2017-10-20 08:47:26 clouds 27o High | Kigali Rwanda

Dukurikire:
 
 

Igiciro cyo gusura ingagi muri Parike y’Ibirunga cyikubye kabiri

Yanditswe na IMVAHO NSHYA

Kuya 2017-05-07 13:51:11

 
Share on:
 
Yasuwe:420
 
Yavuzweho:200
 
10
 
10

Ikigo cy’Igihugu cy’Iterambere, RDB, cyatangaje ko igiciro cyo gusura ingagi muri parike y’Ibirunga cyavuye ku madorali 750 kikajya ku 1500 ku bakerarugendo bose, guhera ku wa 6 Gicurasi 2017.

Abakerarugendo bazajya babasha gusura umuryango w’ingagi wose ku madorali 15 000 banahabwe ubufasha bwihariye.

Itangazo RDB yashyize ahagaragara ku wa 6 Gicurasi 2017, rivuga ko ibi biciro bitareba abamaze kugura amatike, kandi ko abakerarugendo bazasura ingagi bagashaka no gusura izindi parike z’u Rwanda nka Nyungwe na Akagera bazagabanyirizwa ku kigero cya 30%.

PNG - 1009.8 kb
Ingagi ni zo nyamaswa zinjiriza u Rwanda amadovize menshi

Naho abaje mu nama bakifuza gusura ingagi nyuma y’amatariki yagenwe bazagabanyirizwa 15%.

Umuyobozi wa RDB, Clare Akamanzi yavuze ko bazamuye ibiciro kugira ngo bongere ingufu mu kubungabunga ibinyabuzima n’ibidukikije no kuzamura imibereho y’abaturage baturiye parike y’Ibirunga, dore ko ibyabagenerwaga byavuye kuri 5% y’inyungu bikagera ku 10%.

Yagize ati “Twazamuye ibiciro kugira ngo dusigasire gahunda zo kubungabunga ibinyabuzima ku buryo burambye kandi gahunda z’iterambere ry’abaturiye parike zibone inkunga nabo ubwabo bahabwe ubufasha mu nzahurabukungu.”

Ku Isi hasigaye ingagi 880 gusa ku buryo impuguke zihamya ko hatagize igikorwa izi nyamaswa zakwibagirana burundu. Inyinshi mu zisigaye zibarizwa mu Birunga aho 62% zitabwaho na leta y’u Rwanda .

Kugeza ubu hari imiryango 20 y’ingagi zisurwa n’abakerarugendo banyuze mu Rwanda mu gihe hari icyenda gusa mu 2010.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE