2017-06-24 09:49:51 clouds 27o High | Kigali Rwanda

Dukurikire:
 
 

Banki nizigishe abakiriya kurwanya ingengabitekerezo ya Jenoside- Namara

Yanditswe na IMVAHO NSHYA

Kuya 2017-05-05 12:30:56

 
Share on:
 
Yasuwe:44
 
Yavuzweho:200
 
10
 
10

Umuyobozi Mukuru wa Equity Bank ishami ry’u Rwanda Hannington Namara yatangaje ko gahunda y’Abanyarwanda yo kurwanya Jenoside iri muri gahunda z’akazi abakozi b’iyo banki bagira birinda aho ingengabitekerezo yose yaturuka, kuko bakoresha amahirwe yo guhura n’abakiliya benshi, bakayakoresha mu kubigisha kurwanya ingengabitecyerezo ya Jenoside.

Mu kiganiro yagiranye n’Imvaho Nshya tariki ya 3 Gicurasi 2017 mu gikorwa cyo kwibuka ku nshuro ya 23 Jenoside yakorewe Abatutsi mu 1994, Namara yavuze ko bakora akazi ka serivisi za banki kabahuza n’abantu benshi umunsi ku munsi kuruta izindi nzego, bityo bibabera amahirwe yo gutangamo amakuru meza yo kwigisha abakiliya arimo n’ayo kwamagana ingengabitekerezo ya Jenoside.

Ati “Kurwanya Jenoside turabanza tukabyemeranya mu mahame yacu, mu kazi twe nk’abakozi, tugafatanya n’abandi bose dushyikirana nabo, baba abo mu miryango yacu, mu bakiliya bacu, mu bo dusanga tugiye kubabwira ibyiza bya banki, tukemeranya tuti tujye twibuka no kubabwira ko uwo tubonye cyangwa twumvise ashobora kuba yagira intege nke mu kutumva neza ibya Jenoside n’ingaruka zayo tukamufasha tukaba twabimubwira.

JPEG - 223.4 kb
Zimwe mu nka zatanzwe na Equity Bank, zahawe imfubyi n’inshike za Jenoside yakorewe Abatutsi mu 1994, mu mirenge y’Akarere ka Gisagara

Yakomeje avuga ko nk’izindi nzego, nabo ari bamwe mu bafasha abandi guhindura imitekerereze ikiri hasi, bagafasha n’abandi mu buryo bwo kwiyubaka no kwirinda guheranwa n’amateka n’agahinda, bakabafasha mu mikoranire yo kwiteza imbere n’ibindi.

Iyi banki imaze imyaka 5 ikorera mu Rwanda, yibutse ku nshuro ya gatanu, ikaba yararemeye imfubyi n’inshike za Jenoside inka 20 za kijyambere, 8 muri zo zihaka amezi makuru.

Ikindi kandi 15 muri zo zahawe abakecuru n’abagabo b’inshike za Jenoside, bo mu mirenge ya Ndora, Musha na Gikonko yo mu karere ka Gisagara.

Umunyamategeko muri Komisiyo y’igihugu yo kurwanya Jenoside (CNLG) Vitali Ntagengwa, yavuze ko kugira ngo Abanyarwanda babashe gusigasira ibyiza bagezeho, icyiza ari uko abantu bagomba kwigishwa kurushaho ariko hagahanwa by’umwihariko abagifite ingengabitekerezo ya Jenoside.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE