Advertisement
 
 
 
 
 
 
 
 

Ubukungu

Baciye ukubiri n’akajagari no gusembera baha akazi abasaga 200   

  Yanditswe na RUBIBI OLIVIER
 5 days ago

 
 

Abanyabukorikori bakora umwuga w’Ububaji bibumbiye muri Koperative COAME-Abishyizehamwe bakorera mu Gakiriro ka Mbugangari mu mujyi wa Gisenyi bavuga ko nyuma yo kubona aho bakorera bamaze guha imirimo abantu basaga 200.

Koperative COAME-Abishyizehamwe igizwe n’abanyamuryango 32 bose bakoraga umwuga w’ububaji mu bice binyuranye by’Umujyi wa Gisenyi, bahurijwe hamwe mu Gakiriro ka Mbugangari mu rwego rwo guhuza imbaraga ndetse no gushaka icyakomeza kubateza imbere.

Nk’uko Umuyobozi wungirije wa Koperative COAME-Abishyize hamwe Gatare Paul abivuga, kuva bishyira hamwe hari byinshi bungutse mu mikorere yabo . Gatare avuga ko hafi ya bose bakoraga akazi k’ububaji mu kajagari bacumbitse ndetse bakodesha inzu z’abaturage hirya no hino mu mujyi wa Gisenyi Leta iza kubafasha ibubakira Agakiriro ka Mbugangari.

JPEG - 306.9 kb
Abanyamuryango ba Koperative COAME Abishyizehamwe

Abasaga 200 bamaze guhabwa akazi muri Koperative COAME-Abishyizehamwe

Gatera avuga ko mu gihe gito bamaze batangiye gukorera hamwe bamaze guha imirimo abantu basaga 200. Yagize ati “ Turi abanyamuryango 32 ariko tubaze abana baza kwigira hano abo dukoresha turagera mu bantu 200. Hari n’ikintu gishimishije cyane n’uko hari n’abana ba bakobwa basigaye baza kwiga imyuga. Tuzi neza turi muri bamwe Leta itezeho umusanzu wo gutanga imirimo.”

Gatera avuga ko ubufasha Leta yabahaye bazabugenderaho bagakomeza inzira ibaganisha ku iterambere ndetse nabo bakayitura kuyifasha kugabanya umubare w’Urubyiruko rutagira akazi babafasha kwiga Umwuga w’Ububaji.

Gatera yagize ati “ Twarasemberaga hirya no hino mu nzu z’abaturage dukodesha twishyura ariko kuva tugeze hano byaratworoheye n’ubwo hakiri imbogamizi zigiye zitandukanye ariko zizagenda zikemuka nidukomeza gushyira hamwe .”

Umwana w'umukobwa umwe mu bahawe akazi akora ashishikaye agakirigita ifaranga


Agakiriro ka Mbugangari gakorerwamo na Koperative COAME-Abishyize hamwe katangiye mu mwaka wa 2015 ariko ibikorwa bamaze kugeraho biratanga icyizere ko mu bihe biri imbere ibikorwa byabo bizaba bigera kuri benshi kandi ari byiza.

Gatera yakomeje avuga ko bataratangira gukorera mu Gakiriro ka Mbugangari bamaze igihe kinini bahora bimuka ariko ubu bakaba bamaze gutuza n’ubwo aho bakorera hakiri hato kandi hakaba hatararangira gutunganwa.
Hari ibintu byiza byinshi bagezeho babikesha gukorera hamwe

Umuyobozi wungirije wa Koperative COAME-Abishyize hamwe avuga ko ikintu gikomeye baruhutse ari uguhora basiragira. Yagize ati “ Tujya kwimukira hano twimutse inshuro ebyiri mu myaka ibiri, ubu abakozi bacu bakorera ahantu hamwe, iyo ufite ibintu byinshi ukoresha urazana tukagukorera dufite aho tubarizwa niyo hagize ushobora guhemuka uba ufite aho wamubariza .Igihe twari tugikora dutatanye ntabwo byabaga byoroshye kubona abakozi ndetse no kubakurikirana byabaga bigoye cyane.”

JPEG - 346.8 kb

Nk’uko Gatera yakomeje abivuga ngo bakimara gutangira gukorera mu Gakiriro bagiye babona bimwe mu bibazo bafite batari bazi, ibyo ngo akaba aribyo barimo kurwana nabyo kugira ngo 19/12/2016 bazabe bamaze kugaragaza ibibazo bibangamiye Koperative yabo bishakirwe umuti bakomeze inzira y’iterambere.

Imwe mu mbogamizi barimo kurwana nayo n’ukwishyira hamwe bagahuriza ku bikorwa bimwe, bamwe mu banyamuryango bakora ibikorwa byabo kandi bitwa ko bari muri Koperative bakabirekaba bagasenyera umugozi umwe.

