Advertisement
 
 
 
 
 
 
 
 

Ubukungu

Banki ya Kigali ntiteganya kwagukira hanze y’u Rwanda vuba   

  Yanditswe na NIYONSENGA SCHADRACK
 May 2016

 
 

Umuyobozi wa Banki ya Kigali Dr. Diane Karusisi, yatangaje ko iyi banki igifite byinshi ishaka gukorera Abanyarwanda ku buryo ibyo kuba yakwagura imbibi ikagera no mu bihugu bituranye n’u Rwanda izabitegura imaze guhaza ibyifuzo by’Abanyarwanda.

Ibi uyu muyobozi w’iyi Banki yabitangaje ubwo hamurikwaga ibyo yagezeho mu gihembwe cya mbere cy’umwaka wa 2016, aho iyi banki yemeje ko yabashije gukorera amafaranga arenga miliyari 5.3, bigatuma umusaruro wiyongeraho 18% ugereranyije n’umwaka washize wa 2015.

JPEG - 127 kb
Dr. Diane Karusisi (ibumoso) uyubora Banki ya Kigali na Lawson Naibo ushinze ibikorwa bya banki (Foto Niyonsenga S.)

Dr. Diane Karusisi uyobora iyi banki yagize ati “Tuubona ko hakiri akazi kenshi gakeneye gukorwa mu Rwanda, turateganya gutangiza kampanyi y’ubwishingizi mu rwego rwo gufasha ku buryo buruseho abakiliya bacu, Abanyarwanda baracyakeneye kugezwaho byinshi birebana no gukorana na banki ku buryo tuzajya ahandi ari uko tubonye ko Abanyarwanda bahawe serivise zihagije”

Dr. Karusisi akomeza agira ati “gahunda ya BK kuri ubu, turakomeza gufungura amashami menshi, turakomeza kugwiza abakiliya benshi, mu mibare twifuza kugera kurugero rwa miliyari 60 z’amafaranga y’u Rwanda tukanabona inyungu iruta iyo twabonye mu mwaka ushize byibuza nka miliyari 20 z’inyungu.”

Banki ya Kigali kuri ubu ihamya ko ari yo ya mbere mu mabanki abarizwa mu Rwanda, ni banki yashinzwe mu 1966. Kugeza ubu iyi banki ikorera mu Rwanda ifite amashami 75 mu gihugu, ifite ibyuma bya ATM birenga 84. Banki ya Kigali ikorana n’abantu kugiti cyabo barenga 340,155 ndetse n’ibigo bigera ku 31,000.

 

Comments

 
 
Mukahigiro yubatse inzu ebyiri z’ubucuruzi abikesheje kudoda inkweto
Mukahigiro yubatse inzu ebyiri z’ubucuruzi abikesheje kudoda inkweto

Mukahigiro Pascasie utuye mu kagari ka Gasovu, mu murenge wa Karambi mu karere ka Nyamasheke, avuga ko amaze kugera kuri byinshi abikesheje ubudozi bw’inkweto. Uyu mugore w’imyaka 45 avuga ko (...)

 Akarere ka Musanze  kazakoresha miliyoni 18 ku muyoboro w’amazi wa Rukore
Akarere ka Musanze kazakoresha miliyoni 18 ku muyoboro w’amazi wa Rukore

Ubuyobozi bw’Akarere ka Musanze buravuga ko bwateganyije amafaranga miliyoni 18, azifashishwa mu mushinga wo gusana umuyoboro w’amazi wa Rukore uri mu murenge wa Muko na Nkotsi, umaze imyaka 2 (...)

Abanyenganda b’i Huye baracyafite imbogamizi mu kwimukira muri zone yagenewe inganda
Abanyenganda b’i Huye baracyafite imbogamizi mu kwimukira muri zone yagenewe inganda

Mu gace kagenewe inganda mu kagari ka Sovu mu murenge wa Huye mu karere ka Huye, usanga hataritabirwa cyane ngo hakorerwe ibyo hagenewe, kuba nta bikorwaremezo birahagezwa n’ibibanza bihenze (...)

Kirehe: Umukobwa agiye gushinga uruganda ruzohereza inyama z’ingurube mu mahanga
Kirehe: Umukobwa agiye gushinga uruganda ruzohereza inyama z’ingurube mu mahanga

Umukobwa witwa Umubyeyi Aimée Laetitia, utuye mu karere ka Kirehe, umurenge wa Kigina, avuga ko ateganya gukora uruganda rutunganya inyama z’ingurube, ahereye ku bworozi bw’ingurube akora, (...)

Abahinzi bo muri Kigali basabwe guhaza isoko ry’imboga
Abahinzi bo muri Kigali basabwe guhaza isoko ry’imboga

Abaturage bakorera ubuhinzi mu bishanga by’akarere ka Kicukiro basabwe gushyira imbaraga mu kongera umusaruro w’imboga bagahaza isoko ryo mu Rwanda hagamijwe kugabanya amadevize asohoka igihugu (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.