Advertisement
 
 
 
 
 
 
 
 

Ubukungu

EU yageneye u Rwanda miriyari 176 zo guteza imbere ubuhinzi   

  Yanditswe na TWAGIRA WILSON
 June 2016

 
 

Umuryango w’Ibihugu by’u Burayi (EU) wageneye u Rwanda miliyoni zisaga 200 z’amayero, zihwanye na miliyari 176 z’amafaranga y’u Rwanda zo gushyigikira urwego rw’ubuhinzi.

Michael Ryan, uhagarariye EU mu Rwanda yavuze ko amasezerano ajyanye n’iyo mpano azashyirwaho umukono vuba aha.

Ambasaderi Ryan yabivugiye i Kigali, mu kiganiro yatangiye mu nteko rusange ya 7 ihuje abashakashatsi basaga 400 baturutse mu bihugu bitandukanye byo ku mugabane wa Afurika (7th Agriculture Science Week, FARA) irimo kubera i Kigali, aho yasobanuye ko umuryango ahagarariye uzakomeza kuza ku isonga mu bafatanyabikorwa bakomeye muri Afurika mu rwego rw’ubuhinzi.

JPEG - 101.7 kb
Ambasaderi wa EU mu Rwanda, Michael Ryan

Mu rwego rwo gukomeza gushyigikira ubuhinzi muri Afurika, Ryan yasobanuye ko mu 2020, uwo muryango uzaba umaze gushora miliyari zisaga 9 z’amayero mu guteza imbere ubuhinzi ku mugabane w’Afurika.

Ati “Nk’ubu mu Rwanda turateganya gusinyana amasezerano ya miliyoni 200 z’ amayero mu rwego rwo guteza imbere no gushyigikira imishinga irebana n’ubushakashatsi mu buhinzi, hari no gufasha abahinzi guhanga udushya mu ikoranabuhanga rishingiye ku buhinzi binyuze muri gahunda yo kuhira ibihingwa ku misozi n’ibindi’’.

Michael Ryan avuga ko uyu muryango wihaye gahunda yo kurwanya imirire mibi mu bana, bityo ugateza imbere imirire myiza.

Ati ”Umuryango EU witeguye kurwanya ikibazo cy’imirire mibi no kugwingira mu bana, aho tuzaba twatanze miliyari 7 z’amayero mu 2025’’.

Naho Perezida wa Banki nyafurika, Akinwumi Adesina asanga igihe kigeze kugira ngo abaminisitiri b’imari bo mu bihugu by’Afurika bakora ibishoboka mu kugena umubare munini w’ingengo y’imari yagenewe ubuhinzi.

Ati “Hagomba kugira igikorwa mu gushakira ikibazo cy’ubukene bukabije mu batuye icyaro ahanini batunzwe n’ubuhinzi, kuko ni yo mpamvu usanga bakoreshwa mu zindi nyungu za politiki bitewe n’ibibazo by’ubukene bwabaye akarande. Nk’ubu miliyari zisaga 35 abanyafurika bazikoresha mu guhaha ibiribwa hanze buri mwaka, kandi mu 2025 zizaba ziyongereye zigere ku 110’’.

 

Comments

 
 
Rubavu:Igare yaguze ibihumbi 80 rimaze kumwungura asaga miliyoni mu mwaka umwe
Rubavu:Igare yaguze ibihumbi 80 rimaze kumwungura asaga miliyoni mu mwaka umwe

Dusabimana Pascal, umwe mu rubyiruko rwo mu murenge wa Cyanzarwe mu karere ka Rubavu, avuga ko mu gihe cy’umwaka amaze akora akazi ko kunyonga igare, ubu ibyo amaze kwigezaho bifite agaciro (...)

Abanyamahanga bashoye imari mu Rwanda  baravuga imyato Perezida Kagame
Abanyamahanga bashoye imari mu Rwanda baravuga imyato Perezida Kagame

Bamwe mu bashoramari b’Abanyamahanga bakorera ubucuruzi mu Rwanda kuri bo Perezida Kagame arenze kuba Perezida ahubwo ni n’umuhanga mu guhanga u Rwanda rugezweho. Atma Prakash ni umwe mu bayobozi (...)

Musanze:Ibigori bari bitezeho umusaruro ushimishije byibasiwe na Nkongwa
Musanze:Ibigori bari bitezeho umusaruro ushimishije byibasiwe na Nkongwa

Abaturage bakora umwuga w’ubuhinzi bo mu mirenge imwe n’imwe yo mu karere ka Musanze, baravuga ko bahangayikishijwe n’uko batazabona umusaruro uhagije w’ibigori muri iki gihembwe cy’ihinga A 2017, (...)

Mukahigiro yubatse inzu ebyiri z’ubucuruzi abikesheje kudoda inkweto
Mukahigiro yubatse inzu ebyiri z’ubucuruzi abikesheje kudoda inkweto

Mukahigiro Pascasie utuye mu kagari ka Gasovu, mu murenge wa Karambi mu karere ka Nyamasheke, avuga ko amaze kugera kuri byinshi abikesheje ubudozi bw’inkweto. Uyu mugore w’imyaka 45 avuga ko (...)

 Akarere ka Musanze  kazakoresha miliyoni 18 ku muyoboro w’amazi wa Rukore
Akarere ka Musanze kazakoresha miliyoni 18 ku muyoboro w’amazi wa Rukore

Ubuyobozi bw’Akarere ka Musanze buravuga ko bwateganyije amafaranga miliyoni 18, azifashishwa mu mushinga wo gusana umuyoboro w’amazi wa Rukore uri mu murenge wa Muko na Nkotsi, umaze imyaka 2 (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.