Gatera akomeza avuga ko basa naho bamaze gucuka ku bufasha Leta yabahaga aho bageze nabo ngo bagomba gufasha Leta kuvana abana mu muhanda bakabigisha bakagira umwuga bamenya.

Nyuma yaho bamaze kubona ko ntakidashoboka iyo umuntu ashyizeho umuhate ngo bafite icyifuzo ko ibikorwa byabo byazagera no mu tundi turere tw’igihugu .Ibi byose ngo biva ku gutekereza neza ndetse no gukorera ibintu ku gihe.

JPEG - 273.7 kb
Utubati dukorwa n’iyi koperative dukoranywe ubuhanga abenshi mu badukoresha birahira

Umusoro uhanitse ku mbaho ziva muri RDC mu bibakoma mu nkokora

Umuyobozi wungirije wa Koperative COAME-Abishyize hamwe Gatera Paul avuga ko bazi neza ko aribo ubwabo bagomba kwishakamo ibisubizo ariko ngo hari bimwe mu bibazo biba birenze ubushobozi bwabo.

Kimwe mu bibazo bafite ni aho bakorera hato cyane ku buryo bitaborohera kwagura ibikorwa byabo. Iyo ugeze aho bakorera ibikorwa by’ububaji usanga abakozi bacucitse iki ngo akaba ari imbogamizi ikomeye

Umusoro uhanitse ku mbaho ziva muri Repubulika Iharanira Demokarasi ya Congo (RDC) nawo ngo n’imbogamizi itoroshye.

JPEG - 272.7 kb
Ibikoresho bya COAME_Abishyizehemwe bikunzwe ku isoko

Gatera avuga ko urubaho rugurwa Amadolari y’Amerika 47 ariko rugera mu Rwanda rusa naho rwikubye kabiri kubera umusoro. Gusa bafite icyizere cy’uko ushobora kugabanuka nyuma yaho Minisitiri w’Ubucuruzi Inganda n’Ibikorwa by’Umuryango w’Afurika y’Uburasirazuba asuriye aka gace.

Udukiriro tugize bumwe mu buryo Leta y’u Rwanda yashyizeho mu rwego rwo gufasha abanyabukorikori kwiteza imbere. Muri buri Karere hubatswe Agakiriro aho usanga abantu bakora imyuga itandukanye ariho baba barahuriye bagakora akazi bashyize hamwe.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Hafashwe toni 7 za caguwa zinjizwaga mu Rwanda ari magendu
Hafashwe toni 7 za caguwa zinjizwaga mu Rwanda ari magendu

Ishami rya Polisi y’u Rwanda rishinzwe kurwanya magendu n’inyerezwa ry’imisoro (RPU), rifatanyije n’ikigo cy’igihugu cy’imisoro n’amahooro (RRA), bataye muri yombi abantu 3 bakekwaho kwinjiza ibiro (...)

Abavuzi gakondo bagiye gushinga uruganda rw’imiti na banki
Abavuzi gakondo bagiye gushinga uruganda rw’imiti na banki

Abavuzi bo mu Rwanda no mu bindi bihugu bya Afurika y’Uburasirazuba, bibumbiye mu Muryango Mugari w’Abavuzi Gakondo, UMUAGA, batangiye kwiga ku mishinga ikomeye y’igihe kirekire irimo ibitaro (...)

Nyamagabe: Umudozi yasabiwe guhuzwa n’Abashinwa bakora imyenda
Nyamagabe: Umudozi yasabiwe guhuzwa n’Abashinwa bakora imyenda

Minisitiri w’Abakozi ba Leta n’Umurimo Uwizeye Judith, yasabye ubuyobozi bw’Akarere ka Nyamagabe gukorana na Minisiteri y’Ubucuruzi n’Inganda gufasha umudozi wahangiye imirimo abaturage benshi muri (...)

Abanyarwanda 920 bamaze kwizigama by’igihe kirekire asaga miliyari
Abanyarwanda 920 bamaze kwizigama by’igihe kirekire asaga miliyari

Ikigo gishinzwe Ibigega by’Umugabane ku Ishoramari (RNIT Iterambere Fund) cyatangaje ko Abanyarwanda 920 ari bo bashoye imari mu igurisha rya mbere bizigama by’igihe kirekire amafaranga y’u Rwanda (...)

Ukwakira 2016: Ibiciro mu mijyi y’u Rwanda byiyongereyeho 7.4%
Ukwakira 2016: Ibiciro mu mijyi y’u Rwanda byiyongereyeho 7.4%

Ikigo cy’Igihugu gishinzwe ibarurishamibare mu Rwanda (NISR) cyatangaje ko igipimo cy’ihindagurika ry’ibiciro mu kwezi kw’Ukwakira 2016 cyagaragaje ko ibiciro mu mijyi Ibiciro mu mijyi (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.