Advertisement
 
 
 
 
 
 
 
 

Ubukungu

Imiryango irenga 47 000 yibasiwe n’ibura ry’ibiribwa   

  Yanditswe na MUTUNGIREHE SAMUEL
 July 2016

 
 

Minisiteri y’Ubuhinzi n’Ubworozi (MINAGRI) yatangaje ko mu gihugu hose babarurwa imiryango 47 406 yahuye n’ibibazo byo kubura ibiribwa bihagije ikaba igiye guhabwa ubufasha.

N’ubwo hamaze igihe kitari gito havugwa ikibazo cy’inzara n’amapfa yateye cyane mu turere tw’Intara y’Uburasirazuba bw’igihugu, Minisitiri w’Ubuhinzi n’Ubworozi Dr. Mukeshimana Geraldine ntiyemeranywa n’abavuga ko mu Rwanda hari abasuhutse kubera inzara.

Dr. Mukeshimana yatangaje ko minisiteri yari izi na mbere ingaruka zizakurikira ibura ry’imvura n’imihindagurikire y’ikirere itarabaye myiza kuva mbere y’igihembwe cya mbere cy’ihinga A , nyuma y’aho isi itangiye guhura n’ikibazo cy’izamuka ry’ubushyuhe bigatera ikitwa El nino ari nayo ntandaro y’amapfa Minisiteri ivuga ko atandukanye n’inzara.

PNG - 1.1 Mb
Minisitiri w’Ubuhinzi n’Ubworozi Dr. Mukeshimana Gerardine n’Umunyamabanga Uhoraho Innocent Musabyimana, mu kiganiro n’itangazamakuru basaba gutandukanya ibura ry’ibiribwa n’inzara (Foto Samuel)

Yasobanuye ko El nino yateye ingaruka zibaye bwa mbere mu myaka 60 ishize mu Rwanda, ariko ko abantu bakwiye kwitabira gahunda zifasha ubuhinzi Leta ishyiraho mu rwego rwo kongera umusaruro no gucika ku muco wo gutungwa n’ubuhinzi bugendera ku bihe by’imvura, abahinzi bagahinga ibihe byose bifashishije gahunda yo kuhira ku buso buto mu gihe ibisubizo birambye bitaraboneka.

Dr. Mukeshimana yemera ko kuva mu gihembwe cya mbere cy’ihinga A hari imiryango yabuze ibiribwa, bikaza kuba bibi mu gihembwe cya kabiri aho mu karere ka Rulindo imiryango 18 000 yari yarahinze ku buso bwa hegitari 9 129 imyaka yumye mu gihembwe cya mbere.

Mu gihembwe cya kabiri mu turere nka Muhanga, Gakenke n’utundi natwo taje guhura n’ibibazo byatewe n’imvura nyinshi, ubutaka butwarwa n’isuri kuri hegitari 16 000.

Minisitiri yasobanuye ko ubwo habaga ibyo mu Majyaruguru, mu Burasirazuba ho byabaga birenze aho Kayonza, Nyagatare na Kirehe hafi imiryango 18 000 yumishije ibihingwa mu mirima bigatera amapfa.

Ku kibazo cy’abavugwa ko basuhutse bakajya mu bihugu bituranye n’u Rwanda nyuma yo kubura ibiribwa.

Minisitiri Dr. Mukeshimana yagize ati “Twebwe sinakemeza ko abahunze bahunze inzara, ariko ngaruke ku bintu bibiri, iyo turimo tugendana no gushyira hamwe kw’ibihugu by’Umuryango w’Afurika y’Uburasirazuba, nawe ushaka akazi muri ibyo bihugu uragenda. Icya kabiri, niba ushaka akazi ukaba wakabona Nyagatare ariko aho ugashaka hakaba hatari kugwa imvura, ujya aho imvura igwa.“

Minisitiri yasobanuye ko MINAGRI ifite gahunda ku ibura ry’imvura ryagize ingaruka ku matungo cyane ku ibura ry’amazi n’ubwatsi kuko hatanzwe amashitingi azafasha abahinzi kubika amazi kugira ngo imyaka iri hafi y’ibishanga iramirwe.

 

Comments

 
 
Ngoma:Yatejwe imbere n’umwuga w’ubucuzi amazemo  imyaka 13
Ngoma:Yatejwe imbere n’umwuga w’ubucuzi amazemo imyaka 13

Habimana Déogratias utuye mu kagari ka Karama, umurenge wa Kazo mu karere ka Ngoma, avuga ko umwuga w’ubucuzi amaze imyaka igera kuri 13 akora umutungiye umuryango, kandi akaba amaze kuwukuramo (...)

Rubavu: Barishimira ko karoti zari zabahombanye zabonye isoko mu mahanga
Rubavu: Barishimira ko karoti zari zabahombanye zabonye isoko mu mahanga

Abahinzi ba karoti bo mu murenge wa Kanzenze mu karere ka Rubavu barishimira ko umusaruro wabo ubu noneho wabonye isoko, nyuma y’uko karoti zabo zari zarabahombanye, aho umufuka waguraga ibihumbi (...)

Ngoma: Umusaruro w’ibishyimbo n’ibigori waragabanutse
Ngoma: Umusaruro w’ibishyimbo n’ibigori waragabanutse

Ubuyobozi bwa Koperative Rebakure Munyamurama_KOREMU, ikorera ubuhinzi bw’ibigori n’ibishyimbo kuri hegitari 400 mu murenge wa Murama buratangaza ko igihembwe cy’ihinga cya 2017A kitababereye kiza, (...)

 RAB irasaba abahinzi gucika ku birayi bya ’Peko’ bagahinga ibiryoshye
RAB irasaba abahinzi gucika ku birayi bya ’Peko’ bagahinga ibiryoshye

Abacuruzi bacuruza ibirayi mu masoko atandukanye yo mu karere ka Rubavu bavuga ko babangamiwe n’ikibazo cy’ibirayi byitwa Peko bikomeje kubatera igihombo, kuko abakiriya babigura nyuma (...)

Kicukiro: Hatangiye kubakwa  umudugudu ufite agaciro kagera kuri Miliyari 5
Kicukiro: Hatangiye kubakwa umudugudu ufite agaciro kagera kuri Miliyari 5

Akarere ka Kicukiro katangije ku mugaragaro igikorwa cyo kubaka umudugudu w’icyitegererezo (IDP Model Village) uzatuzwamo abakuwe mu manegeka ufite agaciro kagera kuri miliyari eshanu z’amafaranga (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.