo kongerera ubumenyi abantu bose. Ziriya caguwa zituruka mu mahanga ntizizewe ku buziranenge bwazo, biba byarambawe babihaga bakabyohereza. ikindi kandi kubera igiciro cyabyo kiba kiri hasi cyane bituma abantu babikunda bityo ibikorwa n’inganda zacu ntibigurwe”.

Ku kibazo cyo kuba ibikorerwa mu Rwanda biri ku giciro gihanitse kigaruka nk’inzitizi ku icibwa rya caguwa nk’uko abadepite babigarutseho, gusa Minisitiri Murekezi amara izi mpungenge avuga ko guhenda byaterwaga n’ubushobozi buke ariko ko ibiciro bizamanuka nyuma yo kongerera ubushobozi inganda.

Ati, “Tuzazamura amahoro ya za gasutamo ku myenda itumizwa hanze ariko tunamanure cyane imisoro ku bikoresho by’ibanze bikenerwa mu gukora umwenda n’inkweto bitumizwa hanze, harateganywa gufashwa ba rwiyiyemezamirimo bari mu mwuga w’ubudozi mu Rwanda.

Leta izashyiraho ikigo cy’icyitegererezo mu mujyi wa Kigali kigisha kudoda no mu nkengero z’umujyi, twizera ko ibi bizagabanya ibiciro bihanitse kandi byaranatangiye, nk’ubu ubushize mu imurikagurisha rishize rya “made in Rwanda” twabonye ishati y’amafaranga 2000 yakorewe muri Utexrwa kandi ahandi igura 5000”

 

Comments

 
 
Mukahigiro yubatse inzu ebyiri z’ubucuruzi abikesheje kudoda inkweto
Mukahigiro yubatse inzu ebyiri z’ubucuruzi abikesheje kudoda inkweto

Mukahigiro Pascasie utuye mu kagari ka Gasovu, mu murenge wa Karambi mu karere ka Nyamasheke, avuga ko amaze kugera kuri byinshi abikesheje ubudozi bw’inkweto. Uyu mugore w’imyaka 45 avuga ko (...)

 Akarere ka Musanze  kazakoresha miliyoni 18 ku muyoboro w’amazi wa Rukore
Akarere ka Musanze kazakoresha miliyoni 18 ku muyoboro w’amazi wa Rukore

Ubuyobozi bw’Akarere ka Musanze buravuga ko bwateganyije amafaranga miliyoni 18, azifashishwa mu mushinga wo gusana umuyoboro w’amazi wa Rukore uri mu murenge wa Muko na Nkotsi, umaze imyaka 2 (...)

Abanyenganda b’i Huye baracyafite imbogamizi mu kwimukira muri zone yagenewe inganda
Abanyenganda b’i Huye baracyafite imbogamizi mu kwimukira muri zone yagenewe inganda

Mu gace kagenewe inganda mu kagari ka Sovu mu murenge wa Huye mu karere ka Huye, usanga hataritabirwa cyane ngo hakorerwe ibyo hagenewe, kuba nta bikorwaremezo birahagezwa n’ibibanza bihenze (...)

Kirehe: Umukobwa agiye gushinga uruganda ruzohereza inyama z’ingurube mu mahanga
Kirehe: Umukobwa agiye gushinga uruganda ruzohereza inyama z’ingurube mu mahanga

Umukobwa witwa Umubyeyi Aimée Laetitia, utuye mu karere ka Kirehe, umurenge wa Kigina, avuga ko ateganya gukora uruganda rutunganya inyama z’ingurube, ahereye ku bworozi bw’ingurube akora, (...)

Abahinzi bo muri Kigali basabwe guhaza isoko ry’imboga
Abahinzi bo muri Kigali basabwe guhaza isoko ry’imboga

Abaturage bakorera ubuhinzi mu bishanga by’akarere ka Kicukiro basabwe gushyira imbaraga mu kongera umusaruro w’imboga bagahaza isoko ryo mu Rwanda hagamijwe kugabanya amadevize asohoka igihugu (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.