Advertisement
 
 
 
 
 
 
 
 

Ubukungu

Burera: Bambuka umupaka buri munsi bajya kuvoma amazi muri Uganda   

  Yanditswe na NGABOYABAHIZI PROTAIS
 April 2016

 
 

Abaturage bo mu karere ka Burera mu mirenge yegereye umupaka wa Uganda, bavuga ko bambuka umupaka bakajya kuvoma amazi muri Uganda, kuko iwabo nta mazi meza ahaba.

Aba baturage bavuga ko ikibazo cy’amazi kibakomereye cyane, kuko ngo hari ubwo usanga biyuhagira inshuro imwe mu cyumweru, barondereza amazi.

Bamwe mu bajya gushaka amazi muri Uganda ahitwa Rugaga na Rukumba, harimo abo mu kagari ka Bukwashuri mu murenge wa Kivuye, bajya kuvoma amazi y’ibirohwa no gukaraba mu miferege imanura amazi muri Uganda.

JPEG - 715.7 kb
Uyu muturage yagiye kwiyuhagirira mu gishanga cy’Urugezi (Foto Ngaboyabahizi P)

Ndikuryayo Elisaphane, umuturage wo muri aka kagari ka Bukwashuri, avuga ko bibabaje cyane kubona bajya kuvoma amazi mu kindi gihugu, mu gihe bigeze kugira amazi iwabo akabura mu buryo budasobanutse.

Yagize ati:“Kuba twambukiranya imipaka tujya kuvo
ma mu kindi gihugu atari uko icyacu kibuze ubushobozi bwo kuyabona ni ikibazo.
Aha higeze kugera amazi kuri za robine tuvoma umunsi umwe, ariko ubu kugeza mu myaka 3 irenga ntabwo tuzi ikitwa amazi meza, rwose ubuyobozi nibudutabare”.

Uyu muturage akomeza avuga ko hari ngo na bamwe mu baturage bitwaza ko bagiye kuvoma muri Uganda bakazanamo kanyanga mu buryo utabikeka iyo bakurikiranye bose bikoreye amajerekani.

Mukandori Glorieuse, umuturage na we wo muri uyu murenge, yagize ati:“Birababaza mu gihe ubuyobozi butugira inama yo gukora ubucuruzi bwambukiranya umupaka, ariko twe tukaba dukora ubuvomyi bwambukiranya imipaka ari n’aho bamwe bajijishiriza bakambutsa ibiyobyabwenge.

Mu by’ukuri mbona habura ubushake bw’abayobozi bacu kuko nta kuntu kanyanga itazambuka, mu gihe tuvoma amazi hanze”.

Umunyamabanga Nshingwabikorwa w’umurenge wa Kivuye Nteziryayo Anastase, yavuze ko amazi abaturage bavomaga yagize ikibazo cy’amatiyo yacagamo yaturitse, ariko yizeza abaturage ko iki kibazo kizakemuka mu gihe kitarambiranye.

Yagize ati:“Ubundi amatiyo yazanaga amazi ni mato, ariko kubera ko hakoreshwaga moteri ifite ingufu amatiyo akajya aturika, ubu hafashwe ingamba ko asanwa.

Ndizeza abaturage ko iki kibazo kirimo gishakirwa umuti, kandi n’ubuyobozi bw’akarere bubifite mu mihigo yako, ko kagomba kuba kagejeje amazi aho agomba kugera, cyane nko muri iriya mirenge itayagira”.

Imirenge yo mu karere ka Burera ifite ikibazo cy’amazi ni uwa Bungwe, Gatebe na Kivuye, aho bamwe bajya kuvoma mu migende yo muri Uganda no mu gishanga cy’Urugezi.

 

Comments

Izina Ryanyu
IGITEKEREZO

 
 
Yatangiriye ku cyarahani none agiye gushinga uruganda rw’imyenda
Yatangiriye ku cyarahani none agiye gushinga uruganda rw’imyenda

Mukantwari Alvéra wo mu murenge wa Kagano mu karere ka Nyamasheke, ukorera imirimo y’ubudozi n’ububoshyi bw’imyenda n’imitako kuri site ya Rwesero ho mu karere ka Nyarugenge mu mujyi wa Kigali (...)

Rubavu:Barifuza isoko ryagutse ry’umusaruro w’ibirayi wabaye mwinshi
Rubavu:Barifuza isoko ryagutse ry’umusaruro w’ibirayi wabaye mwinshi

Bamwe mu bahinzi b’ibirayi mu murenge wa Bugeshi mu karere ka Rubavu, bavuga ko bahangayikishijwe n’ikibazo cy’isoko ry’umusaruro w’ibirayi ridahagije, kandi bejeje byinshi cyane. Aba bahinzi bavuga (...)

Ibiciro bya lisansi na mazutu byazamutse
Ibiciro bya lisansi na mazutu byazamutse

Ikigo cy’Igihugu gishinzwe kugenzura imikorere y’inzego zimwe z’imirimo ifitiye igihugu akamaro, RURA cyatangaje ibiciro bishya by’ibikomoka kuri peteroli biratangira kubahirizwa kuri uyu wa 4 (...)

Abaturage b’i Rusizi batewe inkeke n’igiciro cy’ibiribwa cyazamutse bikabije
Abaturage b’i Rusizi batewe inkeke n’igiciro cy’ibiribwa cyazamutse bikabije

Abatuye mu mirenge hafi ya yose igize ikibaya cya Bugarama bakomeje kuvuga ko izamuka ry’ibiciro by’ibiribwa rikabije, ndetse ubu rikaba rituma bamwe batabasha guhaha. Abaganiriye n’Imvaho Nshya (...)

Yahereye kuri  29 000 frws,  ubu yubatse inzu abamo n’izo akodesha
Yahereye kuri 29 000 frws, ubu yubatse inzu abamo n’izo akodesha

Kayitesi Sophia, umuturage utuye mu mujyi wa Kigali ku Kicukiro, yabashije kwiteza imbere ahereye ku mafaranga y’u Rwanda 29,000 none ubu ageze ku rwego rwo kubaka mu mujyi wa Kigali inzu ijyanye (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.