2017-06-22 17:42:31 clouds 27o High | Kigali Rwanda

Dukurikire:
 
 

Banki ya Kigali yungutse miliyari 10.9 mu mezi 6

Yanditswe na Claude Ntawitonda

Kuya 2016-08-03 18:43:12

 
Share on:
 
Yasuwe:3
 
Yavuzweho:200
 
10
 
10

Banki ya Kigali (BK) yatangaje inyungu yagize mu gihe kingana n’amezi atandatu ingana na miliyari 10.9 z’amafaranga y’u Rwanda, kugeza tariki 30 kamena 2016, urwunguko rukaba rwariyongereyeho 0.9 ugereranyije n’amezi atandatu y’umwaka ushize.

Dr. Diana Karusisi Umuyobozi wa BK yavuze ko bishimira inyungu bagize, ahamiriza abakiriya ba BK ko bazakomeza gukorana umurava bakanatanga serivisi nziza ku babagana ndetse no gukomeza gufatanya mu iterambere ry’igihugu cyane batanga umusoro ku nyungu.

Dr. Diane Karusisi Umuyobozi Mukuru wa Banki ya Kigali (IFOTO Gentil)

Yagaragaje ko umusoro ku nyungu basanzwe batanga wavuye kuri 20 ugera kuri 30% akaba ahamya ko uyu ari umusanzu Banki ya Kigali ikomeza gutanga mu kubaka u Rwanda.

Yasobanuye ko imitungo yose ya BK yiyongereyeho 6.6 mu gihembwe cya kabiri ikiyongeraho 14.8 kuva mu mwaka ushize, ubu akaba ari miliyari 619.1.

Inguzanyo zo ziyongeyeho 0.8 mu gihembwe na 24.2 kuva mu mwaka ushize, aho zimaze kuba miliyari 349 mu gihe cy’amezi 12 ashize.

Karusisi yasobanuye ko byose byatewe n’icyizere cy’abakiriya n’imikorere myiza. Yongeyeho ko iyi banki igiye kumurika ibicuruzwa bishya bigamije kuzuza ibyo abakiriya bayo bakeneye.

JPEG - 120.6 kb
Abayobozi ba BK mu kiganiro n’abanyamakuru(IFOTO Gentil)

Umuyobozi ushinzwe ibikorwa, Lawson Naibo yavuze ko muri iki gihembwe batanze serivisi zingana na 460 000 bzifite agaciro ka miliyari 29.5.

Avuga ko iyi banki yakiriye abakiriya 270 000 bato n’ibigo 27 500. BK kandi yongeyeho umubare w’abayihagarariye (agents) bagera ku 1178.

Banki ya Kigali ifite amashami 78 ubu ifite abantu bakoresha serivisi zayo bahererekanya amafanga bangana na 303,245, bitandukanye n’umwaka ushize aho banganaga na 243,719.

Yanashyizeho uburyo bwitwa BK Money aho umuntu wese ufite konti ya BK ashobora kwohereza cyangwa akakira amafaranga akoresheje telefoni mu rwego rwo kurushaho kworohereza abayigana.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE