Advertisement
 
 
 
 
 
 
 
 

Ubukungu

Ihuriro TRTF rizakemura ibibazo mu bucuruzi hagati ya Tanzania n’u Rwanda   

  Yanditswe na GATETE JEAN BOSCO
 May 2016

 
 

Ihuriro rihuza abacuruzi b’u Rwanda na Tanzania, TRTF, rigiye gufasha gushakira ibisubizo ibibazo byari mu bucuruzi hagati y’ibi bihugu.

Ibi bibaye nyuma y’aho Perezida mushya wa Tanzania John Pombe Magufuli agiriye uruzinduko mu Rwanda.

Gashayija Nathan, umuyobozi mukuru ushinzwe ibikorwa muri Minisiteri y’Umuryango w’Afurika y’Iburasirazuba (MINEAC), avuga ko iryo huriro rigiye gushyiraho urubuga hagati y’abacuruzi b’ibihugu byombi bakicarana, umwe akabaza undi icyo bakorana.

Iri huriro rizanafasha mu gukuraho inzitizi zabonekaga mu gutinza imizigo mu nzira, ibintu bizafasha mu kwihutisha ubucuruzi kuko ibicuruzwa bizajya biva hanze ntibitware igihe cyo kugera kuri nyirabyo.

JPEG - 124.5 kb
Aha ni ku cyambu cya Dar es Salaam. Abacuruzi bifuza kuzaganira uburyo imizigo ihava yajya yihutishwa

Gashayija yizera ko inzitizi zizakurwaho, dore ko ngo umubare munini w’amakamyo ari uwo muri Tanzaniya, bityo nabo gukuraho inzitizi bikaba biri mu nyungu zabo n’u Rwanda. Yizera ko ubucuruzi n’ubufatanye hagati y’ibi bihugu biri mu muryango wa EAC buzateza imbere ubukungu bw’ibi bihugu.

Ibihugu byombi bigiye gushyiraho inyubako zifite agaciro k’amadolari ya Amerika miliyari 1.7 ku mupaka wa Rusumo zizafasha abakorera ubucuruzi hagati y’ibi bihugu kubona aho kurara heza, aho kuba, babona icyo kurya n’ibindi.
Uyu mushinga uzinjiza amafaranga atari make ubwo uzaba watangiye. Gashayija avuga ko mu mwaka wa 2015 amafaranga angana na miliyoni 438 z’amadolari ari yo yavuye mu bucuruzi bwakozwe hagati y’ibihugu byombi.

Seka Fred wungirije umuyobozi mukuru wa FEAFFA, Impuzamashyirahamwe y’Abunganira Abasora bijyanye na za Gasutamo, avuga ko bakangurira Abanyarwanda kubyaza umusaruro amahirwe ari hagati y’ibihugu byombi bakoresha icyambu cya Dar es Salaam, cyane ko kugeza ubu ari icyambu kidahenda.

Umuyobozi Mukuru w’Urugaga nyarwanda rw’Abikorera, Stephen Ruzibiza, we asanga TRTF nk’ihuriro rizafasha cyane kuko ngo bagiye kuzana ibiro mu Rwanda hagamijwe korohereza abacuruzi gutumiza ibicuruzwa byabo.

Ahamya ko kuba umupaka wa Rusumo waratangiye gukora amasaha 24/24 bizagira uruhare mu kwinjiriza igihugu.

Yijeje Abakora ubucuruzi ko urugaga rwabo rushishikajwe no kubafasha hagamijwe ko inzitizi zibabangamira mu bucuruzi bwabo zikurwaho. Ihuriro ry’abakora ubucuruzi ku mpande z’ibihugu by’u Rwanda na Tanzaniya, rizahurira i Kigali mu nama iteganijwe ku ya 20 Gicurasi 2016.

 

Comments

 
 
Ngoma:Yatejwe imbere n’umwuga w’ubucuzi amazemo  imyaka 13
Ngoma:Yatejwe imbere n’umwuga w’ubucuzi amazemo imyaka 13

Habimana Déogratias utuye mu kagari ka Karama, umurenge wa Kazo mu karere ka Ngoma, avuga ko umwuga w’ubucuzi amaze imyaka igera kuri 13 akora umutungiye umuryango, kandi akaba amaze kuwukuramo (...)

Rubavu: Barishimira ko karoti zari zabahombanye zabonye isoko mu mahanga
Rubavu: Barishimira ko karoti zari zabahombanye zabonye isoko mu mahanga

Abahinzi ba karoti bo mu murenge wa Kanzenze mu karere ka Rubavu barishimira ko umusaruro wabo ubu noneho wabonye isoko, nyuma y’uko karoti zabo zari zarabahombanye, aho umufuka waguraga ibihumbi (...)

Ngoma: Umusaruro w’ibishyimbo n’ibigori waragabanutse
Ngoma: Umusaruro w’ibishyimbo n’ibigori waragabanutse

Ubuyobozi bwa Koperative Rebakure Munyamurama_KOREMU, ikorera ubuhinzi bw’ibigori n’ibishyimbo kuri hegitari 400 mu murenge wa Murama buratangaza ko igihembwe cy’ihinga cya 2017A kitababereye kiza, (...)

 RAB irasaba abahinzi gucika ku birayi bya ’Peko’ bagahinga ibiryoshye
RAB irasaba abahinzi gucika ku birayi bya ’Peko’ bagahinga ibiryoshye

Abacuruzi bacuruza ibirayi mu masoko atandukanye yo mu karere ka Rubavu bavuga ko babangamiwe n’ikibazo cy’ibirayi byitwa Peko bikomeje kubatera igihombo, kuko abakiriya babigura nyuma (...)

Kicukiro: Hatangiye kubakwa  umudugudu ufite agaciro kagera kuri Miliyari 5
Kicukiro: Hatangiye kubakwa umudugudu ufite agaciro kagera kuri Miliyari 5

Akarere ka Kicukiro katangije ku mugaragaro igikorwa cyo kubaka umudugudu w’icyitegererezo (IDP Model Village) uzatuzwamo abakuwe mu manegeka ufite agaciro kagera kuri miliyari eshanu z’amafaranga (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.