Advertisement
 
 
 
 
 
 
 
 

Ubukungu

Hagiye kwifashishwa ibyogajuru mu buhinzi bw’u Rwanda   

  Yanditswe na NTAWITONDA JEAN CLAUDE
 May 2016

 
 

Abahinzi bo mu Rwanda bashyiriweho uburyo buzajya bubafasha kumenya imihindagurikire y’ikirere, kugira ngo bibafashe gukoresha ubutaka birinda ibihombo bijyanye no kurumbya, ibituruka ku biza n’ibindi.

Bivugwa ko ibyogajuru bigiye gukoreshwa mu gushakira abahinzi mu Rwanda n’Ikompanyi yo mu Busuwisi SARMAP yashinzwe mu mwaka wa 1998.

Umuyobozi y’iyi kompanyi, Francesco Holecz, yatangaje ko guhindura amakuru ava ku byogajuru agakoreshwa mu mirimo ya buri munsi bizafasha abaturage n’ibigo gusuzuma no kwikura mu bibazo biterwa n’imihindagurikire y’ibihe.

Iki gikorwa kandi kivugwaho kuba kije kongerera ingufu gahunda y’iteganyagihe mu Rwanda bigafasha abanyarwanda biganjemo abahinzi kubona amakuru agezweho abafasha mu igenamigambi ry’ubuhinzi rihamye.

Mu nama yabereye i Kigali muri iki cyumweru, Francesco Holecz yagize ati “Amakuru atagurishwa avuye ku byogajuru afasha rubanda guhorana amakuru mashya kandi yizewe abafasha mu igenamigambi, mu micungire y’ibikorwa no kwirwanaho mu gihe hari ikibazo babona imbere yabo.”

JPEG - 444.2 kb
Franscesco Holecz Umuyobozi wa Sarmap asobanura uburyo ibyogajuru bigiye kujya bitanga amakuru yizewe ku bahinzi b’u Rwanda

Yakomeje avuga ko aya makuru ashobora kwifashishwa harebwa uko umusaruro w’ahantu cyangwa ibihingwa wifashe mu bihe runaka.

Kuri we gukoresha ibyogajuru bifasha kugenzura ibiri ku butaka, impinduka zibubaho no guhangana byihuse n’ingaruka ziterwa n’imihindagurikire y’ibihe itera nk’amapfa, umwuzure, imiyaga myinshi n’ibindi.

Umuyobozi w’indi kompanyi, Exuus, ifite uruhare muri ibi bikorwaSteve Shema, yongeyeho ko Leta yakoreshaga uburyo butanga amakuru atagezweho mu kurinda ko ibidukikije n’ibikorwa bya muntu n’ibindi biri karemano.

Akomeza avuga ko ubu buryo bunakoreshwa muri Aziya y’Uburasirazuba, kandi ngo byagaragaje inyungu mu ngeri y’ubuhinzi.

Innocent Nzeyimana ushinzwe ishami ryo kuhira no gukamura ibishanga mu kigo cy’igihugu cy’ubuhinzi RAByashimye ibi bigo byishyize hamwe mu gutangiza iri koranabuhanga avuga ko rizafasha mu gufata ibyemezo biboneye.

Ikigo cy’Igihugu cy’Ibidukikije (REMA) na cyo cyaboneyeho gushima iri koranabuhanga rije nk’igisubizo mu kugena ahazaza heza h’umutungo kamere n’ibidukikije muri rusange kuko gukoresha icyogajuru bizabafasha kugenzura ibiri mu gihugu ndetse no mu karere muri rusange.

JPEG - 388.8 kb
Innocent Nzeyimana (hagati) Umuyobozi mukuru ushinzwe gahunda yo kuhira muri RAB Steve Shema (L), uyobora Exuus na Holecz (Iburyo)
 

Comments

 
 
Mukahigiro yubatse inzu ebyiri z’ubucuruzi abikesheje kudoda inkweto
Mukahigiro yubatse inzu ebyiri z’ubucuruzi abikesheje kudoda inkweto

Mukahigiro Pascasie utuye mu kagari ka Gasovu, mu murenge wa Karambi mu karere ka Nyamasheke, avuga ko amaze kugera kuri byinshi abikesheje ubudozi bw’inkweto. Uyu mugore w’imyaka 45 avuga ko (...)

 Akarere ka Musanze  kazakoresha miliyoni 18 ku muyoboro w’amazi wa Rukore
Akarere ka Musanze kazakoresha miliyoni 18 ku muyoboro w’amazi wa Rukore

Ubuyobozi bw’Akarere ka Musanze buravuga ko bwateganyije amafaranga miliyoni 18, azifashishwa mu mushinga wo gusana umuyoboro w’amazi wa Rukore uri mu murenge wa Muko na Nkotsi, umaze imyaka 2 (...)

Abanyenganda b’i Huye baracyafite imbogamizi mu kwimukira muri zone yagenewe inganda
Abanyenganda b’i Huye baracyafite imbogamizi mu kwimukira muri zone yagenewe inganda

Mu gace kagenewe inganda mu kagari ka Sovu mu murenge wa Huye mu karere ka Huye, usanga hataritabirwa cyane ngo hakorerwe ibyo hagenewe, kuba nta bikorwaremezo birahagezwa n’ibibanza bihenze (...)

Kirehe: Umukobwa agiye gushinga uruganda ruzohereza inyama z’ingurube mu mahanga
Kirehe: Umukobwa agiye gushinga uruganda ruzohereza inyama z’ingurube mu mahanga

Umukobwa witwa Umubyeyi Aimée Laetitia, utuye mu karere ka Kirehe, umurenge wa Kigina, avuga ko ateganya gukora uruganda rutunganya inyama z’ingurube, ahereye ku bworozi bw’ingurube akora, (...)

Abahinzi bo muri Kigali basabwe guhaza isoko ry’imboga
Abahinzi bo muri Kigali basabwe guhaza isoko ry’imboga

Abaturage bakorera ubuhinzi mu bishanga by’akarere ka Kicukiro basabwe gushyira imbaraga mu kongera umusaruro w’imboga bagahaza isoko ryo mu Rwanda hagamijwe kugabanya amadevize asohoka igihugu (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.