2017-11-18 15:01:27 clouds 27o High | Kigali Rwanda

Dukurikire:
 
 

Banki yashimiwe gushora miliyari 105 kuri Kigali Convention Center

Yanditswe na IMVAHO NSHYA

Kuya 2016-10-26 13:02:40

 
Share on:
 
Yasuwe:28
 
Yavuzweho:200
 
10
 
10

Guverinoma y’u Rwanda yashimye Banki Nyafurika y’Ubucuruzi nyambukamipaka (AFREXIMBANK/ African Export-Import Bank) yafashije mu kubaka Kigali Convetion Center yuzuye itwaye miliyoni 300 z’amadolari ya Amerika.

Minisitiri w’Imari n’Igenamigambi Amb Claver Gatete, yashimiye iyi banki yashinzwe na Banki Nyafurika Itsura Amajyambere (AfDB) mu nama ngarukamwaka y’iminsi ibiri i Kigali, ikaba ihuza abafatanyabikorwa bayo buri mwaka.

Yavuze ko ubwo hubakwaga Kigali Convention Center u Rwanda rwitabaje iyi banki itanga miliyoni 130 z’amadorari ya Amerika (miliyari zisaga 105 z’amafaranga y’u Rwanda) angana na 30% byujuje iyi hoteli y’icyitegererezo mu Rwanda no muri Afurika.

JPEG - 199.4 kb
Minisitiri w’Imari n’Igenamigambi Amb Claver Gatete yashimiye Afreximbank yashoye arenga miliyari 105 mu nyubako ya KCC

Amb. Gatete yagize ati “Mwarakoze gushora imari muri iyi nyubako twakoreyemo inama… Kuva twatangira gukorana na Afreximbank, Twubaka iyi Hotel ya Radisson na Convention Center twaje kubiyambaza izana amafaranga arenga miliyoni 130 z’amadolari ya Amerika.”

Bivugwa ko 70% byongera amafaranga yujuje iyi nyubako yaturutse na ku bufatanye bwa Guverinoma y’u Rwanda n’abandi bafatanyabikorwa.

Umuyobozi Nshingwabikorwa Wungirije wa Afreximbank Dr. George Elombi, yashimye imikoranie myiza bafitanye na Leta y’u Rwanda nka kimwe mu bihugu 42 by’ibinyamuryango , agaragaza ko hari byinshi ibindi bihugu byigira ku iterambere igihugu kimaze kugeraho nyuma y’imyaka 22 habaye Jenoside yakorewe Abatutsi.

Guhera mu mwaka wa 1994 iyi banki imaze gushora miliyari 41 z’amadolari ya Amerika mu nguzanyo zifasha imishainga y’ubucuruzi nyafurika. Muri gutanga izi nguzanyo ikorana na banki zirimo n’izo mu Rwanda nka BK, BRD n’izindi zimaze gushorwamo akabakaba miliyoni 435 z’amadolari ya Amerika mu myaka itandatu ishize.

AfreximBank yemereye u Rwanda no gushora miliyoni 25 z’amadolari ya Amerika mu gushyigikira mushinga wo kubaka uruganda rwa Nyiramugengeri bitarenze mu Gushyingo uyu mwaka.

JPEG - 100.8 kb
Kigali Convention Center na Hoteli Radisson Blue byuzuye bitwaye miliyoni 300 z’amadolari ya Amerika
atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE