Advertisement
 
 
 
 
 
 
 
 

Ubukungu

Ibiciro byiyongereyeho 5.5 % ku masoko yo mu Rwanda   

  Yanditswe na MUGABO LAMBERT
 4 months ago

 
 

Ikigo cy’Igihugu cy’Ibarurishamibare, NISR, cyatangaje ko ibiciro byo ku masoko yo mu Rwanda byiyongereyeho 5.5% muri kwezi gushize kwa Kamena, mu gihe muri Gicurasi byari byiyongereyeho 4.6%.

NISR ivuga ko ko ibiciro mu mijyi byiyongereyeho 5.5% mu kwezi gushize kwa Kamena 2016 ugereranyije na Kamena 2015.

Bimwe mu byatumye ibiciro bizamukaho 5.5% mu kwezi kwa Kamena, ni ibiciro by’ibiribwa n’ibinyobwa bidasembuye byazamutseho 9.4%, ibiciro by’inzu, amazi, amashanyarazi, gazi n’ibindi bicanwa byazamutseho 2.9% n’ibiciro by’ibijyanye n’ubwikorezi byazamutseho 7.0%.’

Iyo ugereranyijwe Kamena 2016 na Kamena 2015, usanga ibiciro by’ibintu bitarimo ibiribwa n’ibikomoka ku ngufu byarazamutseho 4.2%. Wagereranya Kamena 2016 na Gicurasi 2016, ibiciro byazamutseho 0.9%.

JPEG - 73.7 kb
Ibiciro by’ibiribwa n’ibinyobwa bidasembuye byazamutseho 9.4%

Iri zamuka ryatewe n’ibiciro by’ibiribwa n’ibinyobwa bidasembuye byazamutseho 1.9%, ibiciro by’itumanaho byazamutseho 6.4% n’ibiciro by’ibijyanye n’ubwikorezi byazamutseho 0.6%.

Ibiciro mu byaro byazamutseho 6.7%
Ibiciro mu byaro mu kwezi gushize byiyongereyeho 6.7% ugereranyije na Kamena 2015. Ni mu gihe ihinduka ry’ibiciro mu byaro muri Gicurasi 2016 ryari ku kigereranyo cya 4.3%.

NISR isobanura ko iri zamuka ryo mu cyaro ryatewe n’ibiciro by’ibiribwa n’ibinyobwa bidasembuye byazamutseho 10.7%, ibiciro by’inzu, amazi, amashanyarazi, gazi n’ibindi bicanwa byazamutseho 2.0% n’ibiciro by’ibinyobwa bisembuye n’itabi byazamutseho 6.9%.

Hagereranyijwe Kamena 2016 na Gicurasi 2016, ibiciro byazamutseho 1.1%. Iri zamuka ahanini ryatewe n’izamuka ry’ibiciro by’ibiribwa n’ibinyobwa bidasembuye byazamutseho 2.2%.

Ibiciro bikomatanyirijwe hamwe

Ibiciro bikomatanyirijwe hamwe (mu mijyi no mu byaro), mu kwezi gushize kwa Kamena 2016 ibiciro mu Rwanda byiyongereyeho 6.3% ugereranyije na Kamena 2015 naho muri Gicurasi 2016 byari byiyongereyeho 4.4%.

Bimwe mu byatumye ibiciro byiyongeraho 6.3% mu kwezi kwa Kamena 2016, ni ibiciro by’ibiribwa n’ibinyobwa bidasembuye byazamutseho 10.4%, ibiciro by’inzu, amazi, amashanyarazi, gazi n’ibindi bicanwa byazamutseho 2.4% n’ibiciro by’ibijyanye n’ubwikorezi byazamutseho 5.0%.

Iyo ugereranyije ukwezi kwa Kamena 2016 n’ukwezi kwa Gicurasi 2016, ibiciro byazamutseho 1.0%. Iri zamuka ahanini ryatewe n’izamuka ry’ibiciro by’ibiribwa n’ibinyobwa bidasembuye byazamutseho 2.1%.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Hafashwe toni 7 za caguwa zinjizwaga mu Rwanda ari magendu
Hafashwe toni 7 za caguwa zinjizwaga mu Rwanda ari magendu

Ishami rya Polisi y’u Rwanda rishinzwe kurwanya magendu n’inyerezwa ry’imisoro (RPU), rifatanyije n’ikigo cy’igihugu cy’imisoro n’amahooro (RRA), bataye muri yombi abantu 3 bakekwaho kwinjiza ibiro (...)

Abavuzi gakondo bagiye gushinga uruganda rw’imiti na banki
Abavuzi gakondo bagiye gushinga uruganda rw’imiti na banki

Abavuzi bo mu Rwanda no mu bindi bihugu bya Afurika y’Uburasirazuba, bibumbiye mu Muryango Mugari w’Abavuzi Gakondo, UMUAGA, batangiye kwiga ku mishinga ikomeye y’igihe kirekire irimo ibitaro (...)

Nyamagabe: Umudozi yasabiwe guhuzwa n’Abashinwa bakora imyenda
Nyamagabe: Umudozi yasabiwe guhuzwa n’Abashinwa bakora imyenda

Minisitiri w’Abakozi ba Leta n’Umurimo Uwizeye Judith, yasabye ubuyobozi bw’Akarere ka Nyamagabe gukorana na Minisiteri y’Ubucuruzi n’Inganda gufasha umudozi wahangiye imirimo abaturage benshi muri (...)

Abanyarwanda 920 bamaze kwizigama by’igihe kirekire asaga miliyari
Abanyarwanda 920 bamaze kwizigama by’igihe kirekire asaga miliyari

Ikigo gishinzwe Ibigega by’Umugabane ku Ishoramari (RNIT Iterambere Fund) cyatangaje ko Abanyarwanda 920 ari bo bashoye imari mu igurisha rya mbere bizigama by’igihe kirekire amafaranga y’u Rwanda (...)

Ukwakira 2016: Ibiciro mu mijyi y’u Rwanda byiyongereyeho 7.4%
Ukwakira 2016: Ibiciro mu mijyi y’u Rwanda byiyongereyeho 7.4%

Ikigo cy’Igihugu gishinzwe ibarurishamibare mu Rwanda (NISR) cyatangaje ko igipimo cy’ihindagurika ry’ibiciro mu kwezi kw’Ukwakira 2016 cyagaragaje ko ibiciro mu mijyi Ibiciro mu mijyi (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.