Advertisement
 
 
 
 
 
 
 
 

Ubukungu

IMF: U Rwanda mu bihugu bitanu bya Afurika birusha ibindi umuvuduko mu iterambere   

  Yanditswe na HERVE UGIRUMUKUNDA
 April 2016

 
 

Icyegeranyo ku bukungu cy’Ikigega Mpuzamahanga cy’Imari, IMF, cyashyize u Rwanda mu bihugu bitanu byihuta mu iterambere kurusha ibindi muri Afurika.

Muri icyo cyegeranyo kireba uko ubukungu bwifashe hirya no hino ku Isi (World Economic Outlook for 2016); Umusaruro Mbumbe w’u Rwanda ufite ubwiyongere bwa 6.3% .

U Rwanda ruza ku mwanya wa gatanu muri Afurika, nyuma ya Cote d’Ivoire ifite ubwiyongere bwa 8.5%, Tanzania 6.9%, Senegal, 6.6% na Djibouti, 6.5%.

U Rwanda rukurikiwe na Kenya itera imbere ku kigero cya 6.0%, Mozambique, 6.0%, Centrafrique, 5.7%, Sierra Leone, 5.3% na Uganda 5.3%.

JPEG - 97.5 kb
U Rwanda rukomeje kuzamuka mu iterambere bigatangaza amahanga (© Izuba Rirashe)

Ibihugu bya Afurika bifite ubukungu bushingiye kuri peteroli, Angola na Nigeria byasubiye inyuma mu iterambere ry’ubukungu ku rugero rwa 2.5 na 2.3%.

Iki kibazo kiri mu bizagarukwaho na IMF mu nama mpuzamahanga y’ubukungu (WEF) kuri Afurika izabera mu Rwanda muri Gicurasi.

U Rwanda rwateye imbere ku muvuduko utangaje nyuma ya Jenoside yakorewe Abatutsi mu 1994. Leta y’u Rwanda ihora imbere mu korohoreza ishoramari, kugira ubukungu butanga icyizere mu gihe kizaza no gukora impinduka mu bucuruzi.

Iterambere ry’u Rwanda rishingiye ku kwiha icyerekezo (2020 kizakurikirwa na 2050). Ni muri urwo rwego Leta y’u Rwanda yagiye ishyiraho gahunda zo guhanga imirimo nka Hanga Umurimo na Kora Wigire, korohereza abashoramari, kuremera abatishoboye nka Girinka na VUP, n’izindi zituma buri munyarwanda atera imbere mu mibereho.

Inama ya WEF izabera i Kigali kuva ku ya 11-13 Gicurasi, izagaruka ku kongera inzego zinjiriza inyungu buri muturage aho ava akagera, kwiga ku mpinduramatwara ya kane y’inganda, guhanga inganda nshya no kugabanya ubusumbane ku mugabane wa Afurika.

 

Comments

 
 
Mukahigiro yubatse inzu ebyiri z’ubucuruzi abikesheje kudoda inkweto
Mukahigiro yubatse inzu ebyiri z’ubucuruzi abikesheje kudoda inkweto

Mukahigiro Pascasie utuye mu kagari ka Gasovu, mu murenge wa Karambi mu karere ka Nyamasheke, avuga ko amaze kugera kuri byinshi abikesheje ubudozi bw’inkweto. Uyu mugore w’imyaka 45 avuga ko (...)

 Akarere ka Musanze  kazakoresha miliyoni 18 ku muyoboro w’amazi wa Rukore
Akarere ka Musanze kazakoresha miliyoni 18 ku muyoboro w’amazi wa Rukore

Ubuyobozi bw’Akarere ka Musanze buravuga ko bwateganyije amafaranga miliyoni 18, azifashishwa mu mushinga wo gusana umuyoboro w’amazi wa Rukore uri mu murenge wa Muko na Nkotsi, umaze imyaka 2 (...)

Abanyenganda b’i Huye baracyafite imbogamizi mu kwimukira muri zone yagenewe inganda
Abanyenganda b’i Huye baracyafite imbogamizi mu kwimukira muri zone yagenewe inganda

Mu gace kagenewe inganda mu kagari ka Sovu mu murenge wa Huye mu karere ka Huye, usanga hataritabirwa cyane ngo hakorerwe ibyo hagenewe, kuba nta bikorwaremezo birahagezwa n’ibibanza bihenze (...)

Kirehe: Umukobwa agiye gushinga uruganda ruzohereza inyama z’ingurube mu mahanga
Kirehe: Umukobwa agiye gushinga uruganda ruzohereza inyama z’ingurube mu mahanga

Umukobwa witwa Umubyeyi Aimée Laetitia, utuye mu karere ka Kirehe, umurenge wa Kigina, avuga ko ateganya gukora uruganda rutunganya inyama z’ingurube, ahereye ku bworozi bw’ingurube akora, (...)

Abahinzi bo muri Kigali basabwe guhaza isoko ry’imboga
Abahinzi bo muri Kigali basabwe guhaza isoko ry’imboga

Abaturage bakorera ubuhinzi mu bishanga by’akarere ka Kicukiro basabwe gushyira imbaraga mu kongera umusaruro w’imboga bagahaza isoko ryo mu Rwanda hagamijwe kugabanya amadevize asohoka igihugu (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.