Advertisement
 
 
 
 
 
 
 
 

Ubukungu

Gusoresha abayede si amarorerwa - RRA   

  Yanditswe na NIYONSENGA SCHADRACK
 4 months ago

 
 

Ikigo cy’Igihugu cy’Imisoro n’Amahoro, RRA, kiratangaza ko gusoresha abafasha mu bwubatsi bazwi nk’ “Abayede” atari ukwambura abatishoboye kuko hazasoreshwa abafite umushahara uhagije batajyaga basorera.

Mu ijambo Komiseri Mukuru wa RRA, Richard Tushabe yavugiye mu ntara y’Amajyaruguru mu karere ka Gicumbi ku munsi wagenewe abasora ku wa kabiri ku ya 2 Kanama 2016, yavuze ko hari abayede bashobora kuba binjiza amafaranga menshi kurenza ayo bamwe mu bakozi ba Leta nk’abarimu binjiza ku buryo kubaka umusoro bitabangamye nk’uko bamwe babitekereza.

Yagize ati “Umuyede ashobora kuba ahembwa ibihumbi bitatu ku munsi, uribaza ku kwezi yinjiza angahe? Bitewe n’ishansiye (chantier) akoraho, muri bo harimo abahembwa neza kurusha na mwarimu kandi mwarimu arasora.”

JPEG - 332.2 kb
Komiseri Mukuru wa RRA Tushabe Richard (Foto James R)

Gusoresha abafundi n’abayede basanzwe bafatwa nka banyakabyizi bije nyuma y’aho RRA ivumburiye ko ubwubatsi, amahoteli, resitora n’utubari mu Rwanda biri imbere mu kwinjiza amafaranga menshi ariko bikaba inyuma y’izindi nzego mu kwinjiza imisoro.

Komiseri Tushabe yamaze impungenge abayede ko atari bose bazasoreshwa.

Ati “Biriya mwumvise ngo tugiye kujya dusoresha abayede na byo bikwiye kumvikana neza, si abayede bose tuzasoresha ahubwo bizaterwa n’amafaranga ahembwa, tuzakorana na ba nyir’ukubakisha inzu ni bo bazajya bamenya uko umukozi wabo ahembwa kuva inzu itangiye. Niba ari umukozi winjiza amafaranga agera ku bihumbi 30 nta mpamvu yo kudatanga 15% nk’abandi basoreshwa”

RRA irasabwa kongera umubare w’Imisoro

Minisitiri w’Ubutabera akanaba Intumwa Nkuru ya Leta Johnston Busingye nawe yavuze ko gutanga umusoro bikwiye kuba intego ya buri Munyarwanda wese mu rwego rwo kubaka igihugu, asaba RRA gukomeza gukora ibishoboka byose ikongera abasora.

Ati“Ntabwo ishema ry’Umunyarwanda ari ukuba mu cyiciro cya mbere cy’ubudehe ahubwo ishema ni ugutanga umusoro, nanjye ubu uko ngana sinari nasaba inyemezabwishyu maze kugura ariko mureke tubigire umuco, RRA turayisaba gukomeza kongera abasora no kugubita akanyafu abagaragayeho uburiganya.”

Muri uyu mwaka w’ingengo y’imari ya 2016-2017, RRA irateganya kwinjiza miliyari 1000 na miliyoni 84 z’amafaranga y’u Rwanda.Iki kigo kivuga ko gishobora gusoza 2016 gikusanyije miliyari zigera kuri 980.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Hafashwe toni 7 za caguwa zinjizwaga mu Rwanda ari magendu
Hafashwe toni 7 za caguwa zinjizwaga mu Rwanda ari magendu

Ishami rya Polisi y’u Rwanda rishinzwe kurwanya magendu n’inyerezwa ry’imisoro (RPU), rifatanyije n’ikigo cy’igihugu cy’imisoro n’amahooro (RRA), bataye muri yombi abantu 3 bakekwaho kwinjiza ibiro (...)

Abavuzi gakondo bagiye gushinga uruganda rw’imiti na banki
Abavuzi gakondo bagiye gushinga uruganda rw’imiti na banki

Abavuzi bo mu Rwanda no mu bindi bihugu bya Afurika y’Uburasirazuba, bibumbiye mu Muryango Mugari w’Abavuzi Gakondo, UMUAGA, batangiye kwiga ku mishinga ikomeye y’igihe kirekire irimo ibitaro (...)

Nyamagabe: Umudozi yasabiwe guhuzwa n’Abashinwa bakora imyenda
Nyamagabe: Umudozi yasabiwe guhuzwa n’Abashinwa bakora imyenda

Minisitiri w’Abakozi ba Leta n’Umurimo Uwizeye Judith, yasabye ubuyobozi bw’Akarere ka Nyamagabe gukorana na Minisiteri y’Ubucuruzi n’Inganda gufasha umudozi wahangiye imirimo abaturage benshi muri (...)

Abanyarwanda 920 bamaze kwizigama by’igihe kirekire asaga miliyari
Abanyarwanda 920 bamaze kwizigama by’igihe kirekire asaga miliyari

Ikigo gishinzwe Ibigega by’Umugabane ku Ishoramari (RNIT Iterambere Fund) cyatangaje ko Abanyarwanda 920 ari bo bashoye imari mu igurisha rya mbere bizigama by’igihe kirekire amafaranga y’u Rwanda (...)

Ukwakira 2016: Ibiciro mu mijyi y’u Rwanda byiyongereyeho 7.4%
Ukwakira 2016: Ibiciro mu mijyi y’u Rwanda byiyongereyeho 7.4%

Ikigo cy’Igihugu gishinzwe ibarurishamibare mu Rwanda (NISR) cyatangaje ko igipimo cy’ihindagurika ry’ibiciro mu kwezi kw’Ukwakira 2016 cyagaragaje ko ibiciro mu mijyi Ibiciro mu mijyi (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.