2017-08-19 07:41:08 clouds 27o High | Kigali Rwanda

Dukurikire:
 
 

Banki y’Isi yatanze inguzanyo yo kubaka umuhanda uhuza Ngoma na Nyanza

Yanditswe na IMVAHO NSHYA

Kuya 2017-06-05 13:17:12

 
Share on:
 
Yasuwe:475
 
Yavuzweho:200
 
10
 
10

Umuhanda Perezida Paul Kagame yemereye abaturage uva mu karere ka Ngoma ugaca mu Bugesera ugahinguka ku Gasoro mu karere ka Nyanza, uzatangira kubakwa mu kwezi k’Ukuboza 2017 nyuma yaho Minisiteri y’Imari n’Igenamigambi iboneye inkunga.

Minisitiri w’Imari n’Igenamigambi, Amb Gatete Claver na Yasser El-Gammal uhagarariye Banki y’Isi mu Rwanda kuri uyu wa 5 Kamena bashyize umukono ku masezerano y’inguzanyo ya miliyoni 75.9 z’Amayero angana na miliyari 70 z’Amafaranga y’u Rwanda yo kubaka igice cy’uwo muhanda cy’ibilometero 66.5 kiva Kibugabuga-Nshinga kigera Gasoro mu karere ka Nyanza.’

Gatete yavuze ko iryo sezerano Perezida Paul Kagame yahaye abaturage ryakurikiwe no gushaka aho amafaranga azava ngo rishyirwe mu bikorwa.

Ati “Igice kimwe gitangwa na Banki y’Isi andi mafaranga atangwa na Leta y’u Buyapani. Uwo muhanda wose ufite ibilometero 119, ariko 66.5 muri byo bizakorwa n’amafaranga y’inguzanyo ava muri Banki y’Isi.”

JPEG - 272.3 kb
Minisitiri Gatete n’uhagarariye Banki y’Isi mu Rwanda bamaze gushyira umukono kuri ayo masezerano

Yasobanuye ko amafaranga azubaka igice cya kilometero 52.5 zisigaye, kiva mu karere ka Ngoma kikagera mu karere ka Bugesera, kizubakwa ku nguzanyo y’u Buyapani.

Ati “Ibi bijyana n’umubano ukomeye cyane hagati ya Leta y’u Rwanda na Banki y’Isi, na none basanzwe badufasha mu bikorwa bitandukanye birimo ubuhinzi, mu ngufu; muri iyi mijyi y’icyerekerezo yunganira Umujyi wa Kigali ndetse no mu cyaro mu bijyanye no kubaka. Kandi hari amafaranga ajya mu budehe batangamo inkunga ikomeye no mu yindi mishinga yo ku rwego rw’akarere.”

Uhagarariye Banki y’isi mu Rwanda, Yasser El-Gammal, yavuze ko biteguye gukomeza umubano mwiza bafitanye na Minisiteri y’Ibikorwa remezo (MININFRA) n’Ikigo cyayo gishinzwe iby’ubwikorezi (RTDA.

Ati “Uyu muhanda ugiye kugirira inyungu abaturage basaga miliyoni n’igice. Ugiye kubaha amahirwe menshi mu kubona akazi, byaba mu buryo budahoraho mu gihe cyo kubaka umuhanda no mu buryo buhoraho, akazi kinjiriza abaturage nyuma yo kubona umuhanda, ni ukuvuga abantu 500 bazabona akazi gahoraho.”

Umuhanda Umukuru w’Igihugu Paul Kagame yemereye abaturage, witezweho kandi kugabanya ubwinshi bw’ibinyabiziga, byaba ibyambukiranya imipaka biva Tanzania, Kongo (RDC) bijya mu Burundi byacaga mu Mujyi wa Kigali binyura mu ntara y’Amajyepfo n’ibinyabiziga by’abaturage ubwabo baca mu Mujyi wa Kigali bavuye mu ntara y’Uburasirazuba bashaka kujya mu Majyepfo.

Amb. Gatete yavuze kandi ko harimo gushakishwa andi mafaranga azubaka umuhanda Huye-Kibeho uzafasha abakora ingendo zigana muri utwo duce.

MUTUNGIREHE SAMUEL

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE