Advertisement
 
 
 
 
 
 
 
 

Ubukungu

Icyegeranyo: U Rwanda rwaje mu bihugu 10 bya Afurika bikurura abashoramari   

  Yanditswe na
 May 2016

 
 

U Rwanda rwashyizwe mu bihugu 10 bikurura abashoramari kurusha ibindi mu cyegeranyo ku ishoramari muri Afurika cyakozwe n’ikigo cy’ubushakashatsi n’ibaruramari cyitwa Ernst &Young (EY).

Muri icyo cyegeranyo u Rwanda rwaje ku mwanya wa 9 nyuma ya Afurika y’Epfo , Morocco, Misiri, Kenya, Mauritius, Ghana, Botswana na Tuniziya.

Muri Afurika y’Uburasirazuba, Kenya iza ku mwanya wa mbere igakurikirwa n’u Rwanda , Tanzania (12) na Uganda (13).

JPEG - 310.7 kb
U Rwanda rukomeje gutera imbere mu ishoramari

Icyo cyegeranyo cyagendeye ku iterambere mu miyoborere, ibikorwa remezo, korohereza ishoramari, iterambere ry’imibereho n’uburyo ibihugu bihangana n’imbogamizi zishingiye ku bukungu.

U Rwanda na Mauritius bihuriye ku kuba ari ibihugu bito ariko byateye imbere cyane mu korohereza ishoramari, iterambere ry’imibereho y’abaturage no gucunga neza umutungo.

Tanzania na Uganda byaje imbere mu kugira ubukungu bwihagije ariko icyegeranyo kivuga ko bikiri hasi mu zindi ntego z’igihe kirekire.

Naho Afurika y’Epfo, ari nacyo gihugu gikize kurusha ibindi ku mugabane, yaje imbere mu miyoborere, ibikorwa remezo, korohereza ishoramari n’iterambere ry’imibereho y’abaturage.

Icyegeranyo cya Ernst & Young cyanerekanye ko Afurika ari kamwe mu duce ku Isi kerekanye iterambere mu ishoramari ry’abanyamahanga mu mwaka wa 2015.

Nigeria na Angola byagargaje gusubira inyuma mu bukungu kubera imanuka ry’ibiciro bya peteroli.

U Rwanda, Kenya na Tanzania byo biri mu bihugu 17 bya Afurika yo munsi y’ubutayu bwa Sahara byitezweho gutera imbere ku kigero kiri hejuru ya 5% muri 2016.

 

Comments

 
 
Abanyamahanga bashoye imari mu Rwanda  baravuga imyato Perezida Kagame
Abanyamahanga bashoye imari mu Rwanda baravuga imyato Perezida Kagame

Bamwe mu bashoramari b’Abanyamahanga bakorera ubucuruzi mu Rwanda kuri bo Perezida Kagame arenze kuba Perezida ahubwo ni n’umuhanga mu guhanga u Rwanda rugezweho. Atma Prakash ni umwe mu bayobozi (...)

Musanze:Ibigori bari bitezeho umusaruro ushimishije byibasiwe na Nkongwa
Musanze:Ibigori bari bitezeho umusaruro ushimishije byibasiwe na Nkongwa

Abaturage bakora umwuga w’ubuhinzi bo mu mirenge imwe n’imwe yo mu karere ka Musanze, baravuga ko bahangayikishijwe n’uko batazabona umusaruro uhagije w’ibigori muri iki gihembwe cy’ihinga A 2017, (...)

Mukahigiro yubatse inzu ebyiri z’ubucuruzi abikesheje kudoda inkweto
Mukahigiro yubatse inzu ebyiri z’ubucuruzi abikesheje kudoda inkweto

Mukahigiro Pascasie utuye mu kagari ka Gasovu, mu murenge wa Karambi mu karere ka Nyamasheke, avuga ko amaze kugera kuri byinshi abikesheje ubudozi bw’inkweto. Uyu mugore w’imyaka 45 avuga ko (...)

 Akarere ka Musanze  kazakoresha miliyoni 18 ku muyoboro w’amazi wa Rukore
Akarere ka Musanze kazakoresha miliyoni 18 ku muyoboro w’amazi wa Rukore

Ubuyobozi bw’Akarere ka Musanze buravuga ko bwateganyije amafaranga miliyoni 18, azifashishwa mu mushinga wo gusana umuyoboro w’amazi wa Rukore uri mu murenge wa Muko na Nkotsi, umaze imyaka 2 (...)

Abanyenganda b’i Huye baracyafite imbogamizi mu kwimukira muri zone yagenewe inganda
Abanyenganda b’i Huye baracyafite imbogamizi mu kwimukira muri zone yagenewe inganda

Mu gace kagenewe inganda mu kagari ka Sovu mu murenge wa Huye mu karere ka Huye, usanga hataritabirwa cyane ngo hakorerwe ibyo hagenewe, kuba nta bikorwaremezo birahagezwa n’ibibanza bihenze (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.