Advertisement
 
 
 
 
 
 
 
 

Ubukungu

Banki ya Kigali igiye kungukira abayifitemo imigabane asaga miliyari 8   

  Yanditswe na GISUBIZO GENTIL M.
 May 2016

 
 

Banki ya Kigali (BK) yatangaje ko igiye gutanga inyungu ku migabane ya miliyari 8.2 z’amafaranga y’u Rwanda, umunyamigabane akazahabwa amafaranga 12 y’u Rwanda kuri buri mugabane.

Ibi bivuze ko ufite imigabane 1000 agungukirwa ibihumbi 12. Ubuyobozi b’iyi banki bwatangaje gahunda ubwo hatangazwaga urwunguko yagize umwaka wa 2015 rusaga miliyari 20.5 z’amafaranga y’u Rwanda yiyongereyeho 11.7 ugereranyije n’umwaka wa 2014 wabonetsemo agera kuri miliyari 18.3.

Umwe mu banyamigabane ba BK witabiriye umuhango wokumurika uru rwunguko ku wa Mbere tariki 16 Gicurasi 2016, yabwiye Imvaho Nshya ko afite imigabane 4000 akaba avuga ko yiteze kubona urwuunguko rutubutse, anashimangira ko azakomeza kugura n’indi migabane mu gukomeza kuzigamiraabamukomokaho.

JPEG - 286.8 kb
Dr. Diane Karusisi Umuyobozi Mukuru wa BK na Marc Holtzman uyobora Inama y’ubutegetsi ya BK (IFOTO Gentil)

Abenshi mu banyamigabane ba BK batangaje ko banejejwe banki yabo irimo kunguka, kuko bibaha icyizere cyo gukomeza gushoramo imigabane. Kayitare Dominica yavuze ko iyo banki yungutse bigaragaza imikorere myiza kandi na bo imigabane yabo irushaho kuzamuka.

Dr. Diane Karusisi Umuyobozi Mukuru wa BK yavuze ko ari bo bagize inyungu nini, ugereranije n’andi ma banki akorera mu Rwanda ibi bikaba ari ikigaragaza imikorere myiza.

Yagize ati “Twerekanye inyungu twagize ku bashoramari bacu mu mwaka wa 2015, tunababwira ingamba dufite ibi rere n’ ikimenyetso cy’uko dukora neza kandi dufasha abaturage n’abashoramari tubaha inguzanyo.”

JPEG - 227.3 kb
Kayitare Dominica umunyamigabane muri BK (IFOTO Gentil)

Yakomeje avuga ko mu nyungu Banki ya Kigali yungutse, ikindi gice cy’inyungu kigiye gushorwa muri banki mu kongera ubucuruzi n’inguzanyo.

Umuyobozi w’Inama y’Ubutegetsi ya BK Marc Holtzman, yasezeranyije abakiliya ko Banki ya Kigali igiye gukomeza kwegera abaturage no kubegereza ikoranabuhanga dore ko inafite amashami arenga 75 mu gihugu n’ibyuma bifatirwaho 84.

Yashimangiye ko iyi banki ari iy’Abanyarwanda ikaba itazahwema gukomeza kubaha serivisi nziza, ziyongeraho gukomeza kwagura amashami mu kubegera banoroherezwa kubona inguzanyo.

 

Comments

 
 
Musanze:Ibigori bari bitezeho umusaruro ushimishije byibasiwe na Nkongwa
Musanze:Ibigori bari bitezeho umusaruro ushimishije byibasiwe na Nkongwa

Abaturage bakora umwuga w’ubuhinzi bo mu mirenge imwe n’imwe yo mu karere ka Musanze, baravuga ko bahangayikishijwe n’uko batazabona umusaruro uhagije w’ibigori muri iki gihembwe cy’ihinga A 2017, (...)

Mukahigiro yubatse inzu ebyiri z’ubucuruzi abikesheje kudoda inkweto
Mukahigiro yubatse inzu ebyiri z’ubucuruzi abikesheje kudoda inkweto

Mukahigiro Pascasie utuye mu kagari ka Gasovu, mu murenge wa Karambi mu karere ka Nyamasheke, avuga ko amaze kugera kuri byinshi abikesheje ubudozi bw’inkweto. Uyu mugore w’imyaka 45 avuga ko (...)

 Akarere ka Musanze  kazakoresha miliyoni 18 ku muyoboro w’amazi wa Rukore
Akarere ka Musanze kazakoresha miliyoni 18 ku muyoboro w’amazi wa Rukore

Ubuyobozi bw’Akarere ka Musanze buravuga ko bwateganyije amafaranga miliyoni 18, azifashishwa mu mushinga wo gusana umuyoboro w’amazi wa Rukore uri mu murenge wa Muko na Nkotsi, umaze imyaka 2 (...)

Abanyenganda b’i Huye baracyafite imbogamizi mu kwimukira muri zone yagenewe inganda
Abanyenganda b’i Huye baracyafite imbogamizi mu kwimukira muri zone yagenewe inganda

Mu gace kagenewe inganda mu kagari ka Sovu mu murenge wa Huye mu karere ka Huye, usanga hataritabirwa cyane ngo hakorerwe ibyo hagenewe, kuba nta bikorwaremezo birahagezwa n’ibibanza bihenze (...)

Kirehe: Umukobwa agiye gushinga uruganda ruzohereza inyama z’ingurube mu mahanga
Kirehe: Umukobwa agiye gushinga uruganda ruzohereza inyama z’ingurube mu mahanga

Umukobwa witwa Umubyeyi Aimée Laetitia, utuye mu karere ka Kirehe, umurenge wa Kigina, avuga ko ateganya gukora uruganda rutunganya inyama z’ingurube, ahereye ku bworozi bw’ingurube akora, (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.