Advertisement
 
 
 
 
 
 
 
 

Ubukungu

Hafashwe toni 7 za caguwa zinjizwaga mu Rwanda ari magendu   

  Yanditswe na RNP
 2 months ago

 
 

Ishami rya Polisi y’u Rwanda rishinzwe kurwanya magendu n’inyerezwa ry’imisoro (RPU), rifatanyije n’ikigo cy’igihugu cy’imisoro n’amahooro (RRA), bataye muri yombi abantu 3 bakekwaho kwinjiza ibiro 7,228 by’imyenda ya caguwa mu Rwanda bayikuye mu bihugu birukikije.

Aba bakekwa ni Nisingizwe Conorath, Bimenyimana Eric na Munyampeta Claude, ejo bakaba bareretswe itangazamakuru ku cyicaro cy’ Ishami rya Polisi y’u Rwanda rishinzwe kurwanya magendu n’inyerezwa ry’imisoro (RPU), bose bakaba bariyemereye ko bakoraga ibyo bikorwa.

Umuvugizi wa Polisi mu mujyi wa Kigali Superintendent of Police (SP) Emmanuel Hitayezu, yavuze ko muri izo toni 7 zafashwe, 2,5 muri zo zafatiwe mu muhanda ujya i Kigali ziva muri Repubulika iharanira Demukarasi ya Congo (DRC), mu gihe andi mabaro y’imyenda yinjizwaga mu buryo bwa magendu yafatiwe mu bice bitandukanye by’igihugu, ubu akaba agikorwaho iperereza.

JPEG - 91.1 kb
Imizingo y’imyenda yafashwe yinjizwa mu Rwanda mu buryo bwa magendu

Yanihanangirije abantu bishora mu bikorwa nk’ibi aho yavuze ati:”Tuzi neza ko muri iyi minsi y’impera z’umwaka abantu benshi bakunda kwishora mu bikorwa nk’ibi bitemewe n’amategeko, ndetse ni nayo mpamvu twongereye imikwabu yacu, tukaba tunibutsa abandi bashaka kubyishoramo ko bazafatwa bagahanwa hakurikijwe amategeko.”

Yakomje avuga ati:”Abantu nk’aba bafatirwa mu mikwabu yacu kuko tuba dufite amakuru afatika tuba twahawe n’abaturage, kuko bamaze gucengerwa n’akamaro ko gutangira amakuru ku gihe.Iyi mikwabu tuyikora kugirango hatagira imisoro inyerezwa, ibyo dufashe tubimenyesha ikigo cy’igihugu cy’imisoro n’amahooro, nacyo kikemeza amande agomba gucibwa ababifatiwemo.”

Umwe mu bafashwe witwa Nisingizwe, yemeye ko yafatanywe amabaro 29 y’imyenda ya caguwa, akaba yaravuze ati:”Nifashishije umuntu wo muri Congo urangura imyenda amfasha kuyikura Goma ayigeza Rubavu, ayambutsa akoresheje ubwato bwe, hanyuma maze kuyifata nanjye nyizanira nyirayo i Kigali. Ni ubwa mbere nari nkoze ibi ari nabwo Polisi y’u Rwanda yamfashe ngeze mu karere ka Musanze nyijyanye i Kigali.

Umuyobozi mukuru wungirije w’ishami rishinzwe kurwanya magendu mu kigo cy’igihugu gishinzwe imisoro n’amahooro (RRA) Mugabe Robert, yavuze ko izi toni 2,5 zafashwe zagombaga gusora imisoro ifite agaciro gafite hafi ya miliyoni 10 z’amafaranga y’u Rwanda.

Mugabe yaravuze ati:” Ibikorwa nk’ibi bigira ingaruka ku bukungu bw’igihugu, kandi ubukungu bw’igihugu iyo buhungabanye na wa muntu unyereza imisoro bimugiraho ingaruka, ikaba ariyo mpamvu dusaba abantu gukora ubucuruzi bwemewe.”

Ingingo ya 369 yo mu gitabo cy’amategeko ahana ibyaha mu Rwanda, ivuga ko umusoreshwa wanyereje umusoro ahanishwa igifungo kuva ku mezi atatu (3), ariko kitageze ku mezi atandatu (6), n’ihazabu ihwanye n’umusoro yanyereje.

 

Comments

 
 
Ngoma:Yatejwe imbere n’umwuga w’ubucuzi amazemo  imyaka 13
Ngoma:Yatejwe imbere n’umwuga w’ubucuzi amazemo imyaka 13

Habimana Déogratias utuye mu kagari ka Karama, umurenge wa Kazo mu karere ka Ngoma, avuga ko umwuga w’ubucuzi amaze imyaka igera kuri 13 akora umutungiye umuryango, kandi akaba amaze kuwukuramo (...)

Rubavu: Barishimira ko karoti zari zabahombanye zabonye isoko mu mahanga
Rubavu: Barishimira ko karoti zari zabahombanye zabonye isoko mu mahanga

Abahinzi ba karoti bo mu murenge wa Kanzenze mu karere ka Rubavu barishimira ko umusaruro wabo ubu noneho wabonye isoko, nyuma y’uko karoti zabo zari zarabahombanye, aho umufuka waguraga ibihumbi (...)

Ngoma: Umusaruro w’ibishyimbo n’ibigori waragabanutse
Ngoma: Umusaruro w’ibishyimbo n’ibigori waragabanutse

Ubuyobozi bwa Koperative Rebakure Munyamurama_KOREMU, ikorera ubuhinzi bw’ibigori n’ibishyimbo kuri hegitari 400 mu murenge wa Murama buratangaza ko igihembwe cy’ihinga cya 2017A kitababereye kiza, (...)

 RAB irasaba abahinzi gucika ku birayi bya ’Peko’ bagahinga ibiryoshye
RAB irasaba abahinzi gucika ku birayi bya ’Peko’ bagahinga ibiryoshye

Abacuruzi bacuruza ibirayi mu masoko atandukanye yo mu karere ka Rubavu bavuga ko babangamiwe n’ikibazo cy’ibirayi byitwa Peko bikomeje kubatera igihombo, kuko abakiriya babigura nyuma (...)

Kicukiro: Hatangiye kubakwa  umudugudu ufite agaciro kagera kuri Miliyari 5
Kicukiro: Hatangiye kubakwa umudugudu ufite agaciro kagera kuri Miliyari 5

Akarere ka Kicukiro katangije ku mugaragaro igikorwa cyo kubaka umudugudu w’icyitegererezo (IDP Model Village) uzatuzwamo abakuwe mu manegeka ufite agaciro kagera kuri miliyari eshanu z’amafaranga (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.