Advertisement
 
 
 
 
 
 
 
 

Ubukungu

Brexit ishobora guhungabanya ubukungu bw’u Rwanda   

  Yanditswe na MUTUNGIREHE SAMUEL
 June 2016

 
 

Icyemezo abaturage b’igihugu cy’u Bwongereza bamaze iminsi bafashe cyo kuva mu muryango w’ibihugu bigize ubumwe bw’u Burayi, EU’ European Union’gishobora kugira ingaruka ku bukungu bw’u Rwanda nubwo kuri ubu zitaragaragara.

Mu nama yahuje komite y’ubusugire, urwego rw’imari, n’abagenzura politike y’ifaranga muri Banki Nkuru y’Igihugu, Guverineri wa Banki Nkuru y’Igihugu BNR, John Rwangombwa, yatangaje ko kwemeza ingaruka za Brexit ku bukungu bw’u Rwanda byasaba gupima ikigero ihungabana ry’ubukungu rizagira biturutse kuri Brexit bitewe n’ibipimo ngenderwaho.

Rwangombwa yagaragaje ko kuri ubu u Rwanda kimwe n’ibindi bihugu biri gukorera mu bihe bitoroshye bitewe n’ibibazo byibasiye ubukungu mpuzamahanga.

JPEG - 171 kb
Guverineri wa Banki Nkuru y’Igihugu, Rwangombwa John mu kiganiro n’itangazamakuru

Muri rusange mu mwaka wa 2015 ubukungu bw’isi bwazamutseho 3.1% mu gihe mu mwaka wabanje 2014 bwazamutseho 3.4%, biteganyijwe ko mu 2016 buzazamuka ku gipimo cya 3.2%, Rwangombwa agasobanura ko ibintu bishobora kugira indi sura mbi biturutse ku ngaruka z’icyemezo Abongereza baherutse kwifatira.

Ati “Nta n’umwe uramenya ikibazo bishobora kuzatera n’ubwo bimaze kugaragara ko hari amasoko yahungabanye bikimenyekana, amafaranga atandukanye yataye agaciro cyane iry’Abongereza, ubwo rero ni ukureba niba ibyo ari Ibintu byagateganyo; kwikanga icyo cyemezo cyafashwe cyangwa ari ibizagira ingaruka z’igihe kirekire.”

Guverineri yasobanuye ko kugira ngo u Rwanda rutangaze ko Brexit yarugizeho ingaruka bitakoroha guhita bisuzumwa kuko bireberwa ku bipimo bitandukanye.

Igipimo cya mbere ni ingaruka Brexit yagira ku mafaranga y’ahandi igihugu kizigamye, u Rwanda rukaba icyo kitaruteye ubwoba kuko ruzigamye amapawundi ku kigero cya 1.1%, idorali kuri 3.2% naho ifaranga rikoreshwa mu muryango wa EU ‘Iriyero’ rizigamwe ku kigero cya 0.2% bitewe n’uko naryo ridahagaze neza.

Mu bindi byareberwaho ni ubucuruzi bukorwa hagati y’ibihugu bitandukanye aho u Rwanda rufitanye n’umuryango EU ubuhahirane ku kigero cya 2% naho uwo muryango ugahahirana n’akarere u Rwanda ruherereyemo ku kigero cya 20%.

Ku mwanya wa gatatu mu byareberwaho haza ishoramari, aho Guverineri yasobanuye ko icyemezo cya Brexit gishobora kugabanya uburyohe bwo gushora imari kuri uwo mugabane.

Guverineri Rwangombwa yasobanuye ariko ko hakiri kare guhita umuntu yemeza ingaruka zikaze zaturuka ku cyemezo Abongereza bahisemo dore ko n’inkunga zituruka kuri uwo muryango no ku Bwongereza ubwabo zibaye nke bitakura umuntu umutima.

 

Comments

 
 
 Akarere ka Musanze  kazakoresha miliyoni 18 ku muyoboro w’amazi wa Rukore
Akarere ka Musanze kazakoresha miliyoni 18 ku muyoboro w’amazi wa Rukore

Ubuyobozi bw’Akarere ka Musanze buravuga ko bwateganyije amafaranga miliyoni 18, azifashishwa mu mushinga wo gusana umuyoboro w’amazi wa Rukore uri mu murenge wa Muko na Nkotsi, umaze imyaka 2 (...)

Abanyenganda b’i Huye baracyafite imbogamizi mu kwimukira muri zone yagenewe inganda
Abanyenganda b’i Huye baracyafite imbogamizi mu kwimukira muri zone yagenewe inganda

Mu gace kagenewe inganda mu kagari ka Sovu mu murenge wa Huye mu karere ka Huye, usanga hataritabirwa cyane ngo hakorerwe ibyo hagenewe, kuba nta bikorwaremezo birahagezwa n’ibibanza bihenze (...)

Kirehe: Umukobwa agiye gushinga uruganda ruzohereza inyama z’ingurube mu mahanga
Kirehe: Umukobwa agiye gushinga uruganda ruzohereza inyama z’ingurube mu mahanga

Umukobwa witwa Umubyeyi Aimée Laetitia, utuye mu karere ka Kirehe, umurenge wa Kigina, avuga ko ateganya gukora uruganda rutunganya inyama z’ingurube, ahereye ku bworozi bw’ingurube akora, (...)

Abahinzi bo muri Kigali basabwe guhaza isoko ry’imboga
Abahinzi bo muri Kigali basabwe guhaza isoko ry’imboga

Abaturage bakorera ubuhinzi mu bishanga by’akarere ka Kicukiro basabwe gushyira imbaraga mu kongera umusaruro w’imboga bagahaza isoko ryo mu Rwanda hagamijwe kugabanya amadevize asohoka igihugu (...)

Barasaba ko “amafaranga y’ikaramu” bakatwa na Sacco akurwaho
Barasaba ko “amafaranga y’ikaramu” bakatwa na Sacco akurwaho

Abaturage bari mu cyiciro cya mbere cy’ubudehe bakora muri VUP mu murenge wa Karambi, mu karere ka Nyamasheke, barasaba ubuyobozi bw’umurenge wabo n’ubw’akarere kubakemurira ikibazo cy’amafaranga (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.