Advertisement
 
 
 
 
 
 
 
 

Ubukungu

Amashuri mu Rwanda yatangiye guhemberwa guteza imbere ubuhinzi   

  Yanditswe na IMVAHO NSHYA
 April 2016

 
 

Abanyeshuri bo mu bigo bitandukanye batangiye guhemberwa guteza imbere ubuhinzi bugezweho mu irushanwa ryiswe “Farming is cool (Ubuhinzi ni bwiza)” rigamije guhindura imyumvire y’urubyiruko ku buhinzi bagasobanukirwa n’amahirwe ari mubuhinzi yatuma rubasha kwihangira imirimo.

Iri rushanwa ryateguwe na Balton Rwanda Ltd rigamije gukangurira urubyiruko kureba ubuhinzi mu buryo bunyuranye n’ubwa gakondo bukoreshwa n’ababyeyi ahubwo bagakangukira ubijyanye n’isoko banungukiramo tekinoloji z’ubuhinzi bugamije isoko.

Amashuri yahereweho guhembwa ni FAWE Girls School, Kaminuza y’u Rwanda Ishami ry’ubuhinzi, Ubworozi n’ubuvuzi bw’Amatungo (UR-CAVM-RUBILIZI CAMPUS) na Groupe Scolaire ADB Nyarutarama, buri shuri rikaba ryahawe inzu z’ubuhinzi (green house) zifite agaciro k’amafaranga y’u Rwanda arenga miliyoni enye.

Umuyobozi w’Ishami ry’ubuhinzi muri Balton Rwanda SAFARI Evariste, yasobanuye ko ‘green house’ ari ipaki igizwe n’ibiyubatse, imirama uzakoreshwa ku gihembwe cya mbere cy’ihinga, imiti n’amafumbire, amapombo yo gutera imiti, ibikoresho byo kwirinda imiti mugihe cyo kuyitera, uburyo bwo kuhira, ikigega cy’amazi n’ibindi.

JPEG - 231.4 kb
Abanyeshuri bahembwe basobanuriwe uburyo bushya bwo kuhira

Ubwo abanyeshuri ba mbere bazaga gufata ibikoresho bigize iyi tekinoloji y’ubuhinzi SAFARI Evariste yavuze ko bagambiriye gufasha urubyiruko kwinjira mu buhinzi bugezweho bubyara umusaruro mu rwego rwo kwihangira imirimo.

Yagize ati “Irushanwa riba mu bigo bitandukanye byo mu gihugu hose ariko by’umwihariko ibigo bifite mu nshingano guteza imbere ubuhinzi , ubutaka bwo gukoreraho bwa buhinzi, ndetse n’amazi yo kuhira. Irushanwa rizakomeza, icyo twifuza kubona muri aba banyeshuri ni uko bo ubwabo batabona ubuhinzi nk’aho ari ikintu gikorwa nk’igihano cyane ko abanyarwanda barenga 85% bakora ubuhinzi.”

Yakomeje agira ati “Ikidushishikaje nka Balton Rwanda ni ukongera umusaruro no guhindura uburyo abantu bahingamo kugira ngo umusaruro ubashe kwiyongera. Nyuma, abanyeshuri bazagenda bakora iri koranabuhanga iwabo cyangwa bakora ubundi buryo bw’ubuhinzi babukore iwabo, ariko bo ubwabo tubakangurire kudatinya ubuhinzi kubera y’uko bushobora gutanga n’akazi.”

JPEG - 223.5 kb
Abakozi ba Balton Rwanda basobanuriye abanyeshuri ko ubuhinzi buzababera amahirwe yo kwikura mu bushomeri

Yijeje abamaze guhembwa ko bazakomeza kubakurikirana murwego rw’inama mu buhinzi. Yakomeje kandi avuga ko iyi ari intangiriro ariko ko amarushanwa azakomeza.

Abanyeshuri babona ibi bihembo nk’amahirwe yigongera ku bumenyi bwabo. Akimana Mukundwa Diane wiga mu mwaka wa gatandatu PCM (Imibare, Ubutabire n’Ubugenge)muri FAWE Girls School ati “Tugomba kubyaza iyi Green House umusaruro kuko ahantu hari abanyeshuri haba hakenewe imboga zo kurya; mu kigo cyacu habonekemo izo mboga ku buryo ibyakoreshwaga bigabanuka.”

Nyiribakwe John wiga muri Kaminuza y’u Rwanda Ishami ry’ubuhinzi n’Ubworozi n’ubuvuzi bw’Amatungo na we ati “Tuzarushaho kumenya byinshi bijyanye n’ubuhinzi kandi tuzafasha n’imiryango ituriye ikigo cyacu.”

Manirakiza Jean d’Amour wiga kuri Groupe Scolaire ADB Nyarutarama mu mwaka wa gatandatu w’ibyitumanaho n’amashanyarazi yasobanukiwe ko mu buhinzi harimo amahirwe yazamurinda ubushomeri nyuma yo kurangiza amashuri.

 

Comments

 
 
Musanze:Ibigori bari bitezeho umusaruro ushimishije byibasiwe na Nkongwa
Musanze:Ibigori bari bitezeho umusaruro ushimishije byibasiwe na Nkongwa

Abaturage bakora umwuga w’ubuhinzi bo mu mirenge imwe n’imwe yo mu karere ka Musanze, baravuga ko bahangayikishijwe n’uko batazabona umusaruro uhagije w’ibigori muri iki gihembwe cy’ihinga A 2017, (...)

Mukahigiro yubatse inzu ebyiri z’ubucuruzi abikesheje kudoda inkweto
Mukahigiro yubatse inzu ebyiri z’ubucuruzi abikesheje kudoda inkweto

Mukahigiro Pascasie utuye mu kagari ka Gasovu, mu murenge wa Karambi mu karere ka Nyamasheke, avuga ko amaze kugera kuri byinshi abikesheje ubudozi bw’inkweto. Uyu mugore w’imyaka 45 avuga ko (...)

 Akarere ka Musanze  kazakoresha miliyoni 18 ku muyoboro w’amazi wa Rukore
Akarere ka Musanze kazakoresha miliyoni 18 ku muyoboro w’amazi wa Rukore

Ubuyobozi bw’Akarere ka Musanze buravuga ko bwateganyije amafaranga miliyoni 18, azifashishwa mu mushinga wo gusana umuyoboro w’amazi wa Rukore uri mu murenge wa Muko na Nkotsi, umaze imyaka 2 (...)

Abanyenganda b’i Huye baracyafite imbogamizi mu kwimukira muri zone yagenewe inganda
Abanyenganda b’i Huye baracyafite imbogamizi mu kwimukira muri zone yagenewe inganda

Mu gace kagenewe inganda mu kagari ka Sovu mu murenge wa Huye mu karere ka Huye, usanga hataritabirwa cyane ngo hakorerwe ibyo hagenewe, kuba nta bikorwaremezo birahagezwa n’ibibanza bihenze (...)

Kirehe: Umukobwa agiye gushinga uruganda ruzohereza inyama z’ingurube mu mahanga
Kirehe: Umukobwa agiye gushinga uruganda ruzohereza inyama z’ingurube mu mahanga

Umukobwa witwa Umubyeyi Aimée Laetitia, utuye mu karere ka Kirehe, umurenge wa Kigina, avuga ko ateganya gukora uruganda rutunganya inyama z’ingurube, ahereye ku bworozi bw’ingurube akora, (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.