Advertisement
 
 
 
 
 
 
 
 

Ubukungu

BDF iranengwa kudindiza imishinga y’abagore   

  Yanditswe na MUHIZI ELISEE
 June 2016

 
 

Ikigo gishinzwe kwishingira ingwate y’abagore n’urubyiruko (BDF) kirashyirwa mu majwi ko kitihutisha imishinga minini iba yakozwe n’abagore bigatuma umubare w’abiteza imbere uguma hasi.

Umuhuzabikorwa w’Inama y’igihugu y’abagore mu Ntara y’Amajyepfo, Uwumuremyi Marie Claire, avuga ko kimwe mu bituma umubare w’abagore bitabira gufata inguzanyo mu mabanki ukiri hasi ku kigero cya 35, ari imishinga yatindijwe na BDF .

Ibi yabitangarije mu nama nyunguranabitekerezo yahuje inama y’igihugu y’abagore yabereye mu Karere ka Muhanga, yari igamije kurebera hamwe imikorere n’imikoranire y’Inama y’igihugu y’abagore n’izindi nzego ndetse n’uko Abagore bakorana n’amabanki n’ibigo by’imari kugira ngo batere imbere.

JPEG - 298.6 kb
Dr Diane Gashumba (uwa gatanu ibumoso) Minisitiri wa MIGEPROF n’abagize Inama y’igihugu y’abagore n’abadepite bo muri EAC (Foto Muhizi E)

Uwumuremyi avuga ko abagore benshi bakorana na banki bakabitsa ndetse bakanabikuza, ariko ngo hari n’abakora imishinga minini bayigeza muri BDF ntisubizwe vuba ari nabyo bituma amafaranga baba bateguye muri uwo mushinga batayabona.

Asobanura ko bibagora nk’Abayobozi gukurikirana no kumenya impamvu iyo mishinga ishyikirizwa BDF itasubijwe.

Yagize ati “Tugiye gusuzuma aho iki kibazo kiri niba ari muri BDF cyangwa mu mabanki.”

Bamwe mu bagore bavuga ko ntacyo BDF ibafasha mu gihe baba bakoze mishinga minini ahubwo ko ikunze gufasha no kwishingira imishinga mito isaba amafaranga make.

Abasabye inguzanyo y’amafaranga menshi ngo bacika intege zo kongera gukora indi mishinga iciriritse batigeze bategura, ndetse iyo barebye basanga iki kigo nta cyo kimariye abagore bari mu rwego ruciriritse.

Isabane Egide umukozi wa BDF mu karere ka Muhanga, avuga ko nta mibare afite y’abagore bahawe inguzanyo y’amafaranga menshi akurikije imishinga bakoze, ariko ko hari itsinda ry’abagore muri aka karere baherutse guha inguzanyo ya miliyoni enye, akavuga ko ikibazo cyo kudaha inguzanyo nini abagore gituruka kuri amwe mu mabanki atabizera.

Dr Gashumba, Diane Minisitiri w’Uburinganire n’Iterambere ry’Umuryango wari Umushyitsi Mukuru muri iyo nama, avuga ko hari ibiganiro bazakorana n’izi nzego kugira ngo barebe impamvu ituma abagore badahabwa inguzanyo mu buryo bworoshye.

Ikigo BDF kivuga ko cyishingira imishinga minini y’Ubuhinzi n’Ubworozi ku nguzanyo ya miliyoni zitarenze magana atanu z’amafaranga y’u Rwanda kuzamura, naho imishinga itari iy’ubuhinzi n’ubworozi ikaba idashobora kurenza inguzanyo ya miliyoni magana atatu z’amafaranga y’u Rwanda.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Yatangiriye ku cyarahani none agiye gushinga uruganda rw’imyenda
Yatangiriye ku cyarahani none agiye gushinga uruganda rw’imyenda

Mukantwari Alvéra wo mu murenge wa Kagano mu karere ka Nyamasheke, ukorera imirimo y’ubudozi n’ububoshyi bw’imyenda n’imitako kuri site ya Rwesero ho mu karere ka Nyarugenge mu mujyi wa Kigali (...)

Rubavu:Barifuza isoko ryagutse ry’umusaruro w’ibirayi wabaye mwinshi
Rubavu:Barifuza isoko ryagutse ry’umusaruro w’ibirayi wabaye mwinshi

Bamwe mu bahinzi b’ibirayi mu murenge wa Bugeshi mu karere ka Rubavu, bavuga ko bahangayikishijwe n’ikibazo cy’isoko ry’umusaruro w’ibirayi ridahagije, kandi bejeje byinshi cyane. Aba bahinzi bavuga (...)

Ibiciro bya lisansi na mazutu byazamutse
Ibiciro bya lisansi na mazutu byazamutse

Ikigo cy’Igihugu gishinzwe kugenzura imikorere y’inzego zimwe z’imirimo ifitiye igihugu akamaro, RURA cyatangaje ibiciro bishya by’ibikomoka kuri peteroli biratangira kubahirizwa kuri uyu wa 4 (...)

Abaturage b’i Rusizi batewe inkeke n’igiciro cy’ibiribwa cyazamutse bikabije
Abaturage b’i Rusizi batewe inkeke n’igiciro cy’ibiribwa cyazamutse bikabije

Abatuye mu mirenge hafi ya yose igize ikibaya cya Bugarama bakomeje kuvuga ko izamuka ry’ibiciro by’ibiribwa rikabije, ndetse ubu rikaba rituma bamwe batabasha guhaha. Abaganiriye n’Imvaho Nshya (...)

Yahereye kuri  29 000 frws,  ubu yubatse inzu abamo n’izo akodesha
Yahereye kuri 29 000 frws, ubu yubatse inzu abamo n’izo akodesha

Kayitesi Sophia, umuturage utuye mu mujyi wa Kigali ku Kicukiro, yabashije kwiteza imbere ahereye ku mafaranga y’u Rwanda 29,000 none ubu ageze ku rwego rwo kubaka mu mujyi wa Kigali inzu ijyanye (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.