Advertisement
 
 
 
 
 
 
 
 

Ubukungu

BDF yafashije Abanyarwanda kugurizwa hafi miliyari 175   

  Yanditswe na NTAWITONDA JEAN CLAUDE
 3 months ago

 
 

Ubuyobozi bw’Ikigega cy’ingwate mu Rwanda (BDF) bwatangaje ko mu myaka itanu ishize iki kigega giha serivisi Abanyarwanda hari byinshi kimaze kubagezaho haba mu kuborohereza mu mikoranire n’ibigo by’imari bahabwa ingwate, mu ikodeshagurisha, inkunga zihabwa ibigo by’imari n’ibindi.

Mu kiganiro n’abanyamakuru kuri uyu wa 31 Kanama, Ikigega BDF cyagaragaje ko cyabashije gushora amafaranga angana na miliyari zirenga 62.689 zirimo izirenga 50 zatanzwe nk’ingwate mu gufasha imishinga mito n’iciriritse irenga ibihumbi 23, no guhanga imirimo mishya irenga ibihumbi 145.

Ingwate zatanzwe n’iki kigo zatumye Abanyarwanda bahabwa inguzanyo igera kuri miliyari 175 z’amafaranga y’u Rwanda mu bigo by’imari bitandukanye mu gihugu hose.

JPEG - 1.2 Mb
Innocent Bulindi Umuyobozi mukuru wa BDF ahamya ko BDF yifuza kugeza Abanyarwanda ku rwego rushimishije

Kugeza ubu urubyiruko rurenga 9000 n’abagore barenga 7000 bamaze guterwa inkunga na BDF muri gahunda zirimo guhabwa ingwate, ubujyanama n’ibindi.
Umuyobozi wa BDF Innocent Bulindi, yagaragaje ko bishimira ikigero bagezeho mu gufasha abanyarwanda nubwo hakiri byinshi byo gukorwa ngo imbogamizi zigihari mu korohereza Abanyarwanda kugana ibigo by’imari zigabanyuke.

Bulindi yakomeje avuga ko mu gihe baharanira gufasha abantu benshi hakiri imbogamizi z’abitiranya ingwate iki kigega gitanga nk’inkunga, rimwe na rimwe bigatuma banga kwishyura.

Yagize ati “Nubwo gahunda zashyizweho ari nziza; akenshi usanga abantu bazihindura gahunda za politiki aho kuba iz’ubucuruzi, ku buryo bamwe batishyura inguzanyo ibyo bikatuzanira igihombo. Bitugiraho ingaruka iyo banki zitanze inguzanyo abantu ntibishyure twarabishingiye.”

Yavuze ko kugeza ubu mu mishinga yatewe inkunga agera kuri miliyari eshanu z’amafaranga y’u Rwanda ni yo BDF ibona ko yahombeye mu bantu bishingiwe mu mabanki imishinga yabo igahomba cyangwa bakananirwa kwishyura.



Ati “Hari ikibazo ko inkunga BDF itanga igifatwa nk’inkunga, rimwe na rimwe na banki ntizikurikirane abo zagurije kuko zizi ko ikigega cyatanze ingwate. Ibi ni imbogamizi kuri twe.”

Yasabye Inzego z’imari mu Rwanda kujya zihora zitekereza ku nyungu z’amabanki zikiri hejuru kuko zibangamira iki kigo mu bwishingizi.

Iki kigo gifite gahunda yo kwagura ibikorwa bikagera ku mubare munini cyane w’Abanyarwada; kuri ubu iki kigega cyamaze gushinga amashami mu turere twose tw’igihugu muri gahunda yo kwegereza abaturage.

Ubuyobozi bw’Ikigega buhamwa ko bitoroshye kubona ingwate muri BDF mu gihe umushinga wawe wizwe nabi, ari nay o mpamvu Abanyarwanda bashishikarizwa kubanza kugira imishinga mizima mbere yo gukenera ingwate cyangwa amafaranga.

Mu mishinga yishingiwe na BDF ikaziha ingwate, 11% ntizishyurwa neza, ikigero kiri hejuru cyane ugereranyije no mu mabanki bitajya hejuru ya 8%. Imishinga 392 muri 4800 yatewe inkunga yahombeyemo miliyari eshanu zikirimo kugaruzwa ku bufatanye n’amabanki n’ibindi bigo by’imari.

Bimwe mu byabonwe ko bitera imishinga guhomba ngo ni ukubura amasoko y’imirimo yahanzwe kuko abenshi batarahugukira gukunda ibyakorewe mu Rwanda.

Muri BDF imishinga y’Ubuhinzi n’Ubworozi ntijya irenza ingwate ya miliyoni 500 z’amafaranga y’u Rwanda kuri buri mushinga, mu gihe indi mishinga itarenza miliyoni 300.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Rubavu:Abavunjayi barataka igihombo baterwa n’abamamyi
Rubavu:Abavunjayi barataka igihombo baterwa n’abamamyi

Amashyirahamwe y’abakora akazi ko kuvunja amafaranga y’amanyarwanda n’amanyamahanga mu karere ka Rubavu, barataka ko baterwa igihombo n’abakora uyu murimo mu buryo butemewe n’amategeko, bita (...)

U Rwanda mu nzira zo kuvumburwamo amabuye ya Nickel n’Amabengeza
U Rwanda mu nzira zo kuvumburwamo amabuye ya Nickel n’Amabengeza

Ihuriro nyarwanda ry’Abacukuzi b’Amabuye y’Agaciro ryatangaje ko mu Rwanda hagaragaye ibimenyetso by’amabuye y’agaciro yitwa Nickel n’amabengeza. Mu muhango wo kwizihiza umunsi mpuzamahanga (...)

Abacukuzi  b’amabuye y’agaciro bafite imbogamizi zo kubona inguzanyo
Abacukuzi b’amabuye y’agaciro bafite imbogamizi zo kubona inguzanyo

Abacukuzi b’amabuye y’agaciro mu Rwanda bavuga ko bafite imbogamizi zo kubona inguzanyo z’amabanki muri uwo murimo ngo babashe kuwukora neza. Ibi babitangarije mu muhango wo kwizihiza umunsi (...)

Hafashwe toni 7 za caguwa zinjizwaga mu Rwanda ari magendu
Hafashwe toni 7 za caguwa zinjizwaga mu Rwanda ari magendu

Ishami rya Polisi y’u Rwanda rishinzwe kurwanya magendu n’inyerezwa ry’imisoro (RPU), rifatanyije n’ikigo cy’igihugu cy’imisoro n’amahooro (RRA), bataye muri yombi abantu 3 bakekwaho kwinjiza ibiro (...)

Abavuzi gakondo bagiye gushinga uruganda rw’imiti na banki
Abavuzi gakondo bagiye gushinga uruganda rw’imiti na banki

Abavuzi bo mu Rwanda no mu bindi bihugu bya Afurika y’Uburasirazuba, bibumbiye mu Muryango Mugari w’Abavuzi Gakondo, UMUAGA, batangiye kwiga ku mishinga ikomeye y’igihe kirekire irimo ibitaro (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.