2017-07-23 11:30:24 clouds 27o High | Kigali Rwanda

Dukurikire:
 
 

Ibihugu bigize EAC bigeze kure byitegura kubaka uruganda rukora imodoka

Yanditswe na IMVAHO NSHYA

Kuya 2016-10-27 09:11:53

 
Share on:
 
Yasuwe:10
 
Yavuzweho:200
 
10
 
10

Umuryango w’Ibihugu bya Afurika y’Uburasirazuba, EAC, watangiye kwiga uko hatangizwa uruganda rukora imodoka rwa mbere mu karere.

Nyuma y’icyifuzo cyatanzwe n’abakuru b’ibihugu, abahanga bavuye mu nganda zikora imodoka n’abo mu rwego rw’imari n’ubucuruzi bavuye mu bihugu muri EAC, bamaze iminsi itatu muri Kenya baganira uko urwo ruganda rwatangizwa.

Muri iyo nama yateguwe ku bufatanye n’Ikigo cy’Ubufatanye Mpuzamahanga cy’u Buyapani, JICA, barebeye hamwe icyegeranyo cyerekana inyigo ku ruganda rw’imodoka.

JPEG - 115.2 kb
u\Uruganda rukora imodoka ruzagira uruhare mu kongera ubukungu

Ubunyamabanga bukuru bwa EAC buvuga ko inama zinyuranye z’abakuru b’ibihugu bya EAC zakunze gushyira imbere ko habaho uruganda ruteranya imodoka mu karere bitewe n’amahirwe ahari muri uru rwego.

Inama isanzwe ya 16 y’Abakuru b’Ibihugu yabaye ku wa 20 Gashyantare 2015, yasabye inama y’Abaminisitiri kwiga ibikenewe kugira ngo imodoka zitangire guteranyirizwa mu karere, ndetse hatangizwe gahunda zirimo no kuba imisoro ku modoka zigurwa hanze ya EAC izamurwa.

Umuyobozi ushizwe urwego rw’umusaruro n’imibereho mu bunyamabanga bukuru bwa EAC, Jean Baptiste Havugimana, avuga ko ubwikorezi bwo mu muhanda bufatiye runini akarere ka EAC bitewe n’imiterere yako.

Havugimana avuga ko EAC yafashe icyemezo cyo gushora imari mu ruganda rukora imodoka nk’uburyo bwo kugira inganda nyinshi kandi zikora ibintu bitandukanye abaturage bakeneye. Yavuze ko urwo ruganda zatanga imirimo myinshi, kandi rukagabanya igiciro cy’ubwikorezi.

Kuri ubu ubunyamabanga bwa EAC bwashyizeho itsinda ryo kwihutisha imirimo y’inyigo no kugaragaza ibikenewe kugira ngo uru ruganda rube rwatangira.

Uru ruganda ruzubakwa ku nkunga ya tekinike ya Guverinoma y’Ubuyapani binyuze mu kigo cya JICA. Urundi ruganda rusa nk’urwo rwenda gutangizwa n’ikigo cyo mu Budage, Volkswagen muri Kenya.

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE