Advertisement
 
 
 
 
 
 
 
 

Ubukungu

Ethiopia yakomoje ku mashanyarazi iteganyiriza u Rwanda   

  Yanditswe na NGABOYABAHIZI PROTAIS
 4 months ago

 
 

Guverinoma ya Ethiopia yahishuye ko igifite muri gahunda umushinga wo guha u Rwanda amashanyrazi mu gihe cya vuba aturutse kuri MW 4000 ziteganywa ku ngomero zikomeje kubakwa ahatandukanye muri iki gihugu.

Amashanyarazi yitezwe kuva muri Ethipia yagarutsweho n’Umunyamabanga wa Leta ya Ethiopia ushinzwe amazi no kuvomerera ibihingwa, Ing. Wondimu Tekle, mu ruzinduko yagiriye mu karere ka Musanze kuri uyu wa kabiri.

Guverinoma y’u Rwanda yagaragaje ko igomba guhabwa MW430 n’iki gihugu guhera mu mwaka wa 2014, Umubare munini w’Abanyarwanda ukaba wari ucyiteze irengero ryazo.

JPEG - 166.7 kb
Minisitiri Ing. Wondimu Tekle asobanurirwa uko biyogazi ikoreshwa

Aya mashanyarazi azaturuka muri Ethiopia yitezwe mu gihe Leta y’u Rwanda yihaye intego ko izaba ifite ubushobozi bwa Megawatt 563 bitarenze mu mwaka wa 2017 zicaniye 70% by’abaturarwanda.

Ing. Wondimu Tekle hamwe n’Intumwa za Etiyopiya zasuye imirenge ya Shingiro, Kimonyi na Gashaki mu Karere ka Musanze berekwa imikoreshereze ya Biyogazi, ari na ho yagarutse ku mashanyarazi bategurira u Rwanda.

Eng. Wondimu Tekle akaba yishimiye intambwe u Rwanda rumaze kugeraho mu gukoresha Biyogazi mu rwego rwo kubungabunga ibidukikije, avuga ko mu gihe bategurira amashanyarazi u Rwanda n’ibindi bihugu bya Afurika y’Uburasirazuba ba no bakwiye gukoresha Biyogazi.

Yakomeje ashimangira ko nubwo igihugu cye gifite ingufu z’amashanyarazi zihagije ari ngombwa ko bita no gukoresha biyogazi azifashishwa mu kuzamura ingufu z’amashanyarazi ku mugabane w’Afrika.

Yagize ati “Dufite amashanyarazi menshi, duteganya no kubaka izindi ngomero muri iyi minsi iri imbere, ku buryo ni bura tuzaba dufite Megawati zirenga 4000zizifashishwa mu kuzamura uru rwego muri Afrika y’Uburasirazuba ndetse n’u Rwanda.”

Bamwe mu baturage bakoresha biyogazi baratangaza ko gukoresha kuyikoresha byabaruhuye imvune yo kwirirwa barya imyotsi bikabaviramo indwara zifata imyanya y’ubuhumekero, abandi bajyaga gushaka inkwi mu bice binyuranye ndetse bakohereza yo abana bakahavunikira cyangwa bagata ishuri.

Kuri ubu bivugwa ko abatagera ku 10% muri Musanze ari bo bakoresha Biyogazi, mu gihe mu mihigo y’aka karere bifuza ko bizaba byazamutse bikagera kuri 16% mu 2020.

 

Comments

 
 
Abanyenganda b’i Huye baracyafite imbogamizi mu kwimukira muri zone yagenewe inganda
Abanyenganda b’i Huye baracyafite imbogamizi mu kwimukira muri zone yagenewe inganda

Mu gace kagenewe inganda mu kagari ka Sovu mu murenge wa Huye mu karere ka Huye, usanga hataritabirwa cyane ngo hakorerwe ibyo hagenewe, kuba nta bikorwaremezo birahagezwa n’ibibanza bihenze (...)

Kirehe: Umukobwa agiye gushinga uruganda ruzohereza inyama z’ingurube mu mahanga
Kirehe: Umukobwa agiye gushinga uruganda ruzohereza inyama z’ingurube mu mahanga

Umukobwa witwa Umubyeyi Aimée Laetitia, utuye mu karere ka Kirehe, umurenge wa Kigina, avuga ko ateganya gukora uruganda rutunganya inyama z’ingurube, ahereye ku bworozi bw’ingurube akora, (...)

Abahinzi bo muri Kigali basabwe guhaza isoko ry’imboga
Abahinzi bo muri Kigali basabwe guhaza isoko ry’imboga

Abaturage bakorera ubuhinzi mu bishanga by’akarere ka Kicukiro basabwe gushyira imbaraga mu kongera umusaruro w’imboga bagahaza isoko ryo mu Rwanda hagamijwe kugabanya amadevize asohoka igihugu (...)

Barasaba ko “amafaranga y’ikaramu” bakatwa na Sacco akurwaho
Barasaba ko “amafaranga y’ikaramu” bakatwa na Sacco akurwaho

Abaturage bari mu cyiciro cya mbere cy’ubudehe bakora muri VUP mu murenge wa Karambi, mu karere ka Nyamasheke, barasaba ubuyobozi bw’umurenge wabo n’ubw’akarere kubakemurira ikibazo cy’amafaranga (...)

Abahinzi barasabwa guhinga vuba bitarenze ku ya 15 Werurwe
Abahinzi barasabwa guhinga vuba bitarenze ku ya 15 Werurwe

Abahinzi bo mu Karere ka Nyaruguru barasabwa guhinga vuba bakaba barangiye gutera bitarenze taliki ya 15 Werurwe 2017, kugira ngo bazafunge neza itera ry’igihembwe cy’ihinga 2017B. Ibi abahinzi (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.