Advertisement
 
 
 
 
 
 
 
 

Ubukungu

Burera: Abaturage barashinja SACCO kubishyuza inguzanyo batahawe   

  Yanditswe na NGABOYABAHIZI PROTAIS
 August 2016

 
 

Abanyamuryango ba koperative Umurenge SACCO wa Gitovu mu karere ka Burera, baratakambira inzego bireba ngo zibarenganure ku mafaranga y’inguzanyo barimo kwishyuzwa batigeze bahabwa.

Ubuyobozi bw’Umurenge wa Gitovu buvuga ko iki kibazo bukizi, ariko ngo nta bushobozi bufite bwo kugikemura.

Miliyoni 66 n’amafaranga ibihumbi 250 y’u Rwanda ni yo arimo kwishyuzwa abaturage basaga 46 b’abanyamuryango ba SACCO y’Umurenge wa Gitovu mu karere Burera.

Umwe mu banyamuryango b’iyi koperative Ndizihiwe Yvan, yabwiye Imvaho Nshya ko yatunguwe bikomeye no kwishyuzwa amafaranga atigeze ahabwa.

Yagize ati “Nageze kuri Sacco barambwira ngo ndimo miliyoni 2, ntazi n’uwo twashakanye atabizi, gusa icyo nzi ni uko abari abakozi ba Sacco baje kunsinyisha kuri 18/03/2016; ngo mfate inguzanyo ariko sinyabone, ikigaragaza ko ntabonye iyo nguzanyo ni uko atanditse mu gatabo kanjye.”

JPEG - 18.8 kb
Abanyamuryango bavuga ko amafaranga bishyuzwa ntayo bahawe (Foto archive)

Abashyirwa mu majwi n’aba baturage babasinyishije ni abitwa Dusabimana Gilbert bivugwa ko atakiri mu gihugu, Ndaribitse Faustin ugikomeje gukorera iyi SACCO na Dukunduwiduhaye Themistocles wirukanwe mu kazi.

Bajeneza Devota, umucungamutungo w’Umurenge SACCO wa Gitovu, avuga ko aba baturage bashaka kwigarama inguzanyo bahawe, ibi akabibonamo amayeri yo gushaka kwambura Sacco.

Yagize ati “Ibyo ari byo byose hari icyo aba baturage bumvikanyeho n’abari abakozi ba Sacco, bamaze kumva ko babirukanye bakaba bahitamo gushaka kubihunga kugira ngo batishyura, aha rero ni ikibazo nta kindi twabamarira uretse kubihanganira bakishyura buhoro buhoro iyi nguzanyo.Naho ibyo kuvuga ko basinye ntibayahabwe byo ni ukubyibagirwa”.

Mugiraneza Protais, umukozi w’umurenge wa Gitovu ushinzwe irangamimerere, yagize ati:“Iki kibazo cy’abanyamuryango ba Sacco Gitovu mbona kizakemurwa n’ubutabera, kuko iyo umuntu ahawe inguzanyo yandikwa ku ifishi no mu gatabo ke ndetse bakanasinyaho, ubu rero kwemeza ngo barashutswe ni ikibazo kitoroshye, gusa tugiye kwifashisha inzego z’umutekano dushakishe umuti”.

Iki kibazo ngo cyatangiye kugaragara muri Werurwe 2016, ariko kugeza ubu ngo ntikirabonerwa umuti.Ni ikibazo gikomeye cyane kuri iyi Sacco n’ubundi isanzwe ivugwamo n’imicungire mibi y’umutungo, aho byagaragaye ko miliyoni zisaga 50 z’amafaranga y’u Rwanda amwe yagujijwe ntagaruzwe, andi akaba adafite ibihamya by’aho yarengeye kandi bigaragara ko yasohotse.

 

Comments

 
 
Musanze:Ibigori bari bitezeho umusaruro ushimishije byibasiwe na Nkongwa
Musanze:Ibigori bari bitezeho umusaruro ushimishije byibasiwe na Nkongwa

Abaturage bakora umwuga w’ubuhinzi bo mu mirenge imwe n’imwe yo mu karere ka Musanze, baravuga ko bahangayikishijwe n’uko batazabona umusaruro uhagije w’ibigori muri iki gihembwe cy’ihinga A 2017, (...)

Mukahigiro yubatse inzu ebyiri z’ubucuruzi abikesheje kudoda inkweto
Mukahigiro yubatse inzu ebyiri z’ubucuruzi abikesheje kudoda inkweto

Mukahigiro Pascasie utuye mu kagari ka Gasovu, mu murenge wa Karambi mu karere ka Nyamasheke, avuga ko amaze kugera kuri byinshi abikesheje ubudozi bw’inkweto. Uyu mugore w’imyaka 45 avuga ko (...)

 Akarere ka Musanze  kazakoresha miliyoni 18 ku muyoboro w’amazi wa Rukore
Akarere ka Musanze kazakoresha miliyoni 18 ku muyoboro w’amazi wa Rukore

Ubuyobozi bw’Akarere ka Musanze buravuga ko bwateganyije amafaranga miliyoni 18, azifashishwa mu mushinga wo gusana umuyoboro w’amazi wa Rukore uri mu murenge wa Muko na Nkotsi, umaze imyaka 2 (...)

Abanyenganda b’i Huye baracyafite imbogamizi mu kwimukira muri zone yagenewe inganda
Abanyenganda b’i Huye baracyafite imbogamizi mu kwimukira muri zone yagenewe inganda

Mu gace kagenewe inganda mu kagari ka Sovu mu murenge wa Huye mu karere ka Huye, usanga hataritabirwa cyane ngo hakorerwe ibyo hagenewe, kuba nta bikorwaremezo birahagezwa n’ibibanza bihenze (...)

Kirehe: Umukobwa agiye gushinga uruganda ruzohereza inyama z’ingurube mu mahanga
Kirehe: Umukobwa agiye gushinga uruganda ruzohereza inyama z’ingurube mu mahanga

Umukobwa witwa Umubyeyi Aimée Laetitia, utuye mu karere ka Kirehe, umurenge wa Kigina, avuga ko ateganya gukora uruganda rutunganya inyama z’ingurube, ahereye ku bworozi bw’ingurube akora, (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.