Advertisement
 
 
 
 
 
 
 
 

Ubukungu

Ikiyaga cya Kivu kibitse amashanyarazi u Rwanda rukeneye mu 2018   

  Yanditswe na IYAREMYE YVES
 2 months ago

 
 

Leta y’u Rwanda irabona amahirwe menshi mu kubyaza umusaruro Ikiyaga cya Kivu kuko gifite amasanyarazi aruta cyane ayo u Rwanda rwashyize mu muhigo bitarenze mu mwaka wa 2018.

Ubuyobozi bw’Ikigo cy’Igihugu gishinzwe ingufu (REG) bwatangaje ko Ikiyaga cya Kivu gihuriweho n’u Rwanda na Repubulika iharanira Demokarasi ya Congo (RDC) gifite ububasha bwo gutanga MW 700 mu gihe cy’imyaka 50 mu gihe bitarenze mu mwaka wa 2018, u Rwanda rwifuza kugera kuri MW563 ruvuye kuri MW 200 rufite ubu.

REG ibona iki kiyaga kibyajwe umusaruro gishobora guhita gikemura cy’ingufu mu buryo buhoraho ku ruhande rw’u Rwanda na RDC.

JPEG - 275.7 kb
Impuguke zihagarariye ibihugu byombi ziga ku kubyaza umusaruro Ikiyaga cya Kivu (Foto Iyaremye Y)

Mugiraneza Jean Bosco Umuyobozi wa REG avuga ko ikiyaga cya Kivu kirimo imyuka yabyara ingufu ihora yiyongera buri munsi ndetse ko mu myaka 50 cyaba cyabyaye ingufu zikubye inshuro hafi gatatu ubushobozi bw’ingufu u Rwanda rufite.

Ati “Ubu Gaze Methane ducukura ingana na Megawatt 26 mu gihe ikiyaga cya Kivu ubwacyo gifite ubushobozi bwo gutanga Megawatt 700 mu gihe cy’imyaka 50 kandi zigakoreshwa muri iyo myaka, bivuze ko ikibazo cy’amashanyarazi cyaba gikemutse mu bihugu byombi.”

Akomeza avuga ko ingo zicana amashyanyarazi mu Rwanda zigera kuri 27% kandi zifashisha ingufu zikomoka ku mashanyarazi angana na Megawatt zigera kuri 200 z’ubushobozi bw’igihugu gusa.



Mu nama ihuza impuguke zihuriyemo iz’u Rwanda n’iza RDC ziyemeje ko zigiye kubyaza umusaruro iki kiyaga nkuko byemejwe n’abayobozi b’ibihugu byombi mu kwihutisha umushinga wo kukibyaza Gaze Methane na Peteroli.

Popoul Ndamba Itwo uhagarariye itsinda ry’impuguke za Congo avuga ko bagiye kuva mu biganiro bashyira mu ngiro ibyo biyemeje bijyanye n’ubufatanye ku mahirwe ibihugu byombi bikura ku kiyaga cua Kivu.

Amahirwe yabyazwa Ikiyaga cya Kivu arashyirwamo ingufu mu gihe u Rwanda ruteganya kuzabona megawati 400 z’amashanyarazi zizava muri Ethiopia bitarenze mu mwaka wa 2017, kandi rwatangiye kureba uko rwabyaza ingufu nyiramugengeri yitezweho Megawatt 200.



 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Yatangiriye ku cyarahani none agiye gushinga uruganda rw’imyenda
Yatangiriye ku cyarahani none agiye gushinga uruganda rw’imyenda

Mukantwari Alvéra wo mu murenge wa Kagano mu karere ka Nyamasheke, ukorera imirimo y’ubudozi n’ububoshyi bw’imyenda n’imitako kuri site ya Rwesero ho mu karere ka Nyarugenge mu mujyi wa Kigali (...)

Rubavu:Barifuza isoko ryagutse ry’umusaruro w’ibirayi wabaye mwinshi
Rubavu:Barifuza isoko ryagutse ry’umusaruro w’ibirayi wabaye mwinshi

Bamwe mu bahinzi b’ibirayi mu murenge wa Bugeshi mu karere ka Rubavu, bavuga ko bahangayikishijwe n’ikibazo cy’isoko ry’umusaruro w’ibirayi ridahagije, kandi bejeje byinshi cyane. Aba bahinzi bavuga (...)

Ibiciro bya lisansi na mazutu byazamutse
Ibiciro bya lisansi na mazutu byazamutse

Ikigo cy’Igihugu gishinzwe kugenzura imikorere y’inzego zimwe z’imirimo ifitiye igihugu akamaro, RURA cyatangaje ibiciro bishya by’ibikomoka kuri peteroli biratangira kubahirizwa kuri uyu wa 4 (...)

Abaturage b’i Rusizi batewe inkeke n’igiciro cy’ibiribwa cyazamutse bikabije
Abaturage b’i Rusizi batewe inkeke n’igiciro cy’ibiribwa cyazamutse bikabije

Abatuye mu mirenge hafi ya yose igize ikibaya cya Bugarama bakomeje kuvuga ko izamuka ry’ibiciro by’ibiribwa rikabije, ndetse ubu rikaba rituma bamwe batabasha guhaha. Abaganiriye n’Imvaho Nshya (...)

Yahereye kuri  29 000 frws,  ubu yubatse inzu abamo n’izo akodesha
Yahereye kuri 29 000 frws, ubu yubatse inzu abamo n’izo akodesha

Kayitesi Sophia, umuturage utuye mu mujyi wa Kigali ku Kicukiro, yabashije kwiteza imbere ahereye ku mafaranga y’u Rwanda 29,000 none ubu ageze ku rwego rwo kubaka mu mujyi wa Kigali inzu ijyanye (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.