2017-05-23 15:35:04 clouds 27o High | Kigali Rwanda

Dukurikire:
 
 

Icyegeranyo: U Rwanda rwanikiye ibindi bihugu bya Afurika ku muvuduko w’iterambere

Yanditswe na IMVAHO NSHYA

Kuya 2016-06-03 05:40:27

 
Share on:
 
Yasuwe:0
 
Yavuzweho:200
 
10
 
10

Icyegeranyo cy’Ikigo cyo mu Bwongereza, Legatum Institute, cyagaragaje ko u Rwanda ruri mu bihugu byateye imbere cyane kurusha ibindi muri Afurika muri 2016.

Icyo cyegeranyo gikorwa hagendewe ku izamuka ry’imibereho y’abaturage, uburezi, imiyoborere , ubuzima, n’ibindi.

Muri Afurika, u Rwanda rwaje ku mwanya wa kane mu kugira ubukungu bwiyongera cyane, ku wa gatatu mu miyoborere, mu iterambere ry’ubuzima ruza ku wa gatandatu, naho muri rusange ruza ku wa 8.

Ibihugu bitera imbere kurusha ibindi ni Afurika y’Epfo, Botswana na Morocco. Muri Afurika y’Uburasirazuba, Rwanda ruza ku mwanya wa mbere.

JPEG - 310.7 kb
Iterambere ry’u Rwanda mu myaka 22 ishize ryatangaje amahanga

Legatum Institute ivuga u Rwanda ruri mu kiciro cy’ibihugu byinjiza amafaranga make ariko bikagira imikorere myiza.

Abakoze icyo cyegeranyo bagize bati” U Rwanda rushobora kuba ari rwo rufite amateka y’ivugurura rikomeye ku mugabane , rwavuye ku kuba igihugu gikennye cyane kubera Jenoside, none ubu ni cyo gihugu cya 8 gitera imbere cyane muri Afurika.”

Bashimye uburyo u Rwanda rwakoze amavugurura mu bigo bya leta, rukegereza ubuyobozi abaturage, rukoroshya ishoramari.

Bati” Leta y’u Rwanda yakoze ivugurura rikomeye, yegereza ubuyobozi abaturage, ikora impinduka mu bucuruzi, ndetse yongerera ingufu inzego zose zayo. U Rwanda ruri ku mwanya wa gatatu mu kugira imiyoborere myiza muri Afurika. Ni intangarugero mu kugendera ku mategeko, kwita ku baturage no kugenzura ibintu bikagendera ku murongo.”

Legatum Institute ni ikigo mpuzamahanga cy’ubushakashatsi kibanda ku iterambere.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE