Advertisement
 
 
 
 
 
 
 
 

Ubukungu

Huye: Imitungo ya miliyoni 39 yakongokeye mu gakiriro irasabirwa indishyi   

  Yanditswe na UMUTONI BEATHA
 July 2016

 
 

Abakoreraga mu gakiriro bafite ibikoresho byatikiriye mu nkongi y’umuriro yafashe igice cy’agakiriro ka Huye gaherereye i Sovu, barasaba ikigo cy’igihugu gishinzwe gukwirakwiza amashanyarazi kubishyura ibyangiritse.

Iyi kongi y’umuriro yabaye mu saa munani z’ijoro ryo ku cyumweru rishyira ku wa Mbere, itikiza ibintu bifite agaciro ka miliyoni zirenga mirongo ine.

Mu byahiye harimo imbaho, imashini zibaza n’ibikoresho byo mu nzu byari bimaze kuzura bitegereje ko ba nyirabyo baza kubitwara, byinshi muri byo bikaba ari iby’uwitwa Nicyoribera Gilbert.

Nicyoribera yagize ati “Abari bahari bavuze ko byaturutse muri kashi pawa, bisobanuye ko ibyacu byangiritse byaturutse ku mashanyarazi, nkanjye ibyangiritse 95% ni ibyanjye, ni amafaranga ya banki nakoreshaga.”

JPEG - 120.8 kb
Mu gakiriro ka Huye hangirikiyemo imashini zifite agaciro karenga miliyoni 40 (Foto Umutoni B)

Ubu mu minsi mike iraba insaba kuyishyura, yewe hari n’abakiliya nari mfitiye ibikoresho, ibyo byose rero byakongotse, imashini zanjye zose zahiye, ikigo rero gishinzwe gukwirakwiza amashanyarazi cyagombye kudufasha kikatwishyura ibyacu byangiritse.”

Uretse kandi no kuba aba baturage bakoreraga aha hahiye bemeza ko iyi nkongi yaturutse ku muriro w’amashanyarazi, ngo n’ubundi aha hahiye hari hamaze guhindurirwa n’iki kigo kashi pawa ubugira gatatu, kuko ngo izindi zabaga zangiritse zigashya.

Ku ruhande rw’Ikigo gishinzwe gukwirakwiza amashanyarazi, Gasigwa Landfried, waje gukurikirana iki kibazo, n’ubwo nta genzura bari bakora, ntiyemera ko iyi nkongi yatewe n’amashanyarazi.

Yagize ati “Ntabwo navuga aka kanya ko ibi byatewe n’umuriro w’amashanyarazi kuko bisaba igenzura n’iperereza rihamye, ni cyo turimo gukora rero ngo tumenye icyabiteye. Aka kanya rero ntabwo twabyemeza ko iyi nkongi yaturutse ku muriro w’amashanyarazi.”

Yaba koperative y’inkeragutabara ikorera muri aka gakiriro nayo ifite ibintu byangiritse, n’abandi bahakorera imirimo itandukanye ndetse n’uyu mugabo wangirijwe ibintu byinshi, nta bwishingizi bari bafite.

Kayiranga Muzuka Eugene, Umuyobozi w’Akarere ka Huye, asaba abaturage ko bakwitabira kujya bashyira mu bwishingizi ibyabo, ariko kandi akanasaba REG ko yakora iperereza neza kandi igashingira ku makuru yagiye atangwa n’abari bahari, bityo ababuze ibyabo bakaba bakwishyurwa.

Imashini za Nicyoribera zangirikiye muri iyi nkongi zigera ku icumi, avuga ko zo zonyine zifite agaciro gasaga miliyoni mirongo ine.

 

Comments

 
 
Mukahigiro yubatse inzu ebyiri z’ubucuruzi abikesheje kudoda inkweto
Mukahigiro yubatse inzu ebyiri z’ubucuruzi abikesheje kudoda inkweto

Mukahigiro Pascasie utuye mu kagari ka Gasovu, mu murenge wa Karambi mu karere ka Nyamasheke, avuga ko amaze kugera kuri byinshi abikesheje ubudozi bw’inkweto. Uyu mugore w’imyaka 45 avuga ko (...)

 Akarere ka Musanze  kazakoresha miliyoni 18 ku muyoboro w’amazi wa Rukore
Akarere ka Musanze kazakoresha miliyoni 18 ku muyoboro w’amazi wa Rukore

Ubuyobozi bw’Akarere ka Musanze buravuga ko bwateganyije amafaranga miliyoni 18, azifashishwa mu mushinga wo gusana umuyoboro w’amazi wa Rukore uri mu murenge wa Muko na Nkotsi, umaze imyaka 2 (...)

Abanyenganda b’i Huye baracyafite imbogamizi mu kwimukira muri zone yagenewe inganda
Abanyenganda b’i Huye baracyafite imbogamizi mu kwimukira muri zone yagenewe inganda

Mu gace kagenewe inganda mu kagari ka Sovu mu murenge wa Huye mu karere ka Huye, usanga hataritabirwa cyane ngo hakorerwe ibyo hagenewe, kuba nta bikorwaremezo birahagezwa n’ibibanza bihenze (...)

Kirehe: Umukobwa agiye gushinga uruganda ruzohereza inyama z’ingurube mu mahanga
Kirehe: Umukobwa agiye gushinga uruganda ruzohereza inyama z’ingurube mu mahanga

Umukobwa witwa Umubyeyi Aimée Laetitia, utuye mu karere ka Kirehe, umurenge wa Kigina, avuga ko ateganya gukora uruganda rutunganya inyama z’ingurube, ahereye ku bworozi bw’ingurube akora, (...)

Abahinzi bo muri Kigali basabwe guhaza isoko ry’imboga
Abahinzi bo muri Kigali basabwe guhaza isoko ry’imboga

Abaturage bakorera ubuhinzi mu bishanga by’akarere ka Kicukiro basabwe gushyira imbaraga mu kongera umusaruro w’imboga bagahaza isoko ryo mu Rwanda hagamijwe kugabanya amadevize asohoka igihugu (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.